Studimi i ri: Ekzistojnë shtatë ‘forma të ndryshme’ të infeksioneve të lehta COVID-19 0 32

Një studim i ri ka zbuluar se ekzistojnë shtatë ‘forma të sëmundjes’ brenda rasteve të lehta të infeksionit të coronavirusit SARS-CoV-2.

Midis atyre që kanë pasur fatin e keq të preken nga COVID-19, një numër i konsiderueshëm individësh kanë pasur fatin të goditen nga një rrjedhë e lehtë e sëmundjes.

Tani, një studim i ri ka zbuluar se ekzistojnë shtatë ‘forma të ndryshme të sëmundjes’ brenda rasteve të infeksionit të coronavirusit SARS-CoV-2.

Sipas studiuesve nga Universiteti Mjekësor i Vjenës, COVID-19 shkakton një ndryshim të rëndësishëm në sistemin imunitar, edhe 10 javë pasi fillimisht ishin infektuar me sëmundjen.“Gjetjet tona kontribuojnë në një kuptim më të mirë të sëmundjes dhe na ndihmojnë në zhvillimin e vaksinave të mundshme, pasi që tani kemi qasje në biomarkerë premtues dhe mund të kryejmë një monitorim edhe më të mirë”, theksuan autorët.

Studimi përfshiu një grup prej 109 pacientë të shëruar dhe 98 individë të shëndetshëm. Mostrat e tyre të gjakut u analizuan dhe u përcaktua aktiviteti i niveleve specifike të antitrupave SARS ‐ CoV2 kundër proteinave virale.

Përmes hetimit, autorët identifikuan shtatë grupe të simptomave që përbëjnë shtatë ‘format e sëmundjes’:

-simptoma të zakonshme të ngjashme me të ftohtin (me fyt të thatë, bllokim të hundës, rinitit dhe teshtima);

– simptoma të ngjashme me gripin (me dridhura, kollë, lodhje dhe ethe);

– pezmatimi i syve dhe mukozës;

– probleme të mushkërive (me gulçim dhe pneumoni);

– probleme gastrointestinale (përfshirë diarrenë, dhimbjen e kokës dhe të përzierat);

– dhimbje të kyçeve dhe muskujve;

– humbja e nuhatjes dhe shijes dhe simptoma të tjera.

U zbulua gjithashtu se nivelet e qelizave imune që prodhojnë antitrupa ishin në nivele të larta në gjakun e personave të shëruar. Sa më e lartë të ishin ethet që kishin pacientët me COVID-19 të lehtë, aq më të larta ishin nivelet e antitrupave kundër coronavirusit. /BW

Leave a Reply

Your email address will not be published. Required fields are marked *

Malësore 24 karat, vajza e Emina Cunmulajt u jep mësime valleje shokëve të klasës 0 3

TIRANE

Një familje aq e pasur sa e Eminës dhe bashkëshortit të saj Sam, të jep përshtypjen se e kanë shumë të thjeshtë të shohin jetën e tyre komode, pushimet, rrobat e shtrenjta, udhëtimet e largëta.

Por jo! Emina i bën të gjitha këto, por e kthen përherë kokën pas duke mos harruar asnjëherë origjinën e saj. Por modelja shqiptare  tashmë po u mëson edhe vajzave ta kthejnë. I sjell çdo herë në vendin e saj, u flet shqip dhe tani po na tregon edhe që u mëson vallet tona, traditat.

Këtë herë Emina e ka veshur vajzën me kostum popullor malësoreje. Sepse Ella ka një mision të veçantë. Do t’u mësojë shokëve të klasës të kërcejnë shqip.

“Malësorja e mamit! Duke iu mësuar miqve të saj në shkollë për kërcimet popullore shqiptare”-shkruan Emina.

