Përsëritet finalja e 2020, Bayern Munich-Paris SG, në lojë edhe roli i favoritit në Champions 0 13

Champiosn League sjell mbrëmjen e sotme një tjetër finale të parakohshme. Kampionët në fuqi të Bayern Munich do të presin në shtëpinë e tyre Paris SG për sfidën e parë çerekfinale. Misioni I bavarezëve për mbrojtjen e trofeut është vështirësuar për shkak të mungesave të rëndësishme. Lewandowski duhet të qëndrojë ende jashtë pas dëmtimit me kombëtaren, ndërsa Covid-19 dëtyron Hansi Flick të bëjë llogaritë edhe pa sulmuesin tjetër titullar Serge Gnabry.


“Është një ndeshje e re, ndryshe nga finalja e shkuar. Paris SG ka një skuadër të re dhe një tjetër trajner. Ata kanë një skuadër të fortë në mbrojtje dhe në sulm. Duhet të bllokojmë shpejt pasimet e tyre dhe kjo kërkon presing të lartë”, ka thënë trajneri bavarez, duke kujtuar edhe finalen e fituar nga skuadra e tij vitin e shkuar. Pikërisht, për atë sfidë të humbur parizienët kërkojnë të marrin revanshin dhe nëse kalojnë Bayern Munich në çerekfinale forcojnë pozitat e tyre si favoritë. Këtë e di mirë Maurizio Pocchettino që nuk e fsheh ambizien e skuadrës së tij.

Gjithçka është e mundur në 180 minuta. Bajerni është një nga skuadrat më të mira të botës. Janë kampionët në fuqi, por ne duam të fitojmë Ligën e Kampioneve”, është shprehur tekniku i Paris SG, që gjithashtu udhëtoi drejt Mynihut me shumë mungesa. Lojtarë si Verrati, Icardi, Florenzi dhe Paredes nuk do të jenë të gatshëm për këtë sfidë.

Leave a Reply

Your email address will not be published. Required fields are marked *

Prokuroria e Kukësit shpall në kërkim ndërkombëtar Fjolla Morinën 0 1

Prokuroria pranë Gjykatës së Shkallës së Parë në Kukës ka bërë kërkesë për shpalljen në kërkim ndërkombëtar për këngëtaren nga Kosova Fjolla Morina, e dënuar me 25 mars nga Gjykata e Shkallës së Parë në Kukës me 6 vjet burgim për “trafik të armëve dhe municionit”.

Morina, e cila u largua në fillim të këtij viti nga banesa në Kukës ku qëndronte në arrest shtëpie, ka qenë në kërkim vetëm në Shqipëri. Kërkesa bashkë me materialin përkatës është nisur të martën në drejtim të Prokurorisë Përgjithshme dhe është firmosur nga prokurori Edmond Karriqi. Prokuroria e Përgjithshme është ajo që vendos nëse kërkesa do të miratohet.

Nuk është e qartë nëse Morina do të shpallet në kërkim ndërkombëtar pa mbaruar gjykimi i saj në Apel. Morina u dënua në 25 mars nga Gjykata e Kukësit me 9 vite burgim, që pas zbritjes së 1/3 prej gjykimit të shkurtuar u bënë 6 vjet. Prokuroria kishte kërkuar vetëm 7 vjet për Morinën, por gjykata u tregua më e ashpër. Gjykata më herët ndryshoi edhe klasifikimin e veprës penale nga armëmbajtje pa leje në trafikim të armëve që e rëndoi pozitën e këngëtares.

E pyetur nga BIRN mbi shpalljen në kërkim avokatja e këngëtares Aurora Guska i tha BIRN se kërkesa e prokurorisë nuk mund të kundërshtohej dhe se ishte e drejtë e atij institucioni ta bënte. Ajo tha se kërkesa duhej të ishte sekrete. Por Guska pretendon se klientja e saj është e pafajshme për akuzën për të cilën është dënuar dhe kërkon në Apel që dënimi ndaj saj të zbutet.

Super League mund të dështojë pa nisur 0 1

Po sikur Super League të dështojë ende pa nisur? Ky skenar i bujshëm vjen në faqet e prestigjozes “Times”, që minon siguritë e ideatorëve dhe themeluesëve kryesorë të turneut, që ka tronditur nga themelet futbollin europian. Duke qëndruar në atë që rsporton e përditëshmja angleze, një prej gjashtë klubeve të Premier League po mendon seriozisht të tërhiqet nga projekti.

Pa përmendur emrin, “Times” bën të ditur se prej ditësh së djeshme po zhvillohen bledhje të vazhdueshme për të vendosur hapat që do të merren më pas. Gazeta citon burime të saj të mirë informuara. Sipas tyre, drejtuesit e klubit janë të shqetësuar nga reagimet e ashpra që pasuan njoftimin për krijimin e Super League. Shqetësimi më i madh vjen pas kundërshtimeve të tifozëve që nuk e kanë pritur aspak mirë këtë vendim. Në këtë mënyrë, sipas “Times” ky projekt mund të dështojë që në fillim.