Tragjedi, mrekulli dhe befasi/ Ja 10 momentet më pikante të 2020-s në futboll (FOTO) 0 43

Viti 2020 ka regjistruar shumë momente të bukura, por dhe trishtuese për Italinë. E përditshmja sportive italiane “La Gazzetta dello Sport” ka renditur 10 momentet më të rëndësishme të këtij viti për futbollin europian dhe italian.

  1. Imobile i Artë

Italiani rivalizoi deri në fund për “Këpucën e Artë” Robert Levandovskin e Bajernit. Edhe pse polaku realizoi 55 gola në 47 ndeshje për këtë vit duke fituar plot 5 trofe, sulmuesi i Lacios arriti ta parakalonte me 36 gola në kampionat duke u bërë italiani i tretë pas Luka Tonit dhe Françesko Totit.

“Këpuca e Artë për mua është si ‘Topi i Artë’”, deklaroi Imobile, i cili arriti të frentonte hegjemoninë Mesi-Ronaldo për këtë çmim.

  1. Mesazhi i lojtarit të Sasuolos për të gjithë botës pas shpërthimit të pandemisë

Në sfidën e 9 marsit Sasuolo-Breshia, sulmuesi i Sasuolos Çiço Kaputo shënoi dhe publikoi mesazhin “Qëndroni në shtëpi, do të shkojë mirë” për të gjithë botën në kohën, kur koronavirusi ishte përhapur në Europë dhe kishte filluar karantina. “Ishte ideja e gruas sime, Ana. Më kërkoi që të bëja diçka”.

foto galeri

foto galeri foto galeri

foto galeri foto galeri

foto galeri foto galeri

foto galeri

8. Fama e Ibrahimoviç

Rikthimi i Ibrës në pjesën kuqezi të Milanos solli një ndryshim të paimagjinueshëm te Milani ku brenda vitit, skuadra e sheh tashmë veten nga dështimi drejt lavdisë. Fjala “titull” po përmendet shpesh tashmë mes tifozëve të Milanit. Me 22 gola në 30 ndeshje, Ibra i ka dhënë Milanit fytyrën që të gjithë e kishin harruar. “Në futboll ose ha, ose të hanë. Unë kam zgjedhur të ha”, shprehet suedezi.

  1. Vdekja e Maradonës

Momenti më i rëndë në historinë e futbollit. Diego vdes në shtëpi pas një operacioni të rrezikshëm në tru. Ndarja e papritur nga jeta e gjeniut të futbollit hidhëroi mbarë botën për javë e muaj të tërë, mbase dhe për shumë kohë të tjera.

  1. Vdekja e Paolo Rosit dhe mesazhi i gruas së tij

Heroi i italianëve në Kupën e Botës 1982 u nda nga jeta pak kohë pas vdekjes së Maradonës. Për Italinë ishte një tragjedi me përmasa kombëtare. Rosi vdiq në moshën 64-vjeçare si pasojë e një sëmundjeje të rëndë. “Në momentin që po vdiste e shtrëngova fort. I thashë: ‘Shko, lër vetëm trupin tënd’ “, tregonte gruaja e “Pablitos” Federika Kapeleti.

  1. Hansi Flik dhe viti i tij

I ardhur pa shumë pritshmëri, ish-asistenti i Joakim Lëvit te Gjermania, pushtoi Gjermaninë dhe Europën brenda pak muajve duke triumfuar me 5 trofe në mënyrë absolute.

  1. Mesi kërcënoi me largim nga Barcelona

Vera e këtij viti do të kujtohet gjatë për “luftën” mes Lionel Mesit dhe Barcelonës pas dështimit katastrofal të sezonit 2019-2020. Nëpërmjet një mesazhi, “Pleshti” kërcënoi klubin e tij me largim, ndërsa çështja përfshiu dhe La Ligan që detyroi argjentinasin të sprapsej. Megjithatë, dëmi u shkaktua dhe pak kohë më vonë, Josep Maria Bartomeu u detyrua të jepte dorëheqjen nga posti i presidentit të Barcelonës për shkak të pakënaqësisë së tifozëve katalanas për menaxhimin e klubit dhe kërcënimit të Mesit.

  1. Klop nuk është virolog

Pas një ndeshjeje në kampionatin anglez me Çelsin, trajneri i Liverpulit, Jurgen Klop refuzoi të përgjigjej se çfarë mendonte për Koronavirusin duke thënë se nuk është një specialist i fushës.

  1. “Atalanta, është Italia!”

Pas eliminimit të pabesueshëm të Valencias me 8 gola në raundin e 1/16-ave të Ligës së Kampioneve, trajneri i Atalantës, Xhan Piero Gasperini lëshoi frazën epike duke e konsideruar ekipin e tij si përfaqësueen e Italisë.

