Si Ndikon Kafja Tek Sistemi Nervor Brenda 15 Minutash 0 62

Kafeina është një nga stimuluesit më të përdorur në botë.

Kafeina shpalos vlerat e saj 15-20 minuta pasi futet në organizëm.

Sipas të dhënave të AgroWeb.org, efektet e saj zgjasin zakonisht 8 deri në 14 orë në varësi të gjinisë, peshës, moshës.

Sipas ekspertëve, një sasi prej 250 mg kafeinë në ditë (2-3 filxhanë kafe) përmirëson përqendrimin, largon stresin dhe ul rrezikun e sëmundjeve të zemrës.

Por kafeina ka një ndikim të fortë edhe në sistemin qendror nervor.

Si Ndikon Kafeina Tek Sistemi Qendror Nervor

Kafeina imiton një transmetues nervor që prodhohet gjatë ditës.

Ajo vepron kundër përgatitjes së organizmin për të fjetur.

Kafeina ndikon pikërisht tek receptorët e trurit dhe për pasojë njeriu është energjik dhe aspak i përgjumur.

A Mund Të Kalojë Njeriu Në Overdozë Nga Kafeina?

Siç e thamë më lart, kafeina është stimulues i fortë dhe përjetimi i mbidozës shoqërohet me simptoma si konfuzion dhe haluçinacione.

Ekspertët, të cilëve u referohet AgroWeb.org, thonë se një njeri që peshon 60 kg duhet të pijë maksimumi 2 filxhanë e gjysmë me kafe në ditë.

Megjithatë, duhet të tregoni kujdes me pijet energjike që përmbajnë sasi të jashtëzakonshme kafeine.

Një sasi normale konsumi të kafeinës besohet të jetë deri në 400 mg në ditë.

Sidoqoftë, ndikimi i kafeinës në organizëm varet nga një sërë faktorësh dhe mbi të gjitha nga individi.

Nëse dëshironi të hiqni dorë nga kafeina, duhet ta bëni atë në mënyrë shumë graduale.

Duke qenë stimulues, heqja dorë prej kafeinës përcillet negativisht nga organizmi.

Nëse krejt papritur nuk pini kafe, do të ndiheni në ankth, të irrituar dhe të përgjumur.

Lajmi i mirë është se këto efekte anësore janë të përkohshme./AgroWeb.org #albaniareport.al

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 8

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 5

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.