Pse në BE aprovimi i vaksinës zgjat më tepër? 0 43

Në Britaninë e Madhe dhe SHBA kanë nisur tashmë vaksinimet me BNT162b2, ky është emri zyrtar i vaksinës së koronës të BioNTech dhe Pfizer, pasi të dy vendet e miratuan atë sipas rregullave autorizimit për përdorim në raste emergjente.

Ky vendim ndezi një debat se pse Bashkimit Evropian po i duhet kaq shumë kohë për ta miratuar vaksinën.

Agjencia Evropiane e Barnave (EMA) vendosi ndërkohë t’i miratojë më parë vaksinat – për kandidatin e vaksinës të BioNTech-Pfizer nga 29 më 21 dhjetor dhe për vaksinën e prodhuesi amerikan Moderna nga 12 në 6 Janar.

Qëllim i njëjtë, rrugë të ndryshme

Bashkimi Evropian nuk dëshiron një autorizim emergjent për vaksinat, por një “autorizim të kushtëzuar” sipas një “procedure të përshpejtuar”. Pas këtyre termave teknikë qëndron një filozofi e ndryshme.

Një “autorizim i kushtëzuar” sipas një “procedure të përshpejtuar” zgjat më shumë, por është më i kujdesshëm, sepse  si para dhe pas autorizimit kontrollohen më shumë të dhëna, sepse procesi i prodhimit monitorohet, sepse autorizimi për përdorim është më i gjatë dhe gjithashtu sepse prodhuesit nuk përjashtohen nga përgjegjësia për efektet anësore të vaksinës që prodhojnë.

Por edhe procedura e përshpejtuar zgjat. Dhe megjithë nevojën urgjente zyrtarët e BE-së nuk morën rrugën e shkurtër. Si me çdo vaksinë tjetër edhe në rastin e vaksinës kundër Covid BE respekton përfundimin e të tri fazave të provës klinike dhe vlerësimin e të gjitha të dhënave.

Disavantazhet e një aprovimi urgjent

SHBA, Britania e Madhe dhe një numër vendesh të tjera zgjodhën një qasje tjetër. Autoritetet e tyre shëndetësore e miratuan vaksinën e BioNTech Pfizer për përdorim në raste emergjente. Kjo do të thotë që mjekët mund ta përdorin vaksinën para se të vlerësohen plotësisht të dhënat për sigurinë dhe efektet anësore. Kjo kursen kohë, por gjithashtu përmban dhe rreziqe.

Autorizimi i kushtëzuar nga Agjencia Evropiane e Barnave do të thotë nga njëra anë një kontroll më të përimtë, por edhe që BioNTech-Pfizer mbajnë përgjegjësi për efektet anësore të vaksinës të tyre. Në rastin e autorizimit për përdorim në raste emergjente për dëmet e shkaktuara prej efekteve anësore përgjegjësinë e mban shteti, por dëmshpërblimet janë më të ulëta se në rastet e tjera.

Autoritetet e BE-së e refuzuar këtë rrugë dhe zgjodhën rrugën disi më komplekse të autorizimit të kushtëzuar për tregun e BE-së, të cilën ata e konsideruan më të sigurt. Sidoqoftë të gëzon fakti që edhe “miratimi i përshpejtuar” nuk zgjati shumë më tepër se aprovimi për përdorim në raste emergjente./DW

Leave a Reply

Your email address will not be published. Required fields are marked *

Bitcoin shënon sërish rekord, rritje me 5% në një ditë, shkon mbi 63 mijë dollarë 0 5

Bitcoin u ngjit në një rekord të ri ditën e martë prej 63 mijë dollarësh, ndërsa investitorë po presin debutimin në bursë të Coinbase.

Çmimi i Bitcoin u rrit me 5% në 24 orët e fundit, në 63,171 dollarë, sipas të dhënave të CoinMetrics, përpara se të tërhiqej në 62,653 dollarë. Ether, kriptomonedha e dytë më popullore, shkoi deri në 2,222 dollarë.

 

Justin Bieber thotë se viti i parë i martesës me Hailey ka qenë i vështirë, për shkak të mungesës së besimit 0 9

Këngëtari i njohur, Justin Bieber, së fundmi ka zbuluar shumë të pathëna nga jeta personale. Ai ka folur për martesën me Hailey Bieber, duke theksuar se viti i parë ka qenë mjaft i vështirë, shkruan Mirror.

Në një intervistë për GQ Magazine, Justin ka treguar se si ndërkohë kishin krijuar besim tek njëri-tjetri.

“Viti i parë i martesës ka qenë shumë i vështirë. Kishim shumë mungesë të besimit”, u shpreh ai. Më tej Justin shtoi: Janë disa gjëra që nuk dëshiron t’i pranosh te personi me të cilin je, sepse janë të frikshme”.

27-vjeçari dhe modelja e njohur janë martuar në vitin 2018, pas disa kohe që ishin në një lidhje dashurie.