“Sot isha për ngushëllim te një moshatar”! Meta i shqetësuar nga Covid-19: Duhen masa urgjente, nuk është koha për tendera e PPP!Meta ndryshon qëndrim? Shfaqet me maskë antiCovid në konferencën për mediat 0 24

Presidenti Ilir Meta foli sot me tone shqetësuese për rritjen e numrit të të infektuarve dhe viktimave nga koronavirusi në vendin tonë. Në konferencën e përjavshme për media, Kreu i Shtetit theksoi se duhen marrë masa të menjëhershme për të përballuar situatën.

“Jam shumë i shqetësuar për numrin në rritje të numrit të të prekurve, por edhe viktimave, nga koronavirusi. Duhen marrë masa të menjëhershme për frenimin e përhapjes së virusit. Është tepër e domosdoshme që qytetarët të testohen, që të dinë të vërtetën për shëndetin e tyre, por edhe që të mbrojnë të tjerët. Shëndeti i tyre nuk duhet të bëhet objekt improvizimesh. Duhet garantuar shtrati spitalor për ata qytetarë që kanë nevojë, kur sëmundja ka përparuar dhe rreziku i humbjes së jetës është i lartë. Duhet siguruar shërbimi në rajone. Duhet miratuar sa më parë nga qeveria rimbursimi i barnave, për ata që trajtohen në banesat”, tha Meta.

Më tej, Presidenti iu bëri thirrje të gjitha institucioneve kryesore në vend, që nga qeveria, parlamenti e opozita, që të bashkohen për të ndihmuar në rivendosjen e kontrollit të pandemisë.

“Gjithë vëmendja e qeverisë, parlamentit, presidentit, mediave, opozitës, duhet të jetë te rivendosja e kontrollit të pandemisë. Unë vetë isha për një ngushëllim te një moshatar i imi, nesër do më duhet të shkoj sërish në një ngushëllim. Sugjerimet e mia kanë qenë prej kohësh, që në valën e parë të virusit. Kam bërë përpjekjet më të mira, ju e dini kush e prishi paktin me shkatërrimin kriminal të Teatrit Kombëtar në kulmin e gjendjes së jashtëzakonshme. Dhe për fat të keq, pas kaq kohësh që jemi vendi që kemi investuar më pak për përballimin e pandemisë, në krahasim me rajonin, por edhe për mbështetjen e biznesit. Kjo ka shtuar papunësinë, varfërinë dhe bën mjaft të vështirë që shumë qytetarë të përballojnë shpenzimet në familjet e tyre. Spitalet private po bëjnë goxha biznes. Shpreh solidaritetin më të fortë me gjithë mjekët, infermierët, ata po punojnë jashtë cdo mundësie fizike dhe mendore, në kushte mjaft të vështira të një presioni të madh. Jam i mirëinformuar për këtë gjë. Mos të harrojmë që për shkak të migrimit dhe shpopullimit kanë rënë mjaft parametrat me mjek e infermierë për 1 mijë banorë. Janë më të ulëtat në krahasim me gjithë rajonin. Kjo sjell një sforco të madhe të personelit. Kjo kërkon përgjegjshmëri më të madhe nga qeveria, që duhet të jetë më transparente. Nuk është koha për të bërë tendera e PPP. Është koha për të mbështetur shëndetin publik, për të bërë transparencë dhe për të mbështetur edhe shtresat në nevojë të popullsisë”, u shpreh Kreu i Shtetit./B.W

Leave a Reply

Your email address will not be published. Required fields are marked *

S’kanë fund largimet nga strukturat e LSI-së, jep dorëheqjen kryetari i Vaqarrit, koordinator i Tiranës: Ndihem i fyer nga mosmirënjohja dhe arroganca që kam marrë në këmbim 0 8

Vazhdojnë largimet nga strukturat e LSI, me drejtuesit që japin dorëheqjen pasi shprehen të pakënaqur për ato çfarë kanë marrë në këmbim për kontirbutin e dhënë.

127166988_860994141341944_722352697371602246_n_1.jpg

Pas largimit të kryetarit të LSI në Laprakë Gentian Arapaj dhe kreut të LRI Qamil Nureci, së fundmi është larguar edhe ish-kryetari i LSI në Vaqarr, koordinator i qarkut të Tiranës, Olger Sanxhaku.

