Zëri i Amerikës: Mandatet rikonfirmojnë Edi Ramën, rekord që nuk e ka arritur askush më parë, që nga fillimi i demokracisë 0 22

Në Shqipëri, numërimi i votave për parlamentin e ri të vendit ka hyrë në ditën e dytë. Ndërsa ka përfunduar procesi për gati 80 përqind të qendrave të votimit, deri rreth orës 01.00 të mëngjesit të së hënës, rezultati i deritanishëm mban fituese Partinë socialite të Kryeministrit Edi Rama.

Nëse do të konfirmohet, ai do të marrë mandatin e tretë, duke shënuar kështu një rekord që nuk e ka arritur askush më parë, që nga vendosja e pluralizimit politik. Por nga ana e saj dhe Partia Demokratike shprehet e bindur se me pjesën e mbetur të kutive, fitorja do t’i buzëqeshë asaj.

Në nivel kombëtar, socialistët vijojnë të mbajnë një kuotë prej 48.8 përqind të votave. Koalicioni i drejtuar nga Partia Demokratike e zotit Lulzim Basha, së bashku me Lëvizjen Socialiste për Integrim, kanë marrë respektivisht deri sipas të dhënave të orës 01.00, 39.2 përqind dhe 6.8 përqind, ose së bashku 46 përqind të votave.

Për shkak të sistemit proporcional rajonal, diferenca prej pak më shumë se 2 pikë përqindje, nuk përkthehet në të njejtën diferencë të ngushtë, për ndarjen e mandateve.

Me rezultatet e deritanishme socialistët mund të sigurojnë 73 vende në parlament. Koalicioni i Partisë Demokratike rezulton me 59 mandate ndërsa LSI me 5, ose së bashku 64 mandate, ose 9 mandate më pak se socialistët. Një diferencë e cila i dedikohet efektit surprise, të rezultatit të Partisë Socialdemokrate, e drejtuar nga Tom Doshi, e cila deri tani ka siguruar 3 mandate për në parlamentin e ardhshëm, një në Tiranë dhe dy mandate në Shkodër.

I vënë në qendër të akuzave, veçanërisht nga ambasadorja amerikane Yuri Kim, për shkak të vendimit të marrë vite më parë nga Sekretari amerikan i Shtetit, që i ndaloi atij dhe familjes së tij, hyrjen në territorin e SHBA-ve, zoti Tom Doshi njoftoi sot tërheqjen e tij nga parlamenti i ardhshëm duke njoftuar se ky vendim nuk ishte një tërheqje nga PSD, dhe se deputetët e saj do të ishin të gatshëm të mbështesnin Partinë socialiste.

Harta e 12 qarqeve të vendit, sheh veriun e Shqipërisë të kontrolluar nga opozita, e cila kryeson në qarqet e Shkodrës, Kukësit, Lezhës si dhe Dibrës e cila kaloi në anë e saj mbrëmjen e së hënës. E gjithë pjesa tjetër, në 8 qarqe, për momentin rezulton të jenë fituara nga socialistët që kanë marrë më shumë deputetë.

Nga panorama e deritanishme, e cila ka qenë thuajse konstante gjatë gjithë gjithë ditës, me luhatje të vogla, socialistët rezultojnë të kenë ruajtur në nivel kombëtar të njejtin numër votash, madje pak më shumë krahasuar me zgjedhjet e vitit 2017. Nga ana tjetër Partia Demokratike, ka pësuar një rritje të ndjeshme me gati 5 pikë përqindje, ndërsa LSI-ja ka një rënie drastike.

Ndërsa në përqindje, kjo parti shfaqet e përgjysmuar në mbështetjen popullore, e përkthyer në mandate, disfata e saj është dhe më e thellë duke qenë se në 2017 mori 19 vende ne parlament, ndërsa tani luhatet mes dhe 5 apo 6 vendeve.

Me përfundimin e rezultateteve do të jetë interesante gjithashtu të shihet se sa vota kanë marrë partitë e reja politike që u futën në këtë garë, ku pjesa e madhe u formuan nga ish figura të Partisë Demokratike, për të kuptuar se në çfarë mase ato e kanë penalizuar forcën kryesore të opozitës.

Pas nxjerrjes së rezultatit për partitë, fletët e votimit do të numërohen sërish, për të nxjerrë votat që ka marrë secili kandidat, duke qenë se këtë herë ishte përfshirë dhe vota preferenciale. Deri sot ky rezultat ka dalë vetëm për një zonë në Tiranë ku u aplikua votimi dhe numërimi elektronik.

Pavarësisht të dhënave të deritanishme, të dyja palët po shpallin fitoren. Kjo duket më e theksuar në Tiranë, ku gjatë ditës ka patur shfaqje të njëpasnjëshme të përfaqësueve të të dy krahëve duke njoftuar fitoren në këtë apo atë njësi, apo dhe duke përgënjeshtruar njëri tjetrin.

Opozita po këmbëngul se rezultati që jep në avantazh Partinë Socialiste, i detyrohet sipas saj, faktit që po numërohen pikërisht kutitë e përzgjedhura nga socialistët, prej bastioneve të tyre.

