Studimi i fundit: 25% e shqiptarëve janë infektuar me Covid-19, gjysma e Tiranës e ka kaluar koronavirusin 0 41

Sipas studimit me të fundit të Akademisë së Shkencave për periudhën qershor-dhjetor, nën drejtimin e profesorëve Genc Sulcebe dhe Alban Ylli rezulton se gjysma e popullsisë në kryeqytet e kanë kaluar koronavirusin. Ndërkohë që në rang vendi rezulton se 25% e shqiptarëve e kanë kaluar koronavirusin dhe janë imunizuar në mënyrë natyrale ndaj tij.

Imunologu Genc Sulçebej dhe epidemiologu Alban Ylli kanë studiuar situatën përmes testeve serologjik në emër të Akademisë së Shkencave dhe prezantuan këto të dhëna.

“817 individë që përfaqësojnë popullatën kampion dhe në 812 individë të testuar dolën pozitiv për antitrupa 405 individë që në fund të 2020 thuajse 50 % është imunizuar. Në Shqipëri niveli i imunitetit është rreth 25 % ndërsa për Tiranën hipoteza jonë ishte më e ulët dhe është një surprizë”, janë shprehur mjekët Sulçebej dhe Ylli.

Ata kanë treguar se përparësi për bërjen e vaksinës do të kenë ata që nuk janë infektuar, sepse janë më të brishtë, ndërsa të tjerët që e kanë marrë virusin kanë antitrupa. Mjekët kanë thënë se në pranverë me shumë gjasa mund të ketë një valë të tretë të Covid-19 në vendin tonë.

“Në lidhje me a do kemi valë të tretë në pranverë? Me gjasë po, por jo aq i fortë sa në dimër . Ky virus mund të zgjasë ndoshta deri në fund të vitit të ardhshëm, në forma të ndryshme”, janë shprehur ata./iconstyle

Leave a Reply

Your email address will not be published. Required fields are marked *

Ardian Bujupi përfundon në spital dhe ka një mesazh për të gjithë 0 5

Gjatë muajve të parë të këtij viti, Ardian Bujupi ka qenë një nga këngëtarët më aktivë. Ai ka publikuar deri më tani 3 projekte dhe ka paralajmëruar se për pak ditë do të lançojë këngën e re “Baila Morena” në bashkëpunim me Ivi Cruz. Mirëpo ndërkohë që të gjithë fansat po presin me padurim këtë projekt të ri, Ardiani ka kaluar një situatë të sikletshme.

Së fundmi këngëtari ka zbuluar se ka përfunduar në spital. Ai ka publikuar një foto duke marrë një serum dhe në njërën prej tyre ka shkruar: “Overdozë”. Pasi gjendja e tij është përmirësuar, këngëtari ka publikuar një foto të tij, në të cilën duket paksa i lodhur në fytyrë. Megjithatë, ai ka dhënë mesazhin se nuk ka gjë që e ndal, madje as problemet shëndetësore.

I urrej spitalet. Nuk mund të më mundni. Askush nuk mund të më ndalë, madje as trupi im. Ju uroj të gjithëve një ditë të shëndetshme”, ka shkruar Ardiani përkrah fotove nga spitali.

Vritet një tjetër person me ngjyrë në SHBA, shpërthejnë protesta në Mineapolis 0 9

Në periferi të qytetit Mineapolisit të SHBA-së gjatë natës shpërthyen protesta pasi një oficer policie qëlloi për vdekje një 20-vjeçar me ngjyrë. Më 11 prill, policia hodhi gazlotsjellës ndaj qindra njerëzve të mbledhur jashtë stacionit të policisë në qytetin e Brooklyn Center, në veriperëndim të Minneapolis.

Protestuesit qëlluan me gurë dy automjete të policisë. Departamenti i Policisë tha se oficerët ndaluan një burrë për shkelje të rregullave të trafikut, para se të zbulonin se ndaj tij kishte një urdhër arresti.

Sipas njoftimit, kur policia u përpoq ta arrestonte, ai hyri përsëri në automjet dhe u largua. Një oficer më pas qëlloi shoferin, i cili udhëtoi disa blloqe para se të përplaset me një automjet tjetër. Ai u shpall i vdekur në vendin e ngjarjes.

Burri është identifikuar nga të afërmit si 20-vjeçari, Daunte Uright. Guvernatori i Minesotës, Tim Walz, tha se ai ishte “duke vëzhguar nga afër situatën” dhe po lutej për familjen Ëright.

Në këtë vend gjithashtu po mbahet gjykimi ndaj një ish-oficeri, Derek Chauvin, i cili po gjykohet për vrasjen e një njeriu me ngjyrë, George Floyd. Oficeri është arrestuar gati një vit më parë.

Floyd, 46 vjeç, u vra gjatë një arrestimi në Minneapolis në muajin maj 2020, duke shkaktuar protesta në të gjithë Shtetet e Bashkuara kundër brutalitetit të policisë.

Polici u pa në një video duke bërë presion me gju në qafën e Floyd për më shumë se nëntë minuta, ndërsa afrikano-amerikani gulçonte dhe ankohej vazhdimisht se “nuk mund të marrë frymë”.