Sanxhaku ishte pjesë e strukturave të LSI që prej 15 vitesh, duke e filluar si anëtar në vitin 2006, kryetar i njësisë administrative Vaqarr në 2017 dhe duke e përfunduar në vitin 2020 si koordinator i qarkut të Tiranës.

Me anë të një postimi në rrjetet sociale, Sanxhaku shprehet se kontributi i tij në këtë parti nuk është vlerësuar, ndërsa shton se në këmbim të gjithçkaje ka marrë vetëm mosmirënjohje dhe arrogancë.

Kryetari i LSI-së ‘tradhton’ Monika Kryemadhin: Jap dorëheqjen! Ndihem i fyer! 0 10

Kryetari i LSI-së në Laprakë Gentian Arapi, ka dhënë dorëheqjen dy ditë më parë nga partia e Monika Kryemadhit. Për 6 vite shkuan ai kjo njësi mori rezultate të paarritura më parë, por besimi i tij, i familjarëve dhe i gjithë njerëzve që e mbështetën u thye përballë arrogancës.

“Ashtu siç kam njoftuar edhe strukturat e mia më të afërta ju bëj me dije se nga ky moment nuk do te jem më pjesë e Lëvizjes Socialiste për Integrim dhe as Kryetar i LSI njësia 11 Laprakë. Jap dorëheqjen time me bindjen se ajo qe na bashkon është puna dhe Mirënjohja minimale që na motivon të ecim përpara dhe ato qe na ndajnë janë parimet mbi të cilat ngrihet një punë dhe realizohet një kontribut dhe mosmirënjohja”, – shkruan Arapi ndër të tjera.

“Me shumë përkushtim dhe besim përgjatë këtyre 6 viteve kam dhënë kontributin tim në strukturat e LSI së Laprakës. Jam njohur me shumë anëtarë të vjetër dhe të rinj që ashtu sikur unë kanë dhënë shpirtin në ngritjen e këtyre strukturave dhe kanë punuar pa interes krah meje duke më besuar për një të ardhme më të mirë të këtij komuniteti.

I jam mirënjohës secilit prej jush për punën dhe vendosmërinë që keni treguar në fushatat që kemi bashkëudhëhequr dhe ju falenderoj përzemërsisht që keni besuar tek Genti.

Në të dy fushatat e zhvilluara, LSI Njësia 11 Laprakë, ka marrë rezultate të paarritura më parë dhe secili prej nesh është i vetëdijshëm për punën e palodhur, angazhimin natë e ditë dhe përkushtimin tonë për të qenë gjithmonë të gatshëm për të mbushur sheshe dhe salla për të dalë ballëhapur ndaj kauzave tona.

Ndihem i fyer që mesa duket gjithë kjo punë dhe ky angazhim i painteres i imi personal, i familjarëve të mi dhe i të gjithë njerëzve që më kanë mbështetur, i secilit prej jush, thyhet përballë një arrogance të pakuptimtë.

Ashtu siç kam njoftuar edhe strukturat e mia më të afërta ju bëj me dije se nga ky moment nuk do te jem më pjesë e Lëvizjes Socialiste për Integrim dhe as Kryetar i LSI njësia 11 Laprakë. Jap dorëheqjen time me bindjen se ajo qe na bashkon është puna dhe Mirënjohja minimale që na motivon të ecim përpara dhe ato qe na ndajnë janë parimet mbi të cilat ngrihet një punë dhe realizohet një kontribut dhe mosmirënjohja.

Sigurisht që si individ nuk jam rritur në LSI, por kam njohur shumë të rinj që angazhimin e tyre të parë e kanë besuar tek ne dhe për ju që më njihni dhe keni dëgjuar për mua ju them se me keni përsëri pranë jush për çdo shqetësim apo gëzim tuajin.

Mirënjohja dhe respekti im për ju të dashur simpatizantë, për punën tuaj, përkushtimin dhe mbështetjen që me keni dhënë ndër vite nuk do të zbehet asnjëherë, pasi në fund, ajo çfarë mbetet është njeriu dhe jo ambicia për pushtet.

Me respekt Genti!”, – shkruan ai në rrjetet sociale./lajme.al