“Atalanta është si ekipi kombëtar. Është diçka e jashtëzakonshme që e gjithë Italia na mbështet”, shprehej Gasperini.

Bergameskët ishin fare pranë lavdisë kur për pak iu afruan gjysmëfinales së Ligës së Kampioneve për herë të parë në histori, por PSG-ja ia prishi ëndrrën.

     1. Rajmond Domenek, ‘dhelpra dhe rrushtë’

Francezi kontravers është kthyer në punë pas 10 vitesh pushim. Ish-nënkampioni i botës me Francën në vitin 2006 dhe që dështoi në mënyrë skandaloze 4 vite më vonë në Afrikën e Jugut u emërua së fundmi trajner i Nantës.

I njohur për thëniet “është legjenjë që italianët kanë trajnerët më të mirë në botë”, si dhe thumbimi për Atalantën para ndeshjes me PSG-në “që nuk dinë të mbrohen” e kanë kthyer Domenekun në një trajner jo shumë të pëlqyer.

 

 

 

 

(Balkanweb)

Leave a Reply

Your email address will not be published. Required fields are marked *

Mbi 10 mijë vdekje shtesë në vend që nga fillimi i pandemisë. Në mars 2021 u dyfishuan 0 6

Më se një vit nga fillimi i pandemisë në vend, bilanci i pasojave në jetët e humbura sa vjen e po bëhet më shqetësues. Dy valët e mëdha të pandemisë, nëntor-dhjetori 2020 dhe shkurt-marsi 2021 kanë qenë fatale. Sipas të dhënave paraprake nga Gjendja Civile, që referojnë aktet e vdekjeve (datës së regjistrimit në regjistër të vdekjeve të ndodhura në territorin e Republikës së Shqipërisë), në mars 2021 kishte rreth 3900 fatalitete në vend, me dyfishim (rritje 108%) në raport me të njëjtën periudhë të një viti më parë. Në shkurt 2021 u regjistruan rreth 3500 akte vdekje dhe në janar rreth 2,800.

Vetëm në tremujorin e parë të këtij viti janë regjistruar gjithsej 10.2 mijë vdekje, me një rritje prej 70% në krahasim me të njëjtën periudhë të një viti më parë, kur ende nuk kishin filluar të ndiheshin pasojat e pandemisë (me rastin e parë që u identifikua në 9 mars 2020). Ky është tremujori më fatal, të paktën që nga viti 1990 kur raportohen të dhënat. Mesatarisht çdo ditë kanë humbur jetën gjatë kësaj periudhe 113 persona, nga 67 në tremujorin e parë 2020.

Në vite normale, humbin jetën 21-22 mijë persona në vit, sipas INSTAT, por këtë vit vetëm në tremujorin e parë kanë ndodhur aq humbje jete, sa regjistroheshin normalisht në 6 muaj.

Dhjetori mbetet muaji me më shumë fatalitete

Efektet e pandemisë në vend filluan të ndihen që nga muaji qershor, pas rihapjes së vendit nga karantina e rreptë e mars-majit.

Pas një vale të parë nga qershori deri në tetor, ku fatalitetet u rritën deri me 47% në gusht, vala e dytë e nëntorit solli përkeqësim të pandemisë, pas hapjes së shkollave dhe fillimit të dimrit. Në nëntor u shënuan gjithsej 3,373 jetë të humbura, me rritje 111% në krahasim me të njëjtin muaj të një viti më parë, duke shënuar rritjen më të lartë në përqindje në Europë në një muaj përgjatë gjithë ciklit të pandemisë, por edhe në raport me gjithë muajt e deritanishëm në vend.

Muaji më tragjik, për numrin total të vdekjeve, deri tani ka qenë dhjetori, me 4,167 fatalitete, me dyfishim (98%) në krahasim me të njëjtën periudhë të një viti më parë (rreth 2 mijë vdekje më shumë). Në dhjetor humbën jetën 134 persona në ditë, përkundrejt 68 në të njëjtën periudhë të një viti më parë. Në tremujorin e katërt 2020 u shënuan gjithsej gati 9800 fatalitete, me rritje 81%, në raport me tetor-dhjetor 2019.

Më pas, situata u qetësua disi në janar, pas pushimeve të fundvitit në shkolla dhe shtimit të kufizimeve të lëvizjeve, me rritje 30% , ose 667 fataliteteve më shumë.

Pas dhjetorit, situata më e rënduar ka qenë në shkurt-mars të këtij viti, ku sërish u konstatua një valë e shtuar e tretë e pandemisë dhe një mbingarkesë në spitale. Marsi 2021 iu afrua niveleve të dhjetorit 2020 për humbjen e jetëve (shih grafikun: Ecuria e vdekjeve sipas muajve).

