Trump: Kurrë nuk do të heq dorë së luftuari 0 56

Ekipi i Presidentit Donald Trump ka dhënë një deklaratë, duke thënë se “populli amerikan meriton të ketë transparencë të plotë në të gjithë numërimin e votave dhe çertifikimin e zgjedhjeve”.

“Kjo nuk ka të bëjë më me asnjë zgjedhje të vetme. Kjo ka të bëjë me integritetin e të gjithë procesit tonë zgjedhor,” thotë deklarata.

Deklarata akuzon demokratët se i rezistojnë “parimit themelor” se “të gjitha fletët e votimit të ligjshme duhet të numërohen dhe të gjitha fletët e votimit të paligjshëm nuk duhet të numërohen” dhe thotë se Trump do të “ndjekë këtë proces përmes çdo aspekti ligjor”.

“Unë kurrë nuk do të heq dorë së luftuari për ju dhe kombin tonë,” përfundon deklarata.

Trump vazhdimisht ka pretenduar se numërimi i votave postare që mbërrijnë pas ditës së zgjedhjeve është “i paligjshëm”.

Por fletët e votimit që mbërrijnë më vonë mund të numërohen në rreth gjysmën e shteteve të SHBA, për sa kohë që atyre i vendoset vula postare 3 nëntorit (dita e zgjedhjeve).

Kjo përfshin shtetet kyçe të Pensilvanisë, Nevadës dhe Karolinës së Veriut, ku ende pritet të shpallet një fitues. Afati se sa vonë mund të mbërrijë një fletëvotimi me postë ndryshon nga shteti në shtet.

Presidenti ka bërë pretendime të shumta, të pabazuara për mashtrim zgjedhor, të cilat janë mohuar nga zyrtarët lokalë të zgjedhjeve./ Opinion.al #albaniareport.al

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 7

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 4

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.