Si të luftojmë virozat e stinës nëpërmjet ushqimit 0 89

Jemi në sezonin kur të gjithë, në punë, shkollë, shtëpi, duken të sëmurë. Por, nëse doni të shmangni viruset e dimrit ndërkohë që netët ftohen, duhet të dini që zgjedhja e dietës së duhur mund të ketë një efekt të fuqishëm.

Sophie Michell, shefe gatimi dhe autore e shumë librave për gatim, nga veriu i Londrës, ka ndarë me femrat 10 ushqimet që duhet të konsumojnë këtë sezon për të luftuar ftohjen dhe gripin.Hudhër

Mund të shkaktojë erë të keqe në gojë, megjithatë, përfitimet e shumta që sjell hudhra në shëndet na bëjnë ta harrojmë erën e keqe.

“Nuk është gjëja më e shijshme, por ka veti shumë të mira anti-virale”, thotë Sophie.

Nëse nuk mund ta hani atë të gjallë, përfshijeni në gatime të ndryshme.

Boronica

Ky superushqim vjen me përfitime të shumta shëndetësore. Prandaj është ushqimi perfekt për të mbështetur sistemin imunitar në luftën kundër viruseve të dimrit.

“Është një antioksidues i fuqishëm, e mirë për t’u konsumuar e freskët, si çaj, marmelatë apo e thatë, dhe mund ta përfshini në lëngje të ndryshme.

Supa  e pulës e gatuar në shtëpi

Thonë se supa e pulës është e mirë për shpirtin. Duhet shtuar se është e mirë edhe për trupin gjithashtu, pasi është një nga gatimet më të mira për të luftuar gripin.

“Ka veti anti-virale, plus që ju bën të ndiheni më mirë kur jeni pak të dobët ose keni të ftohtë”, thotë Sophie.

Patatet e ëmbla

Perimet me rrënjë portokalli duhet të hahen me bollëk nëse doni të parandaloni ftohjen, thotë Sophie.

“Ato janë të pasur me beta-karotene, që kthehet në vitaminën A.

“Vitamina A nga ana tjetër ndihmon në përmirësimin e sistemit dgjestiv dhe bllokon bakteret e dëmshme, që shkaktojnë ftohjen”, shpjegon ajo.

Bajamet

Ekspertët e shëndetit sugjerojnë gjithmonë që të zëvendësoni biskotat e yndyrshme me një grusht me bajame kur jeni të uritur,

Këto fruta të thata përmbajnë gjithashtu një sërë përfitimesh shëndetësore, që mund t’ju ndihmojnë në luftimin e baktereve, sipas Sophie.

Kos

Kosi ju mban të shëndetshëm dhe në formë gjatë gjithë dimrit.

“Ai lufton bakteret e këqija ndërkohë që ushqen bakterin e mirë”, thotë Sophie.

Lulelakër

Lulelakra është ushqimi që duhet të konsumoni më shumë gjatë dimrit nëse nuk doni të sëmureni.

Ajo është një antioksidues që lufton të gjitha infeksionet. Është e mirë për t’u përdorur në supë dhe një alternativë e mirë e grurit nëse  e ktheni në oriz me lulelakër.

Ujë

Uji është ushqimi që duhet të konsumohet njësoj gjatë gjithë muajve të vitit. Megjithatë, duhet të përmendim se ai është i mirë në rast ftohje dhe gripi, pasi ndihmon trupin të nxjerrë jashtë toksiant dhe bakteret.

Mjaltë

Mjalti është një super ushqim, që rrit sistemin imunitar dhe shërben si antioksidues. Ai ka veti antibakteriale, antivirale, antioksiduese, që e bëjnë mbështetësin ideal të imunitetit.

Lëngu i kockave

Lëngu i kockave përmban veti të shumta shëruese dhe është i mirë për sistemin imunitar./BW

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 8

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 5

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.