Përfundon takimi i Ramës me naftëtarët e Ballshit, Dautaj: Nuk dolëm të kënaqur, ja çfarë na ofroi! 0 26

Ka përfunduar pas më shumë se 1 orë bisedime takimi mes kryeministrit Rama dhe naftëtarëve grevistë në rafinerinë e naftës, në Ballsh.

Sokol Dautaj, kreu i Sindikatës së Naftëtarëve tha se kryeministri ka bërë ofertën e tij, e cila nuk i kënaq pritshmëritë e naftëtarëve, që presin pagat të cilat i kanë fituar me vendim gjykate.

Ai tha propozimin e kryeministrit do ta diskutojë me të gjithë naftëtarët, ndërsa vendimi do të jetë i përbashkët.

“Nga ajo që diskutuam me kryeministrin ideja është për dhënien e një page të vetme të ndërmjetme mes asaj që marrim, pra një pagë të përafërt. Nuk kemi te dalë të kënaqur, ne do ja lëmë kohës vendimin.

Na tha se do sjellë një kompani serioze në rafineri dhe dhënia e një page të përafërt me tonën.

Pra, shteti merr përsipër rivënien në punë të rafinerisë dhe 1 pagë. Nëse naftëtarët duan të hyjnë sërish në grevë vendimi është i tyre”,- tha Dautaj. /B.W

Leave a Reply

Your email address will not be published. Required fields are marked *

Tërmeti tragjik/ Varhelyi publikon pamjet e trishta nën rrënoja: BE vazhdon të jetë pranë Shqipërisë, rindërtimi transparent 0 9

Komisioneri për Zgjerim, Oliver Varhelyi, jep një mesazh në 1-vjetorin e tërmetit tragjik që tronditi Shqipërinë, teksa publikon publikon pamje të trishta nga rrënojat dhe ekipet e kërkim-shpëtimit.

Varhelyi shkruan se edhe pas një viti Bashkimi Evropian vijon të qëndrojë pranë Shqipërisë, duke ndihmuar në rindërtimin e shkollave dhe vendeve të trashëgimisë kulturore, të dëmtuara nga tërmeti me magnitudë 6.4 të shkallës rihter.

“Një vit pas tërmetit shkatërrues në nëntor 2019 në Shqipëri dhe pas solidaritetit të madh të treguar në Konferencën e Donatorëve të organizuar nga Komisioni Evropian në shkurt, Bashkimi Evropian vazhdon të qëndrojë pranë Shqipërisë, për të rindërtuar shkollat dhe vendet e trashëgimisë kulturore. E rëndësishme është që rindërtimi pas tërmetit ndjek parimet e përgjegjësisë, transparencës dhe ndërtimit më të mirë”, thekson komisioneri.

 

(BalkanWeb)

Kiara e bëri zgjedhjen e saj “Liqeni i Butrintit apo i Ohrit”? cfarë nënkuptoi ajo me përgjigjen e saj ?! 0 14

Moderatorja Kiara Tito ishte një ndër të ftuarat e të shtunës që lamë pas në emisionin e Luana Vjollcës, “Shiko Kush Luan”.

Ashtu siç dihet tashmë, secili prej të ftuarve merr pjesë në afterparty-n pas emisionit, ku përballet me pyetje pikante të cilave duhet t’i përgjigjet.

Kësaj here, pyetjet Kiarës ia bëri mikesha e saj e ngushtë, moderatorja Liesa Haxhiasllani.

Kiara s’mund t’i shpëtonte kurrësesi një pyetjeje lidhur me këngëtarin Butrint Imeri, me të cilin është përfolur aq shumë për një lidhje por nuk e ka pranuar kurrë.

Në fakt, pyetja që iu bë ishte me spec, pasi Kiara u vu përballë zgjedhjes:

“Më i bukur liqeni i Butrintit apo i Ohrit?”

“Të dy të bukur janë”- u përgjigj ajo, por e pyetur se ku ka kaluar më mirë, ajo theksoi atë të Ohrit.

Me këtë përgjigje, moderatorja nënkuptoi edhe një mesazh për të gjithë kuriozët, duke lënë të kuptohet se Butrinti është “e shkuar e harruar”, të cilën s’preferon ta rikthejë më në jetën e saj, pasi nuk ka kaluar “edhe aq mirë”.