Von der Leyen: Na duhet sa më shpejt një marrëveshje për planin e rimëkëmbjes 0 52

Videokonferenca e liderëve të BE-së, siç pritej, nuk e zhbllokoi veton e Polonisë dhe Hungarisë për paketën ekonomike prej 1,8 trilionë euro, që po mban peng të ardhmen e Europës, por mesazhi është i qartë, Blloku nuk është i gatshëm të bëjë kompromis për respektimin e Shtetit të së Drejtës.

“Komisioni Europian mbështet marrëveshjen e arritur në negociata dhe, për mua, është gjithashtu e rëndësishme që e ardhmja të ketë një buxhet, me mekanizmin e Shtetit të së Drejtës”, tha presidentja e Komisionit Evropian Ursula von der Leyen në fund të samitit të BE-së.

“Vendet anëtare duhet të gjejnë një zgjidhje, sepse miliona qytetarë po presin një përgjigje në këtë krizë pandemie dhe për këtë arsye ne duhet të vazhdojmë të punojmë shumë për të arritur një marrëveshje sa më shpejt të jetë e mundur “.

Një moment historik në negociatat që do të fillojnë përsëri nesër, nën drejtimin e presidencës gjermane, në kërkim të një rrugëdalje për të çliruar Buxhetin 2021-2027 dhe Fondin e Rimëkëmbjes nga shantazhet e dy vendeve përballë klauzolës që lidh shpërndarjen e fondeve me respektimin e rregullave themelore të demokracisë.//ATSH

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 8

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 5

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.