Tetori, muaji më i keq i pandemisë deri më tani 0 43

Tetori ishte muaji më i keq i pandemisë së koronavirusit deri më tani, sipas një llogarie të Reuters, me valën e tij të dytë në 30 ditët e fundit që përbën një të katërtën e të gjitha rasteve të regjistruara deri më tani.

Sipas të dhënave të univeristetit John Hopkins, numri i rasteve tw infektimit me COVID-19 nw tw gjithw botwn po i afrohet 50 milionwve.

U deshën 32 ditë që numri i rasteve të rritet nga 30 milion në 40 milion. U deshën vetëm 21 ditë për të shtuar 10 milion të tjerë.

Evropa, me rreth 12 milion raste, është rajoni më i prekur, duke tejkaluar Amerikën Latine.

Rajoni po regjistron rreth 1 milion infeksione të reja çdo tre ditë apo më shumë. Kjo është 51% e totalit global.

Franca po regjistron 54,440 raste në ditë, një normë më e lartë se India me një popullsi shumë më të madhe.

Vala e dytë globale po teston sistemet e kujdesit shëndetësor në të gjithë Evropën, duke bërë që Gjermania, Franca dhe Britania të urdhërojnë shumë qytetarë të mbyllen përsëri në shtëpitë e tyre.

SHBA u bë vendi i parë që raportoi më shumë se 100,000 raste ditore.

Rritja e fundit e SHBA përkoi me muajin e fundit të fushatës zgjedhore në të cilën Donald Trump minimizoi ashpërsinë e pandemisë dhe sfiduesi i tij, Joe Biden, kërkoi një qasje më të bazuar në shkencë.

India ka ngarkesën e dytë më të lartë në botë të rasteve por ka parë një ngadalësim të qëndrueshëm që nga shtatori, pavarësisht fillimit të sezonit të festivalit hindu. Gjithsej rastet tejkaluan 8.5 milionë të premten dhe mesatarja ditore është 46.200.

Sipas llogaritjeve të Reuters, nga mesatarja e shtatë ditëve të fundit, rezuton se infeksionet ditore në të gjithë botën po rriten me më shumë se 540,000.

Më shumë se 1.25 milion njerëz kanë vdekur deri më tani nga Covid-19./ Opinion.al

Leave a Reply

Your email address will not be published. Required fields are marked *

70-vite nga pushkatimi pa gjyq të 22 intelektualëve, Meta me mesazh të fortë: Më 25 prill triumfi i demokracisë dhe votës së lirë 0 12

Presidenti Ilir Meta ka reaguar përmes një postimi në facebook lidhur me 70-vjetorin e pushkatimit pa gjyq të 22 intelektualëve, të ekzekutuar me akuzën e stisur të hedhjes së një bombe në ish-Legatën Sovjetike në Tiranë. Ndërsa e konsideron ngjarjen një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Meta ndër të tjera Meta se “një popull që fle në demokraci, rrezikon që një ditë të zgjohet në diktaturë”.

“Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës.”- shkruan Meta, në postimin e tij.

Postimi i plotë:
Me akuzën e stisur të hedhjes së një bombe në ish-Legatën Sovjetike në Tiranë, sot mbushen 70 vjet nga dita kur 22 intelektualë të shquar, qytetarë të pafajshëm, të ndershëm dhe atdhetarë, të lidhur tok me tela me gjëmba, u ekzekutuan barbarisht me pushkatim, pa gjyq.

Kjo masakër e llahtarshme, e kryer brenda një nate, simbol i terrorit ndaj mendimit ndryshe, është një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Duke nderuar kujtimin e viktimave të pafajshme Sabiha Kasimati, Tefik Shehu, Pjetër Guraziu, Jonuz Kaceli, Anton Delhysa, Haki Kodra, Gafur Jegeni, Myftar Jegeni, Manush Peshkëpia, Reiz Selfo, Qemal Kasaruho, Zyhdi Herri, Gjon Temali, Petro Konomi, Niko Lezo, Pandeli Nova, Thoma Katundi, Mehmet Shkupi, Ali Qorralliu, Fadil Dizdari, Hekuran Troka dhe Lluka Rashkoviç, masakra e 26 shkurtit 1951, na kujton sot se demokracia duhet të mbrohet çdo ditë dhe me çdo sakrificë.

Sepse “një popull që fle në demokraci, rrezikon që një ditë të zgjohet në diktaturë”.
Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës. 🇦🇱

Covid-19/Mbretëresha Elisabeth: Ky virus është si murtaja. Vaksinohuni! 0 10

Mbretëresha ka mbajur një fjalim të rrallë mbi vaksinimin ndaj Covid-19, duke sugjeruar se është egoizëm të mos vaksinohesh. Mbretëresha foli gjatë një komunikimi me video WebEx me përgjegjës të lartë që drejtuan vendosjen e vaksinimit Covid-19 në të gjithë Anglinë, Skocinë, Uellsin dhe Irlandën e Veriut.

Sipas mediave britanike Mbretëresha inkurajoi ata që vështirë se mendojnë për njerëzit e tjerë në vend të vetvetes. 94-vjeçare tha se vaksina që mori muajin e kaluar nuk e dëmtoi aspak dhe e kishte bërë atë të ndihej e mbrojtur. Duke e cilësuar Covidin si një murtajë, ajo tha se ishte e jashtëzakonshme sa shpejt ishte vënë në veprim programi i vaksinimit, duke ndihmuar kaq shumë njerëz.

Një burim mbretëror e krahasoi ndërhyrjen e kësaj jave me fjalimin e mbajtur nga Mbretëresha në fillim të pandemisë në të cilën ajo i nxiti njerëzit të qëndronin në shtëpi dhe foli për nevojën për të punuar së bashku për të mposhtur virusin.

Më shumë se 18 milionë britanikë, një në tre të rritur, kanë marrë të paktën një dozë të vaksinës, 448,962 të tjerë u dhanë dozat e para të mërkurën.