Rikthehet frika e Covid-it në Kinë, futet në karantinë Kryeqendra e Hubeit 0 49

 

Qyteti i Shijiazhuang-ut, kryeqendra me 11 milionë banorë e provincës së Hubeit që rrethon Pekinin, ka hyrë në karantinë pasi këto dy ditët e fundit, numri i rasteve me Covid atje, të sëmurë e asimptomatikë, ka mbërritur në gati 200.

Kjo është vatra më e madhe e sëmundjes që verifikohet në vend pas muaj të tërë qetësie. Lëvizjet hekurudhore me Shijiazhuang janë bllokuar menjëherë, së bashku me rrugët që lidhin këtë provincë me kryeqytetin e vendit.

Autoritetet vendase janë të shqetësuara prej lëvizjeve të pritshme të vitit të ri kinez, që kremtohet në 12 shkurt dhe zakonisht shtyn miliona punëtore të industrive të mëdha të kthehen për ti kaluar festat me familjet. Këtë vit, punonjësve publikë në Pekin u është kërkuar të mos lëvizin dhe popullata e Wuhanit është këshilluar të ruajë ushqime, sepse nëse situata merr një kthese të beftë, duket nuk përjashtohet mundësia e ndonjë karantine tjetër.

Presidenti Xi Jingping shpalli në 31 dhjetor fitoren mbi epideminë, ndërsa mediat shtetërore vazhdimisht nxjerrin në pah katastrofën sanitare në Evropë dhe Shtetet e Bashkuara. Pekini sakaq vazhdon të mbajë pezull ekipin e 10 ekspertëve ndërkombëtarë të OBSH-së, të cilët duhet të hetojnë origjinën e virusit, por që në minutën e fundit, iu refuzua leja hyrëse.

Leave a Reply

Your email address will not be published. Required fields are marked *

Vritet një tjetër person me ngjyrë në SHBA, shpërthejnë protesta në Mineapolis 0 9

Në periferi të qytetit Mineapolisit të SHBA-së gjatë natës shpërthyen protesta pasi një oficer policie qëlloi për vdekje një 20-vjeçar me ngjyrë. Më 11 prill, policia hodhi gazlotsjellës ndaj qindra njerëzve të mbledhur jashtë stacionit të policisë në qytetin e Brooklyn Center, në veriperëndim të Minneapolis.

Protestuesit qëlluan me gurë dy automjete të policisë. Departamenti i Policisë tha se oficerët ndaluan një burrë për shkelje të rregullave të trafikut, para se të zbulonin se ndaj tij kishte një urdhër arresti.

Sipas njoftimit, kur policia u përpoq ta arrestonte, ai hyri përsëri në automjet dhe u largua. Një oficer më pas qëlloi shoferin, i cili udhëtoi disa blloqe para se të përplaset me një automjet tjetër. Ai u shpall i vdekur në vendin e ngjarjes.

Burri është identifikuar nga të afërmit si 20-vjeçari, Daunte Uright. Guvernatori i Minesotës, Tim Walz, tha se ai ishte “duke vëzhguar nga afër situatën” dhe po lutej për familjen Ëright.

Në këtë vend gjithashtu po mbahet gjykimi ndaj një ish-oficeri, Derek Chauvin, i cili po gjykohet për vrasjen e një njeriu me ngjyrë, George Floyd. Oficeri është arrestuar gati një vit më parë.

Floyd, 46 vjeç, u vra gjatë një arrestimi në Minneapolis në muajin maj 2020, duke shkaktuar protesta në të gjithë Shtetet e Bashkuara kundër brutalitetit të policisë.

Polici u pa në një video duke bërë presion me gju në qafën e Floyd për më shumë se nëntë minuta, ndërsa afrikano-amerikani gulçonte dhe ankohej vazhdimisht se “nuk mund të marrë frymë”.

Princ Harry mbërrin në Angli për varrimin gjyshit të tij, por pa Meghan Markle 0 9

Princi Harry është kthyer në Britaninë e Madhe për të marrë pjesë në varrimin e gjyshit të tij, Princit Philip i cili ka vdekur të premten në moshën 99-vjeçare.

Revista “People” ka konfirmuar se Harry ka arritur të dielën nga Kalifornia, ku po jeton me bashkëshorten Meghan Markle dhe djalin e tyre dy vjeçar, Archie.Rikthimi i princit 36-vjeçar në vendin e lindjes është bërë për herë të parë pas një viti.

Kjo po ashtu do të jetë hera e parë që ai do të takohet me anëtarët e familjes së tij pas krizës së shkaktuar nga deklaratat e Meghan në intervistën me Oprah Winfrey, lidhur me familjen mbretërore.

Ndërkohë, Meghan nuk do të marrë pjesën në varrimin e Princit Philip pasi që mjeku e ka këshilluar që të mos udhëtojë për shkak të gjendjes së saj me shtatzëninë.

Mësohet se ajo do të lindë fëmijën e saj në sjellë në jetë, fund të kësaj pranvere, një vajzë.Varrimi i Princit Philip do të bëhet të shtunën e ardhshme me praninë e vetëm rrethit të ngushtë të familjarëve, për shkak të pandemisë me COVID-19.