Shokët e Ellës nuk e njohin muzikën tonë, ama një gjë është e sigurt, e njohin-se njohin do kërcejnë të gjithë. Ritmeve të valleve tona nuk u reziston kush!

foto galeri
foto galeri
foto galeri
foto galeri

//B.W

Horoskopi për ditën e sotme, 4 dhjetor 2020 0 4

Dashi

Tregohuni të duruar, pasi përpjekjet tuaja të vazhdueshme në aspektin profesional do të sjellin rezultate të mira. Mund të prezantoheni me një skemë të re financiare, por shihni me kujdes avantazhet dhe disavantazhet e saj. Në aspektin personal do të kalohet një ditë ndryshe.

Demi

Mund të keni energji të re në jetën tuaj të dashurisë. Martesa është një bekim, dhe sot do ta përjetoni këtë. Aftësia juaj për të reaguar shpejt ndaj problemeve do t’ju sjellë njohje të reja.

Binjakët

Do të keni dëshirë të përfshiheni në aktivitete në natyrë, për shembull meditim ose joga. Kaloni më shumë kohë me familjen, në mënyrë që të shmangni kritikat. Sa i përket marrëdhënies në çift, do kaloni një ditë emocionuese.

Gaforrja

Ka gjasa të impresiononi njerëzit rreth jush me sjelljen tuaj pozitive. Sipërmarrjet e reja do të jenë premtuese. Tregohuni origjinalë në bisedat tuaja, pasi tepricat nuk do t’ju çojnë askund.

Luani

Ka gjasa të përballeni me kritika për shkak të paragjykimeve. Fitimet monetare nga burime të paplanifikuara do t’ju zbukurojnë ditën. Shmangni humbjen e durimit për çështje të vogla, pasi kjo do të dëmtojë vetëm interesat tuaja.

Virgjëresha

Nëse jeni ndjerë të frustruar kohët e fundit, një qasje pozitive sot, do të sjellë një ndryshim mjaft të mirë. Do të merrni kohë të konsiderueshme për të kaluar me miqtë dhe familjen. Mos e zhgënjeni të dashurin tuaj sot, pasi mund t’ju hapen probleme.

Peshorja

Do të jetë një ditë e mbushur me të qeshura dhe shumica e gjërave do të vijojnë ashtu siç dëshironi. Disa persona të kësaj shenje, rekomandohen të investojnë në pasuri të paluajtshme. Sot do të jeni plot me ide të mira, madje mund të tejkaloni pritshmëritë tuaja.

Akrepi

Motivojeni veten për të qenë më optimistë. Dikush me plane dhe ide të mëdha do t’ju tërheqë vëmendjen. Sa i përket marrëdhënies në çift, dita do të jetë e mbushur me dashuri, puthje, përqafime dhe argëtim.

Shigjetari

Mos shpenzoni shumë për argëtim ose për të ndryshuar pamjen tuaj. Ndërhyrja juaj në kohë do të ndihmojë shumë një mikun/miken tuaj. Veprimet tuaja do të jenë frymëzim për të tjerët. Partneri/ja juaj ka gjasa të mos i vlerësojë gjestet tuaja për dashurinë.

Bricjapi

Mos lejoni që shqetësimet të prishin qetësinë tuaj shpirtërore. Bëni më të mirën tuaj për ta shmangur këtë, pasi shumë ankth dhe shqetësim mund të ndikojë në shëndetin tuaj mendor dhe fizik. Bëni kujdes me kolegët në punë.

Ujori

Miqtë do t’ju zbukurojnë ditën, pasi mund të planifikojnë diçka emocionuese për mbrëmjen. Përpjekjet për të përmirësuar pamjen do të kthehen në kënaqësinë tuaj. Do të ndjeni ngrohtësinë e dashurisë së partnerit/es suaj në një moment dobësie gjatë ditës.

Peshqit

Shmangni përballjet e panevojshme, pasi kjo vetëm do t’ju shkaktojë stres të padëshiruar. Do të merrni përgjegjësi shtesë profesionale, që do të çojnë në pagë më të lartë dhe një pozitë më të mirë.//B.W