“Situatë më e qetë tek Infektivi”, gazetari: Pacientët janë shtuar, mjekët të paktë, ja sa shtretër janë në 3 spitalet COVID 0 21

Një numër i vogël mjekësh në krahasim me numrin e pacientëve. Kështu raportoi gazetari Erjon Skëndaj për “BalkanWeb” nga spitali Infektiv teksa foli për situatën në tre spitalet COVID, ndërkohë që nuk ka arritur të marrë informacion për spitalin e hapur të fundit COVID 4.

Ai tha se në Infektiv, situata paraqitet më e qetë, pasi ky spital pret vetëm urgjencat nga Jugu. Ndërkohë që foli për shtim të shtretërve dhe ezaurim të tyre.

“Dy autoambulanca, njëri zbriti pacientin, tjetra është e morgut. Situata duket e qetë. Ky spital ka ende shtretër të lirë, një numër të reduktuar. Këtu vijnë urgjencat nga Jugu i vendit. Ndërsa tek COVID 2 janë urgjencat e Tiranës, veriut dhe Juglindjes.

Në COVID 1 janë 100 shtretër të zënë, 20 të lirë, në COVID 3 janë 110-120 shtretër të zënë nga 150 që ka në total, ndërkohë që në spitalin COVID 2 numri i shtretërve të zënë ka qenë 250. Ky spital është shtuar nga kapacitetet gjatë pandemisë, duke u zgjeruar me kthimin në pavijon të katit të parë të konsultave dhe duke futur shtretër.
Në COVID 4 nuk kemi asnjë informacion nëse ka apo jo të shtruar. Stafet e spitaleve COVID janë të stërmunduara, vazhdojnë një betejë prej 9 muajsh pa asnjë pushim. Pushimi i vetëm që bëjnë kur infektohen nga COVID 19.
Ndërsa shtretërit shtohen, duke nisur nga spitali 1 ku ne jemi, duke nisur nga para pandemisë që kishte vetëm 70 shtretër, 17 mjekë, aktualisht spitali ka në forcë 13 mjekë primarë terciarë, sepse mjekët e tjerë janë dhënë borxh tek spitalet COVID 3 dhe COVID 4, ndërkohë që numri i pacientëve është shtuar me 120 dhe ka 13 mjekë.
Tek spitali COVID 2 sot ka 250 shtretër dhe vetëm 20 mjekë në total, 6 mjekë internistë dhe 14 mjekë pneumologë, nga të cilët 2 janë gjithmonë thuajse të prekur nga COVID-19. Numri i pacientëve nga 192 që numëronte spitali deri dje, sot ka 250 të gjithë duhet të marrin trajtim nga 20 mjekë”, raportoi Skëndaj.

Sa i përket testimeve të shpejta të nisura dje, ai tha se do të bëhen nga ekspertët e shëndetit publik, qofshin nga ISHP apo ASHR të cilët bëjnë hetimin epidemiologjik. “Me kalimin e kohës do të ketë pika në Tiranë dhe në rreth ku në këto pika qytetarët do të bëjnë testin e shpejtë por gjithmonë me rezervim nga mjeku i familjes”, tha Skëndaj.

 

 

 

(BallkanWeb)

Leave a Reply

Your email address will not be published. Required fields are marked *

Kujdes, këto akse rrugore janë të rrezikshëm nga ngrica, ARRSH: Mos kaloni pa zinxhirë! 0 6

Autoriteti Rrugor Shqiptar iu bën thirrje drejtuesve të mjeteve të përdorin zinxhirët në disa akse rrugore të vendit, për shkak të motit të acartë që ka përfshirë vendin.

Sipas ARRSH, gjatë natës ka pasur reshje me intensitet të ulët bore në veri, në juglindje, në akset e Dajtit, në Llogara, ku është punuar me shpërndarjen e kripës dhe me mjetet borëpastruese, teksa qarkullimi në këto rrugë kryhet pa probleme.

Njoftimi i ARRSH:

Gjatë natës ka pasur reshje me intensitet të ulët 🌧në veri, në juglindje, në akset e Dajtit, në Llogara, 🚜 ku është punuar me shpërnadrjen e kripës dhe me mjetet borëpastruese. Qarkullimi kryhet pa probleme🚖
null📌Gjatë orëve të para të mëngjesit rekomandohet që kalimi të bëhet me zinxhirë për shkak të ngricave ❄️në akset: Qafë Bualli-Krastë, Ura e Cerenecit-Klenjë, Nikollare-Strelcë, Qafë Priskë-Qafë Mollë.
⚠️Drejtuesit e mjeteve të tregohen të kujdesshëm, të reduktojnë shpejtësinë, të respektojnë sinjalistikën 🚧⛔rrugore, të pajisen me goma dimërore dhe zinxhirë✔️

//B.W

Humbin jetën 23 persona pas marrjes së dozës së parë të vaksinës antiCovid në Norvegji 0 5

Zyrtarët norvegjezë po rishikojnë këshillat e tyre për të gjithë ata persona që marrin vaksinën anti-COVID. Agjencia Norvegjeze e Barnave raportoi se 13 persona të moshuar që morën një dozë të vaksinës humbën jetën pas efekteve anësore.

Në total 23 qytetarë kanë humbur jetën pasi morën vaksinën e Pfizer. Të gjitha rastet u shënuan tek pacientë në shtëpitë e të moshuarve, mbi moshën 80 vjeç. Ethe, të përziera dhe diarre ishin ndër efektet anësore tek 13 prej tyre bën me dije zyrtarët, çka dhe mund të kenë çuar në vdekjen e këtyre personave.

Rregullatorët tani ia lënë në dorë mjekëve që të konsiderojë se kush duhet të vaksinohet.

“Nuk ka ndonjë lidhje të caktuar midis këtyre vdekjeve dhe vaksinës. Ajo që themi është se nëse keni pacientë shumë të dobët, shumë të sëmurë dhe që kanë një jetëgjatësi të shkurtër, duhet të bëni një vlerësim shtesë të përshtatshmërisë së vaksinimit të këtyre pacientëve”, u shpreh Steinar Madsen, mjeku kryesore i Agjencisë.

“Ekziston një mundësi që këto reaksione anësore të zakonshme, të cilat nuk janë të rrezikshme për pacientët më të rinj, mund të përkeqësojnë sëmundjet tek të moshuarit”,- tha Madsen.null

“Ne nuk jemi të alarmuar për këtë, sepse këto janë dukuri shumë të rralla dhe ato ndodhën në pacientë shumë të dobët me sëmundje shumë të rënda”,- theksoi ai.

“Tani po kërkojmë që mjekët të vazhdojnë me vaksinimin, por të kryejnë vlerësime shtesë të njerëzve shumë të sëmurë, gjendja themelore e të cilëve mund të përkeqësohet.”

Në raportin e saj, Agjencia Norvegjeze e Barnave tha se një total prej 29 personash kishin pasur efekte anësore nga vaksinimi COVID-19, 21 gra dhe tetë burra. Në shtetin nordik më shumë se 30.000 persona janë vaksinuar në javët e fundit.

Në të gjithë botën, pas çdo fushatë vaksinimi masiv duke pasur parasysh numrin e madh të njerëzve të përfshirë, zyrtarët presin që të raportohen vdekje dhe efekte anësore të rënda.

Por, përcaktimi nëse vaksina shkaktoi ose jo vdekje mund të jetë shumë sfiduese dhe kërkon që të gjitha shkaqet e tjera të mundshme të përjashtohen.//B.W