Spiropali: Opozita, sabotim dhe pengesë për integrimin e vendit. Ish-qeveria e vdekur kërkon të ‘ringjallet’ 0 11

Ministrja për Marrëdhëniet me Parlamentin, Elisa Spiropali ka sulmuar opozitën jashtëparlamentare se ajo ka qenë bllokuese e integrimit të vendit drejt BE-së.

Gjatë fjalës së saj në Kuvend, Spiropali nuk i ka kursyer as ironitë për deputetin opozitar, Ralf Gjoni, ndërsa i kujtoi këtij të fundit lidhjen e tij me LSI-në. Sipas saj, sot Shqipëria i ka bërë detyrat e saj, në një luftë frontale me ata që duhet të ishin në krahun e qeverisë.

“I dashur Ralfi, mendoni se teatralitetin dhe aftësinë për të parashikuar të ardhmen i kishe lënë në partinë e vetjër, por siç duket paske marrë disa elemente të dobishëm dhe në Kuvend. Nuk është as mister dhe as çudi që BE ka problemet e veta dhe që opozita që ti përmende që është jashtë nuk i sheh se ka qenë e zhytur në të sajat. Po të kthehemi se ato që ka bërë kjo maxhorancë për të realizuar detyrat, mund të them se është bërë e pamundura brenda të mundurës. Kemi një opozitë që të gjithë aksionin e saj e ka program sabotimin dhe pengimin e rrugës europiane drejt BE. Integrimin e ka fjalë goje. Ti përmende krime të pakryera që parashikoje që mund të realizohen në të ardhmen. Mirë do ishte që të flasim për krime të kryera në këtë proces. Nuk dua ta nis këtu nga investigime të mediave që nuk dalin në të gjitha portalet, siç janë disa privatizime. Ku ish qeveria që pretendon që sot të vijë në pushtet, nga i pari, Sali Berisha dhe ministrat, viheshin në rresht për të plotësuar nevojat materiale të një familje, jo nevoja bazike. Behet fjalë për miliona mijëra euro, dhe sot flasin për shkatërrimin e integrimit. Në këto 3 vite s’kanë qenë përpjekje sporadike, por të organizuara. Nëse do të vijojmë më tej për fyerjen dhe retorikën, këtu skam ë fjalë, ku edhe shovinistët serbë nuk do e kishin bërë këtë që kanë bërë këta. Duke e shpallur një vend të kriminalizuar. Kjo është e paimagjinueshme. Ishim ne që shtymë përpara reformën zgjedhore. Ju donit depolitizimin e administrimin zgjedhor, por ishte e pamundur. Ata vazhdojnë të mendojnë si militantë, siç operonin në bashkinë Kamzë, ku socialistët nuk dilnin dot të votonin. Sot Shqipëria i ka bërë detyrat e saj, në një luftë frontale me ata që duhet të ishin në krahun tonë. Ata e donin të lindur të vdekur reformën në drejtësi. Që nga Vasili, Kryemadhi, Meta. Ndaj janë trembur dhe shkojnë në skuta ku takojnë ish-gjyqtarë dhe i takojnë fshehtas dhe i thonë l rrini me ne dhe do ju sjellim pran në sistem. Marrin djem gjykatësish të korruptuar dhe i fusin në lista. Ju japin mesazh; jemi me ju, do ta kthejmë pas reformën. Ata nuk janë opozita e rilindur, por ish-qeveria e vdekur që kërkon të ringjallet.”, tha Spiropali.

Leave a Reply

Your email address will not be published. Required fields are marked *

70-vite nga pushkatimi pa gjyq të 22 intelektualëve, Meta me mesazh të fortë: Më 25 prill triumfi i demokracisë dhe votës së lirë 0 10

Presidenti Ilir Meta ka reaguar përmes një postimi në facebook lidhur me 70-vjetorin e pushkatimit pa gjyq të 22 intelektualëve, të ekzekutuar me akuzën e stisur të hedhjes së një bombe në ish-Legatën Sovjetike në Tiranë. Ndërsa e konsideron ngjarjen një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Meta ndër të tjera Meta se “një popull që fle në demokraci, rrezikon që një ditë të zgjohet në diktaturë”.

“Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës.”- shkruan Meta, në postimin e tij.

Postimi i plotë:
Me akuzën e stisur të hedhjes së një bombe në ish-Legatën Sovjetike në Tiranë, sot mbushen 70 vjet nga dita kur 22 intelektualë të shquar, qytetarë të pafajshëm, të ndershëm dhe atdhetarë, të lidhur tok me tela me gjëmba, u ekzekutuan barbarisht me pushkatim, pa gjyq.

Kjo masakër e llahtarshme, e kryer brenda një nate, simbol i terrorit ndaj mendimit ndryshe, është një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Duke nderuar kujtimin e viktimave të pafajshme Sabiha Kasimati, Tefik Shehu, Pjetër Guraziu, Jonuz Kaceli, Anton Delhysa, Haki Kodra, Gafur Jegeni, Myftar Jegeni, Manush Peshkëpia, Reiz Selfo, Qemal Kasaruho, Zyhdi Herri, Gjon Temali, Petro Konomi, Niko Lezo, Pandeli Nova, Thoma Katundi, Mehmet Shkupi, Ali Qorralliu, Fadil Dizdari, Hekuran Troka dhe Lluka Rashkoviç, masakra e 26 shkurtit 1951, na kujton sot se demokracia duhet të mbrohet çdo ditë dhe me çdo sakrificë.

Sepse “një popull që fle në demokraci, rrezikon që një ditë të zgjohet në diktaturë”.
Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës. 🇦🇱

Covid-19/Mbretëresha Elisabeth: Ky virus është si murtaja. Vaksinohuni! 0 10

Mbretëresha ka mbajur një fjalim të rrallë mbi vaksinimin ndaj Covid-19, duke sugjeruar se është egoizëm të mos vaksinohesh. Mbretëresha foli gjatë një komunikimi me video WebEx me përgjegjës të lartë që drejtuan vendosjen e vaksinimit Covid-19 në të gjithë Anglinë, Skocinë, Uellsin dhe Irlandën e Veriut.

Sipas mediave britanike Mbretëresha inkurajoi ata që vështirë se mendojnë për njerëzit e tjerë në vend të vetvetes. 94-vjeçare tha se vaksina që mori muajin e kaluar nuk e dëmtoi aspak dhe e kishte bërë atë të ndihej e mbrojtur. Duke e cilësuar Covidin si një murtajë, ajo tha se ishte e jashtëzakonshme sa shpejt ishte vënë në veprim programi i vaksinimit, duke ndihmuar kaq shumë njerëz.

Një burim mbretëror e krahasoi ndërhyrjen e kësaj jave me fjalimin e mbajtur nga Mbretëresha në fillim të pandemisë në të cilën ajo i nxiti njerëzit të qëndronin në shtëpi dhe foli për nevojën për të punuar së bashku për të mposhtur virusin.

Më shumë se 18 milionë britanikë, një në tre të rritur, kanë marrë të paktën një dozë të vaksinës, 448,962 të tjerë u dhanë dozat e para të mërkurën.