Tradicionalisht, tremujori i parë i vitit ka një nivel më të lartë vdekjesh në raport me periudhën tjetër të vitit, si rrjedhojë e motit të ftohtë, që ul imunitetin, kryesisht të të moshuarve.

Mbi 10 mijë fatalitete shtesë që nga fillimi i pandemisë, rritje rreth 48%

Në 12 muaj, nga prilli 2020 në mars 2021, gjithsej në vend janë regjistruar rreth 32.2 mijë jetë të humbura, nga 21.7 mijë në të njëjtën periudhë 12 mujore të vitit të mëparshëm, me rritje prej rreth 48%. Në total janë mbi 10 mijë vdekje shtesë në vend, që nga periudha e fillimit të pandemisë.

Vala më vdekjeprurëse ka qenë në pesë muaj nga nëntori 2020 deri në mars 2021, periudhë në të cilën është regjistruar rreth 77% e shtesës së fataliteteve që nga nisja e pandemisë. Ndryshe nga pjesa më e madhe e shteteve të Europës që rikthyen karantinës, në Shqipëri u zbatuan vetëm kufizime minimale të orareve të mbrëmjes.

Sipas mjekëve, rritja e lartë e vdekshmërisë lidhet me efektet direkte të Covid-19 (të përshkallëzuara dhe nga sistemi i dobët i kujdesit shëndetësor dhe lëvizshmëria normale e njerëzve, përveç darkës), si dhe shtimit të fataliteteve së sëmundjeve të tjera, për shkak të mungesës së diagnostikimit dhe stepjes për të shkuar në spitale. Një tjetër problematikë, që po konstatohet, lidhet edhe me pasojat, që po lë Covid-19 tek ata që e kalojnë atë, duke rritur predispozitën për trashje gjaku, që mund të sjellë goditje në zemër, në tru, trombozë etj.

Që nga fillimi i pandemisë, në mars 2020, deri në fund të 2020-s, Shqipëria regjistroi dhe rritjen më të madhe të fataliteteve në Europë.

Nga të dhënat rezulton se Shqipëria, e cila zgjodhi të zbatojë kufizime të rrepta vetëm në mars-maj ka përjetuar valën më fatale të pandemisë, me një rritje të numrit të vdekjeve me 38% për mars-dhjetor 2020, krahasuar me mesataren e të njëjtës periudhë 2016-2019. Shqipëria ka një diferencë rreth 30% më të lartë për shtesën e vdekshmërisë në periudhën e pandemisë me të gjithë shtetet e tjera të Europës.

/Monitor

Vjedhja e të dhënave nga E-Albania 0 5

Partia Demokratike ka denoncuar përdorimin e të dhënave personale nga ana e Partisë Socialiste, duke shfrytëzuar sipas saj të dhënat e portalit shtetëror e-Albania, për qëllime të fushatës elektorale.

Në lidhje me këtë denoncim të PD-së ka reaguar edhe kreu i LZHK-së, Dashamir Shehi, i cili e konsideron një akt të shëmtuar, i cili kalon përtej zgjedhjeve.

Shehi shprehet se ky është si një lloj “Big Brotheri” ky qytetarët janë të vëzhguar si me kamera sigurie

Një akt shumë i shëmtuar. Jo se nuk janë bërë në zgjedhjet e kaluara, vjedhje e të dhënave, impenjim për të hyrë në privatësinë e tjetrit për të kuptuar se për këtë voton. Gjithmonë kemi pasur vullnetarë që i bien derës nëpër apartamente, nëpër shkallët e pallateve dhe besoj se i njohin të gjithë nëpër lagje. Mirëpo ishin njerëz vullnetarë të partisë që diheshin se kush ishin. Ndërsa sot këtu merren nga zyrat e shtetit të dhënat personale, me të cilat mund të bëhen lloj lloj pisllëqesh.

Këto merren se zotit Rama dhe bandës së tij i ka hyrë frika finale që këtu nuk ka më asnjë shpresë dhe duan të kontrollojnë çdo votë. Ky është një rrjet që janë të përzierë këto institucione që duhet të ruajnë votat e shqiptarëve, shqiptarë të tjerë që janë drejtorë administratash që e shpërndajnë këtë punë, vullnetarët që disa nga dëshira dhe disa nga halli dalin me listë në dorë për t’i certifikuar këto të dhëna që janë apo s’janë të vërteta, që më pas të mendojnë se si do t’i gënjejnë dhe blejnë qytetarët.

Kjo është shumë e rëndë, kalon përtej zgjedhjeve. Ky është një Big Brother, sikur të na vënë një kamera te kuzhina, te dhoma e gjumit ta dinë se çfarë flasim dhe çfarë bëjmë. Është një shkelje ligji shumë e rëndë që duhet të merren hetues, prokurorë”, u shpreh Shehi.