PR organizon forumin për sigurinë 0 46

Këshilli Politik i Partisë Republikane organizoi Forumin për Sigurinë, me pjesëmarrjen e gjeneralëve dhe politikanëve nga të dy anët e Atlantikut: SHBA, Mbretëri e Bashkuar dhe BE. Në fjalën e tij, kreu i PR-së, Fatmir Mediu, tha se “vetëm disa dekada më parë, Ballkani Perëndimor u trondit nga luftërat, mizoritë, gjenocidi dhe spastrimet etnike në një shkallë, të cilat konsideroheshin të pamundura në një Evropë të pasluftës së Dytë Botërore”.

“Të gjitha këto gjëra, shërbyen si një mësim se paqja dhe demokracia, janë një betejë e përditshme dhe jo vetëm një destinacion apo një ëndërr. Një mësim që fatkeqësisht sot duket se harrohet dhe vihet në pikëpyetje çdo ditë. Gjeopolitika në Ballkan ka ndryshuar shumë. Vakumi i krijuar nga SHBA dhe BE në vitet e fundit është i mbushur me ndikim dhe prani të Rusisë dhe Kinës në shumë aspekte”.

Lord David Richards, ish-Shefi i Shtabit të Ushtrisë Britanike deklaroi se Britania e madhe është e interesuar për një Ballkan të qëndrueshëm. “Jam i sigurt që edhe pse nuk jam anëtar i Qeverisë Britanike, mund të them me shumë besim, se ky është qëllimi kryesor i qeverisë sonë pas Brexit, megjithatë, ajo që më shqetëson pak është se qeveria ka shumë probleme konkurruese me njëra tjetrën dhe mendoj se një takim si ky do të ndihmojë në renditjen e këtyre përparësive dhe Ballkanit në sytë e qeverisë Britanike”.

Për Gjeneralin Carles Wald, ish-Komandant i Forcave Amerikane tërheqja e trupave amerikane nga Europa është e gabuar. “Unë mendoj se diskutimi për ne që tërhiqemi dhe largohemi nga Evropa është një nga gjërat më të këqija që ka ndodhur në karrierën time dhe unë mendoj se do ta ndalojmë atë, dhe unë mendoj se pa aleancat tona Shtetet e Bashkuara do të kenë një kohë të vështirë për të vazhduar”.

“Gjeneral Wald, Unë do të doja të them se vërtet e vlerësoj qëndrimin tuaj në lidhje me këtë çështje dhe shpresoj se gjërat do të ndryshojnë, siç vlerësoj thirrjen e Presidentit Trump për një rritje të buxhetit të mbrojtjes të vendeve të NATO-s, e cila mendoj se ishte thirrja e duhur nga Presidenti I trupave amerikane dhe theksoj se duhet punuar me aleancën e NATO-s, veçanërisht kur jemi drejt një bote bipolare, Amerikës dhe Kinës, dhe mendoj se është shumë e rëndësishme të vëzhgohen disa aktivitete të Rusisë gjithashtu shqetësimet dhe kërcënime të tjera në detin Mesdhe, dhe në të tjera pjesë të Lindjes së Mesme”, u shpreh Mediu.

Gjenerali Robert Willer, Asistent i Sekretarit Amerikan të Mbrojtjes përgëzoi zotin Mediu për çështjet e ngritura dhe shtoi se largimi i të rinjve nga Ballkani lidhet posaçërisht me faktin se qeveritë po anojnë më shumë drejt një qeverisje të ngushtë autokratike. “Unë mendoj se 5G përshtatet në të dy ato diskutime drejtpërdrejt. Nëse mendoni për 4G-në dhe 3G-në ato kanë qenë thjeshtë një ndërmarrje telefonike komerciale ku është thjesht më e lehtë të flasësh me njerëzit, por kur fillon të shkosh në 5G-në, ajo me të vërtetë luan dhe bëhet një infrastrukturë kritike për qeveritë, për ushtritë dhe për biznesin e madh në atë fushë të veçantë, dhe të them të drejtën, sot  është telefoni, ose pajisja të tjera elektronike mjeti komunikues që i lidh vërtet të rinjtë së bashku ditë e sotme”.

