Zgjedhjet e 25 Prillit/ Mediu nuk pret Bashën, prezanton kandidatët për Tiranën 0 15

Kreu i Partisë Republikane, Fatmir Mediu duket se nuk ka pritur Partinë Demokratike, por ka nxituar që të prezantojë 36 kandidatët për deputetët në Qarkun e Tiranës për zgjedhjet e 25 prillit.

Prezantimi i tyre është bërë në mbledhjen e aktivit të Tiranës. Nga ana tjetër dy forcat më të mëdha të opozitës PD dhe LSI nuk kanë vendosur ende se çdo të bëjë me aleancat.

Mbasi një pjesë e madhe e kandidatëve për deputet folën në këtë aktivitet për angazhimin e tyre në çdo zonë zgjedhore në qarkun e Tiranës fjalën e mori Kryetari I PR z Mediu i cili vlerësoi historikun dhe rolin e Partisë Republikane në këto 30 vite pluralizëm dhe më tej theksoj se:

Historia e të djathtës është histori njerëzish që e kanë krijuar atë. Nuk mund të ketë sukses një parti politike, një opozitë, në qoftë se nuk do të dijë të vlerësojë, jo vetëm historinë e vet si vlerë e shkruar e historisë , e arritjeve, por sidomos si vlerë e kapitaleve njerëzore që kanë krijuar këtë histori. Prandaj është shumë e rëndësishme që në rrugëtimin tonë për të bashkuar shqiptarët më 25 prill, të bashkojmë në radhë të parë atë që është identiteti politik i të djathtës, të përndjekurit politikë, ata që u persekutuan, pronarët, themeluesit, krijuesit, ideatorët e lëvizjeve demokratike, ata që kanë kontribuar në këto 30 vite, ata që kanë realizuar arritje, ata të cilët janë një potencial i jashtëzakonshëm intelektual, por dhe politik dhe elektoral, jo vetëm për Partinë Republikane, por për Partinë Demokratike dhe gjithë opozitën. Të bashkojmë të gjithë politikën e djathtë, sepse kam bindjen që e djathta, në mënyrë të padiskutueshme, mbart më shumë vlera, në respekt të njerëzve, në respekt të vendit, në respekt të kombit, për t`a bërë Shqipërinë Europiane.

Rama po e shkatërron çdo gjë të ndërtuar në këto 30 vite sepse e ka nisur çdo gjë me zero. E kam thënë dhe po e përsëris, zeroja prodhon vetëm zero, dhe kjo është ajo që ka prodhuar Edi Rama, mohimi, përbuzja, fyerja, shkatërrimi, e ka sjellë Shqipërinë në momentet më të vështira në historinë e saj politike.

Në ka një oligark të vetëm ky vend, që ka prodhuar vetëm korrupsion dhe klientelizëm ekonomik, ky është Edi Rama dhe përgjegjësia është e tij, për zhvillimin dhe problemet që ka biznesi sot. Pa biznes nuk ka ekonomi dhe nuk ka të ardhme. Në ka njerëz që krijojnë, janë biznesi. Në ka njerëz që punësojnë, janë biznesi. Në ka gjë që duhet t`a dëshirojmë, është t`a zhvillojmë biznesin. Në ka gjë që duhet t`a mbështesë Partia Republikane, është të mbështesë biznesin, sepse biznesi është mundësia për punësim dhe zhvillim ekonomik të këtij vendi.

E djathta duhet të bashkohet, por jo për të shërbyer si aneks apo qoshe rehatie për këdo politikan apo parti politike. E djathta duhet të bashkohet në radhë të parë në çdo qendër votimi, për të garantuar zgjedhje të lira dhe të ndershme. E djathta e ka të domosdoshme të ndërtojë në radhë të dytë një koalicion vlerash, ku idetë tona krijojnë shpresë dhe besim. Nuk është e mjaftueshme që të tregojmë vetëm se sa i keq është Edi Rama. Është e domosdoshme të tregojmë që ne kemi forcën për të bashkuar shqiptarët kudo që janë, për t`a bërë Shqipërinë Europiane, për të krijuar shanse dhe mundësi të reja.

Ne duam të fitojmë me Partinë Demokratike dhe i takon Partisë Demokratike që të paracaktojë dhe të tregojë se cilat janë rrugët e fitores, dhe e vetmja rrugë është rruga e ndershmërisë, për të pranuar se kush je dhe për të pranuar se me kë punon, për të ndërtuar një koalicion vlerash. E vetmja mënyrë për të ndërtuar një koalicion vlerash, elektorale dhe politike, është kur respekton dhe vlerëson peshën e çdo partie politike, dhe në mënyrë të padiskutueshme, kur arrin dhe gjykon së bashku, kush janë kandidatët që përfaqësojnë këto vlera, për t`a çuar jo thjesht opozitën përpara, por shoqërinë përpara, në mënyrë që në Parlament nesër, të jenë zëri i qytetarëve dhe i mundësisë për një realitet ndryshe, për të ndërtuar shtetin dhe jo vetëm thjesht të jenë në Parlament për t`i shërbyer pushtetit.