“Kemi të bëjmë me një humbje të thellë të Partisë Socialiste dhe një fitore, një rritje të numrit të votave për Partinë Demokratike, për koalicionin për ndryshim. Ky është fillimi pas kutive që shpresonin t’i kishin bastion, ku qartësisht janë ndëshkuar siç ishte zona 10 në Tiranë, ku Partia Demokratike ka një rritje prej 30% dhe PS-ja ka një rënie prej 200 votash, apo në zonën e Memaliajt, Këlcyrë, Përmet ku po kështu janë ndëshkuar qartësisht nga qytetarët do të vij dhe radha e kutive të tjera. Por ajo që është e qartë si dritë dielli, është deri sa janë ndëshkuar në ato që i ishin bastione, ne presim që vota për Ndryshim të vazhdojë dhe fitorja e Aleancës për Ndryshim të konfirmohet në të gjithë vendin”, deklaroi kryetari demokrat Lulzim Basha.

Procesi i numërimit po ndiqet dhe nga ambsadorët e huaj këtu në Shqipëri, edhe për faktin se historikisht, palët kanë penguar njëra-tjetrën duke sjellë zvarritje të procesit, ndonëse e gjitha duket e pakuptimitë sepse herët a vonë, rezultati është aty dhe do të dalë.

Ambasadorja amerikane Yuri Kim së bashku me dy ambasadorë të tjerë europianë tha sot pas vizitës në një nga qendrat e numërimit se “tani që voyuesit e kanë thënë fjaën e tyre, detyra e kandidatëve dhe udhëheqësve politik është që të mbeten të qetë e të presin me durim rezultatin”. Ajo tha se e dinte që “që me entuziazmin e çastit, palët kanë shpallur fitoren, por nuk kemi mbërritur deri aty”, duke përsëritur thirrjet për qetësi.

Në të njejtën linjë ishte dhe ambasadori i Delegacionit europian, Luigi Soreca, i cili vizitoi një qendër ku votimi ishte ndërprerë, tha se të gjithë “duhet të presin pa u nxituar të dalin në përfundime, derisa të numërohet dhe vota e fundit në të gjithë vendin”.

Zoti Soreca bëri të ditur se të paktën 50 ekipe të dlegacionit europian do të vijojnë të ndjekin nga afër procesin e numërimit.

Leave a Reply

Your email address will not be published. Required fields are marked *

“Është në dëm të mjedisit”, Elon Musk bën njoftimin: Makinat e Tesla-s nuk mund të blihen me Bitcoin 0 10

 

Kompania e makinave elektrike Tesla, ka pezulluar blerjen e automjeteve të tyre, përmes parasë elektronike Bitcoin.

Lajmi është bërë i ditur nga themeluesi i kompanisë, Elon Musk. Në një postim në rrjetin social “Tëitter”, ai thotë se mbetet shqetësuese rritja e shpejtë e përdorimit të Bitcoin, e këtë e arsyeton si një dëm për mjedisin.

“Ne jemi të shqetësuar rreth rritjes së shpejtë të përdorimit të lëndës djegëse fosile për rrjetin dhe transaksionet Bitcoin, veçanërisht qymyri i cili ka emetimet më të këqija se çdo lëndë djegëse tjetër.

Kriptomonedhat janë një ide e mirë në shumë nivele dhe në besojmë se ai ka një të ardhme premtuese, por kjo nuk mund të vijë si një kosto e madhe për mjedisin”- shkroi Musk.

“Pas errësirës gjithmonë vjen drita”, Kryemadhi urim për besimtarët: Sot është dita e krijimit të një fryme të re për të cilën qytetarët kanë nevojë 0 10

Kryetarja e Lëvizjes Socialiste për Integrim, Monika Kryemadhi ka uruar besimtarët myslimanë për festën e Fiter Bajramit.

Në një prononcim për mediat, ajo ka thënë se pas errësirës vjen drita dhe uroi që për shqiptarët të vijë frymë e ndryshim i ri, për të cilën sipas saj, qytetarët kanë nevojë.

“Sot kemi një ditë pak gri, por gjithmonë pas errësirës vjen drita dhe ajo që dua të theksoj sot në këtë ditë Fiter Bajrami, dua t’ju uroj gjithë shqiptarëve pas një muaji stërmundimesh dhe agjerimesh për të shlyer të gjitha mëkatet e jetës.

Sot është dita e madhe e krijimit të një jete të re, e krijimit të një fryme të re, e një begatie dhe një solidariteti, për të cilën sot shqiptarët kanë nevojë më shumë se kurrë. 

Do doja që tju uroja gjithë shqiptarëve këtë Fiter Bajram, jo vetëm shqiptarëve myslimanë, por të gjithë shqiptarëve kudo që janë. Sepse në këto ditë të rëndësishme të bashkimit, që janë ditët më të rëndësishme për familjen shqiptare, për atë institucion që është shumë më i rëndësishëm se çdo gjë tjetër.

Besimi në Zot është ajo që u jep kurajon dhe forcën. Na jep forcën për tu ngritur, na jep forcën për të përballuar sfidat dhe na jep forcën për të gjetur sfida të reja, jetë të re, angazhime të reja, të cilat janë të domosdoshme për të gjithë ne. Faleminderit, gëzuar dhe për shumë vjet tē gjithëve.”, u shpreh Kryemadhi.