UEFA përzgjedh Shqipërinë për kompeticionin e saj të ri, ndeshja finale luhet në stadiumin Air Albania 0 182

Stadiumi “Air Albania” është përzgjedhur nga UEFA për të pritur finalen e parë të kompeticionit më të ri “Conference League”.


Në fakt, “Conference League” është kompeticioni i tretë nga UEFA që organizohet pas Champions League dhe Europa League. Ai do të nisë nga sezoni 2021-2022 dhe finalja e parë do të bëhet në stadiumin kombëtar “Air Albania” në Tiranë. null


Vendimi pritet të zyrtarizohet nesër nga Komiteti Ekzekutiv i UEFA-s. Një arritje kjo edhe që duket se është bërë e mundur edhe falë lobimit të presidentit të FSHF-së, Armand Duka i cili prej mëse dy vitesh është pjesë e organit vendimmarrës të qeverisë europian të futbollit.

Leave a Reply

Your email address will not be published. Required fields are marked *

Presidentja Vjosa Osmani merr vendimin: Ja kur do të zhvillohen zgjedhjet lokale në Kosovë 0 21

Kosova më datë 17 tetor, do të ketë zgjedhje lokale.

Këtë gjë e ka konfirmuar Presidentja e Kosovës, Vjosa Osmani, përmes një njoftimi për mediat.

“Presidentja e Republikës së Kosovës, Vjosa Osmani, pas përfundimit të konsultimit me subjektet politike më 2 qershor 2021 dhe në mbështetje të Ligjit për Zgjedhjet Lokale në Republikën e Kosovës ka caktuar 17 tetorin 2021, datë të mbajtjes së zgjedhjeve lokale.

Me të njëjtin vendim, Presidentja Osmani ka udhëzuar Komisionin Qendror të Zgjedhjeve që t`i ndërmarrë të gjitha veprimet e nevojshme për organizimin dhe mbajtjen e zgjedhjeve lokale në përputhje me këtë vendim dhe legjislacionin në fuqi”, thuhet në njoftimin e Presidencës.

A do ndiqen nga SPAK të shpallurit “non grata”?! Arben Kraja i prerë: Hetim deri në fund për çdo informacion që do na vijë nga SHBA, për këdo qoftë! 0 24

Pas kryeprokurorit Olsian Çela, po raporton në Kuvend kreu i Prokurorisë së Posaçme (SPAK), Arben Kraja. Mes të tjerash, Kraja është pyetur nga deputeti Ralf Gjoni se çfarë do të ndodhë me personat e shpallur “non grata” nga SHBA, nëse do të nisë hetimi ndaj tyre.

Në përgjigjen e tij, Arben Kraja deklaroi se cfarëdolloj informacioni apo materiali që të vijë në SPAK nga Shtetet e Bashkuara, do të hetohet dhe do t’i shkohet deri në fund.

Pyetje-përgjigje:
Ralf Gjoni: Para se Donald Lu të ikte nga Shqipëria i kam thënë “Don shqiptarët duan sundim ligji, jo sundim Lu-je”.
Ruci: Nuk është etike që z. Kraja qëndron aty dhe ju kërkoni të bëni pyetje dhe bëni shpjegim. Urdhëron pyetjen.

Gjoni: Shpresa më e madhe e shqiptarëve është që SPAK të fillojë të funksionojë. Kur mendoni se do të vijë kjo ditë, që shqiptarët të keni besim të plotë te SPAK? Kur do fillojnë të procedohen penalisht “peshqit”? A do ketë hetime në 2-3 vitet e ardhshme ndaj përfaqësuesve të krimit, që sot ende bëjnë ligjin? Nga lista e personave “non grata”, Shqipëria është ndër të paktat vende ku këto persona nuk kanë pasur një procedim penal para se të shpalleshin “non grata”, a mund të kemi shpresë çdo veprim “non grata” i SHBA do të ndiqet nga ana juaj?

Arben Kraja: Në lidhje me pyetje e parë, është një proces, do kohën e vet, se kur SPAK do të fillojë të ketë rezultate. Prokuroria e Posaçme duhet të ketë parasysh se ndëshkueshmëria dhe respektimi i të drejtave të njeriut shkojnë paralel. Ne kemi dhënë rezultatet e para, janë goditur grupet e para. Bashkëpunojmë me të gjitha strukturat, me Policinë, por edhe me faktorin ndërkombëtar. Rezultate ka pasur. Pritshmëritë e njerëzve janë nga më të mëdha, ne ndeshemi aty edhe me gjëra që nuk kanë lidhje fare me punën tonë. Por ne jemi të vendosur që çdo rast që do të evidentohet, do ta hetojmë deri në fund, pa asnjë tërheqje.
Ndërsa për pyetjen e dytë, lista është një proces që ndodh në SHBA, ne jemi në Shqipëri dhe kemi parashikimet tona për një procedim penale e si shkohet deri te gjykata. Çdo indicide, apo material që do të kemi ne në dispozicion, në raport me çdo shtetas shqiptar, pa diskutim që jemi të vendosur për ta çuar hetimin deri në fund. Çfarëdo që do të vijë, përfshirë dhe partnerët ndërkombëtar.