Po kërkojmë reciprocitet, respekt, vlerësim të njerëzve të Partisë Republikane, të historisë së Partisë Republikane, të peshës së Partisë Republikane dhe njëkohësisht të ideve të Partisë Republikane, sepse besojmë tek këto ide dhe këto vlera.

Kjo është trupa elektorale e Partisë Republikane. Këta do të jenë kandidatët, ju do të jeni kandidatët, në çdo qendër votimi, për të punuar të gjithë së bashku.

Unë ju kërkoj ju të gjithëve, besoni në veten tuaj, besoni në të ardhmen tuaj, sepse keni një të ardhme përpara, si njerëz, si komb, dhe kjo kërkon angazhimin dhe përkushtimin tonë.//T.Ch

Leave a Reply

Your email address will not be published. Required fields are marked *

Melisa hap zemrën dhe tregon e përlotur historinë e vështirë të jetës: Më kanë dhunuar fizikisht 0 6

Në puntatën e të mërkurës në “Përputhen”, Melisa rrëfeu historinë e saj të dhimbshme. Ajo tha se ka qenë e bullizuar dhe e dhunuar nga bashkëmoshatarët kur jetonte në Itali, sepse nuk ishte në nivelin e tyre financiar.

 

Melisa tregoi se këtë histori nuk e dinin as prindërit e saj, vetëm motra dhe shoqja e saj.

 

“Ka qenë pjesa e bullizmit, por interneti në atë kohë nuk ishte i përhapur si tani, nuk e kujtoj si një gjë të mërzitshme por si një forcë, nëse vendosa ta përmend nuk po e them për viktimizim, por thjesht që ka njerëz që mund të gjejnë ngushëllim. Duke qenë se unë e kam kaluar edhe me dhunë fizike këtë gjë kishte raste edhe që edhe më përndiqnin që të arrinin atë që donin sepse unë isha në një nivel më të vogël.

Momenti që unë nuk mbaja më i tregova motrës, jetoja me të në Itali, e cila ishte dy vite më e vogël se sa jam unë tani, i vetmi person që e ka ditur ka qenë motra dhe shoqja ime në Itali. Unë jam shumë sociale dhe e afrueshme me të tjerët. Dikush do të ma marrë për dobësi, një tjetër për mënyrën më false. Aty ka qenë pjesa që jam afruar edhe me pjesën e kërcimit. Ishin moshatarët e mi që më dhunonin, i binte klasa e 8 i kisha librat e shkruara me dorë sepse nuk kisha mundësi që t’i blija. Unë sado që jam e fortë unë vuaja përbrenda”, u shpreh Melisa.

Meta pret Nuncin Apostolik Luigi Bonazzi: Të palëkundur për të vazhduar rrugën e integrimit evropian! 0 6

Presidenti Ilir Meta ka pritur sot në takim Nuncin Apostolik, Imzot Luigi Bonazzi, me rastin e paraqitjes së Letrave Kredenciale.

Gjatë takimit, Kreu i Shtetit ka vlerësuar rëndësinë e bashkëpunimit, në dobi të ringritjes shpirtërore të shqiptarëve, forcimit të harmonisë ndërfetare dhe të përpjekjeve për t’u integruar në Bashkimin Europian.

Mesazhi i Metës:

I lumtur të prisja sot Nuncin Apostolik Sh.T. Imzot Luigi Bonazzi, me rastin e paraqitjes së Letrave Kredenciale dhe t’i uroja suksese në misionin e tij për forcimin e mëtejshëm të marrëdhënieve të shkëlqyera mes Shqipërisë dhe Selisë së Shenjtë.
Vlerësova rëndësinë e këtij bashkëpunimi, në dobi të ringritjes shpirtërore të shqiptarëve, forcimit të harmonisë ndërfetare dhe të përpjekjeve për t’u integruar në Bashkimin Europian, si dhe shpreha mirënjohjen për mbështetjen e vazhdueshme të Selisë së Shenjtë për njerëzit në nevojë, për përballimin e pasojave të COVID-19 dhe për rindërtimin e objekteve të besimit, arsimit, kulturës, shëndetësisë dhe mbrojtjes sociale.
Duke shprehur falenderimet për vëmendjen e veçantë që Papa Françesku tregon për popullin shqiptar i kërkova Imzot Luigi Bonazzit t’i përcjellë Atit të Shenjtë përshëndetjet e ngrohta dhe sigurinë se Heroi Kombëtar Gjergj Kastrioti Skënderbeu dhe Shenjtorja Nënë Tereza qëndrojnë në themel të vokacionit të qartë europian të popullit dhe të vendosmërisë sonë të palëkundur për të vazhduar rrugën e integrimit europian. 🇦🇱🤝🇻🇦

 

 

 

 

 

 

 

(BalkanWeb)