Takim në Shkozë të Tiranës me strukturat e PR-së 0 137

Fatmir Mediu: Jemi në një kërcënim të vazhdueshëm për jetën

Fatmir Mediu zhvilloi një takim me strukturat e Partisë Republikane në Shkozë të Tiranës.
Kreu Republikan ka përshkruar situatën e vështirë që po përjeton sot vendi ynë nga mungesa e shtetit. Duke marrë shkak edhe nga zhvillimet e fundit Kryetari I PR, Fatmir Mediu deklaroi se jemi në një kërcënim të vazhdueshëm për jetën nga mungese e rendit dhe perdorimi Politik I policisë.
“Kjo është situata që ka sot Shqipëria. Jemi në mungesën e shtetit sepse Rama shkatërroi konceptin e shtetit. Jemi në mungesën e pushtetit gjyqësor dhe të Parlamentit. Jemi në një varfëri dhe papunësi të madhe, në një pasiguri juridike. Jemi po ashtu edhe në një kërcënim të vazhdueshëm të jetës për shkak të pasigurisë në rend, por edhe problemeve që vijnë për shkak të trafiqeve të ndryshme, sidomos të trafikut të drogës, i cili tashmë është bërë dominant jo vetëm në Shqipëri, por edhe në Rajon”, është shprehur Fatmir Mediu.

Gjatë fjalës së tij para strukturave të Partisë Republikane, Mediu tha se një ndër problemet më të mëdha është largimi i të rinjve nga Shqipëria, kryesisht ata profesionistë, të cilët janë edhe pjesa më aktive e shoqërisë. Ai nënvizoi se përballë këtij fakti, kemi një qeverisje që është indiferente.
Ndër të tjera, Fatmir Mediu shprehu nevojën e pjesëmarrjes së qytetarëve në debatin dhe jetën politike dhe më tej në qeverisje, duke e parë si zgjedhjen më të mirë për situatën që sot ka vendi ynë.
“Në këto vite janë mbi gjysëm milion shqiptarë, të rinj dhe të reja, profesionistë që i janë larguar Shqipërisë. Kjo do të thotë që ne kemi një problem shumë të madh social në vend. Kemi problem shumë të madh politik dhe një problem shumë të madh ekonomik, sepse është larguar pjesa më aktive e shoqërisë sonë; profesionistë, të rinj dhe të reja. Nga ana tjetër kemi një qeverisje që është krejtësisht indiferente, përballë këtij fakti. Ne kemi në dorë të ndryshojmë politikën. Ne kemi në dorë të ndryshojmë ekonominë. Ne kemi në dorë të ndërtojmë shtetin. Pjesëmarrja aktive në debatin dhe në jetën politike, në konkurrimin politik dhe pastaj në qeverisje dhe administrim është zgjedhja më e mirë e situatës që ka vendi”, tha ai.
Duke rikujtuar një ndër arritjet me rëndësi të madhe historike gjatë qeverisjes së të djathtëve, siç është anëtarësimi i Shqipërisë në NATO, Mediu u shpreh i bindur se edhe brenda 4 viteve të ardhshme, Shqipëria do të bëhet vend anëtar i BE-së.
“Duke vendosur si prioritet disa çështje, të cilat janë thelbësore dhe në interesin tonë, në radhë të parë kombëtar, pastaj për të vazhduar në mundësinë për ta bërë Shqipërinë Europiane dhe kam bindjen që në qoftë se do bëjmë reformat e duhura në luftën kundër krimit të organizuar dhe korrupsionit, reformat ekonomike, mbështetjen e biznesit, punësimin, zhvillimin e infrastrukturës, sektorët arsimorë, sektorin e shëndetësisë, të energjitikës, ne kemi shanset dhe mundësitë që brenda 4 viteve të bëhemi vend anëtar i Bashkimit Europian, ashtu siç u bëmë në 2005-ën brenda 4 viteve, vend anëtar i NATO-s”, tha kreu i PR-së.

 

Leave a Reply

Your email address will not be published. Required fields are marked *

Don Phenom publikon për herë të parë një foto të portretit të djalit 0 3

Don Phenom dhe partnerja e tij, Anxhi u bënë prindër për herë të parë në fillim të këtij viti. Ata u bekuan  me një djalë, të cilin e kanë pagëzuar me emrin Troi. Lajmin e konfirmoi vetë reperi përmes një postimi në rrjete sociale me një foto të bebit nga materniteti, por pa i zbuluar portretin bashkëngjitur së cilës shkruante:

“Djali im Troi Sterkaj ju uron një vit të mbarë. Gëzuar 2021”, shkruante ai.

Ndërkohë deri më sot reperi nuk e kishte prezantuar të birin me publik. Mirëpo ai nuk ka mundur ta mbajë më gjatë fshehur portretin e vogëlushit dhe sot e ka prezantuar me gjithë botën. Don Phenom, ka ndarë një foto shumë të ëmbël të djalit shoqëruar me emojin e një zemre dhe hajmalisë për ta mbrojtur nga syri i keq

Gara për Champions dhe rinovimi i yjeve, Milan luan të ardhmen në pak ditë 0 3

Janë ditë vendimtare për të ardhmen e Milanit. Kuqezinjtë kanë hyrë në sprintin final për arritjen e objektivit më të madh të sezonit, atë për sigurimin e biletës që do t’i kthente në Champions pas një mungese të gjatë. Të dielën në mesditë, Pioli dhe të besuarit e tij presin Genoa, një ndeshje shumë e rëndësishme që mund të rezultojë përcaktuese, duke parë përballjet direkte që kanë në program rivalët. Jo vetëm kaq, pasi këto janë ditë vendimtare edhe në një projeksion më të largët kohor.

Takimi i sotëm i Paolo Maldinit me super maxherin Mino Raiola përcakton të ardhemen e disa prej lojtarëve më të rëndësishëm të skuadrës. Rinovimi i Zlatan Ibrahimovic është çështje e mbyllur, ndërsa delikate është situata me Gigio Donnarumma. Portieri kërkon sigurinë e Champions për të firmosur, ndërsa në ndjekje të tij është kthyer fuqishëm Juventus. Përveç Donnarumma, Milan duhet të zgjidhë edhe rinovimet e tjera të vështira të kapitenit Romagnoli, Calhanoglu dhe Kessie, megjithëse për këtë të fundit ka më shumë kohë në dispozicion.