“Ne duhet të vendosim përparësitë tona në vendin e duhur, nga ku fillon gjithçka, nga perspektiva evropiane dhe si një vend evropian. Nuk ka dyshim që stabiliteti pa demokraci nuk mund të ekzistojë, demokracia pa zgjedhje të lira dhe të ndershme ku njerëzit nuk mund të kenë zërin e tyre dhe të vendosin që votat e tyre nuk mund të ekzistojnë. Pra, ne duhet të shkojmë drejt mënyrës së duhur në ndërtimin e kombit tonë dhe të ardhmes sonë Evropiane, në mënyrë që t’u japim njerëzve një shans për zgjedhje të lira dhe të ndershme. Ata që përpiqen të kontrollojnë votat dhe jetën e njerëzve të tyre janë ata që janë kundër popullit të tyre dhe janë vetëm për veten dhe interesin e tyre, janë armiq të demokracisë”, u shpreh kreu repoublikan.

 

Leave a Reply

Your email address will not be published. Required fields are marked *

Rita Ora nis hetimin: ‘Kush më spiunoi për festën e ditëlindjes? 0 6

Rita Ora ka nisur një hetim për të zbuluar se kush e spiunoi për festën e saj të 30-vjetorit të ditëlindjes.

Sipas Daily Mail, këngëtarja dyshon se një nga miqtë e saj informoi shtypin dhe policinë për grumbullimin e saj të paligjshëm në restorantin ‘Casa Cruz’ në lagjen Notting Hill të Londrës, të shtunën, ndërsa Mbretëria e Bashkuar ishte në izolim.

Ylli i muzikës pop tashmë ka rënë dakord të paguajë një gjobë prej 10,000 funtesh dhe të kërkojë ndjesë të madhe për thyerjen e rregullave anticovid në organizimin e një eventi me një grup të madh njerëzish.

Kensington dhe Këshilli i Chelsea-t kanë konfirmuar gjithashtu se po hetojnë shkeljen e pretenduar.

“Ajo tani po harton një plan loje dhe po vendos kurthe në një përpjekje për të ekspozuar sinjalizuesin, siç bëri Coleen në dramën ‘Wagatha Christie’”, tregoi një burim i besueshëm sipas medias së huaj.

Fillimisht festa e Ritës u raportua se përfshinte 30 persona, por burimet më vonë e theksuan atë si një mbrëmje me vetëm rreth shtatë persona.

Cara dhe Poppy Delevingne si dhe ylli i Revistës “TOWIE”, Vas Morgan, 31 vjeç dhe motra e Ritës, Elena, 32 vjeç, ishin të gjithë në foto të festës. Gjatë natës, oficerët e policisë u fotografuan jashtë në restorant ndërsa hidhnin sytë në dritare dhe përpiqeshin të hapnin një derë metalike.

Oficerët u panë gjithashtu jashtë shtëpisë së Rita Orës në Londër dhe restorantin ‘Casa Cruz’ të nesërmen. Ajo kërkoi falje përmes një shkrimi në Instagram, për thyerjen e rregullave të pandemisë.

ri3.jpg

Fotoja prekëse që bën xhiron e rrjeteve, mjeku përqafon pacientin e moshuar me Covid 0 6

Ka bërë xhiron e rrjeteve fotoja ku shihet një mjek nga Teksasi, i ndodhur prej kohësh në vijën e parë të frontit kundër pandemisë, teksa përqafon në ditën e Falënderimeve një pacient të moshuar me Covid 19.

Dr. Joseph Varon, shefi  i United Memorial Medical Center në Houston, i tha CNN se kishte punuar 256 ditë pa ndalim deri tani dhe është i frustruar nga numri i lartë i njerëzve të shtruar në spital.

Ai ka shpjeguar edhe foton prekëse ku shihet duke përqafuar një të moshuar, teksa tha se pacientët po vuajn edhe nga virusi dhe nga izolimi.

“Ndërsa po hyj brenda njësisë time, unë pash që një pacient i moshuar po përpiqej të dalë nga dhoma dhe po qante. Kështu që, i afrohem dhe i them ‘pse po qan’ dhe burri thotë, ‘Unë dua të jem me gruan time’.  Kështu që, unë vetëm e kapa, e mbaj, e përqafova dhe nuk e dija se po fotografohesha në atë kohë,” ka shpejguar mjeku.

Ndër të tjera mjeku i ka bërë thirrje të gjithë qytetarëve që të ndihmojnë në parandalimin e përhahapjes së koronavirusit, duke respektuar rregullat anti-Covid.