Për herë të parë një grua, kush është emri që pritet të jetë në krye të Pentagonit 0 43

Joe Biden pritet të ndërmarrë një hap historik, dhe për herë të parë të zgjedhë një femër në krye të Pentagonit, duke thyer kështu një nga barrierat e rralla të mbetura për gratë në qeveri, shkruan Associated Press.

Siç raporton kjo agjenci, zyrtarët amerikanë dhe figurat kyçe të fushës së sigurisë konsiderojnë që Michele Flournoy, veterane e Pentagonit, si zgjidhje e duhur për këtë post.

E cilësuar si një “dorë stabile që favorizon bashkëpunimin e fuqishëm ushtarak jashtë vendit”, 59-vjeçarja Flournoy ka shërbyer shumë herë në Petangon, duke filluar gjatë viteve të 90-ta, e qëndrimet e saj sigurisht se do t’i siguronin përkrahjen nga të dyja palët për këtë post që kërkon miratimin edhe në Senat.

28 burrat që më parë shërbyen në këtë post nga viti 1947, përfshirë edhe treshen në administratën e Trumpit, kanë qenë veteranë ushtarakë. Por, Flournoy nuk ka shërbyer në ushtri.

Në dallim nga kolegët e saj që shërbyen në këtë post, Flournoy e sheh Kinën si sfidën më afatgjate në skenën ndërkombëtare.

Në korrik ajo tha se Shtetet e Bashkuara po e humbin përparësinë që e kanë ndaj konkurrentëve siç është Kina, sa i përket zhvillimit të teknologjisë ushtarake, ku sipas saj ky trend duhet të jetë prioritet i Pentagonit.

Megjithatë ajo është kundër largimit nga Lindja e Mesme dhe për këtë mbështet idenë “e prezencës së vazhdueshme por në volum më të vogël”. Ka mbështetur kufizimin e rolit në Afganistan duke u fokusuar më shumë në luftën kundër terrorizmit.

Trump kishte këmbëngulur vazhdimisht për tërheqjen e plotë të trupave ushtarake amerikane nga Afganistani, por deri më tani Pentagoni nuk ka marrë ndonjë urdhër për ta bërë një gjë të tillë.

Sa i përket Koresë së Veriut, ka thënë se forumin e tetorit se edhe pse arsenali bërthamor duhet të jetë qëllimi kryesor, ajo e ka të vështirë ta mendoj se si Kim Jong-un mund të pajtohet aq lehtë të heq dorë nga armët bërthamore, që i konsideron edhe si “biletë për mbijetesë”.

E kur është në pyetje Irani, Flournoy mbron qasjen e “rishikimit” të Republikës Islamike duke thyer modelin e njohur të dërgimit të sa më shumë forcave amerikane në Gjirin Persik si kundërpërgjigje ndaj provokimeve nga ana e Iranit, siç edhe bëri administrata Trump në maj të vitit të kaluar që u quajt si kërcënim i interesave të Shteteve të Bashkuara në rajon. /Albeu.com #albaniareport_al

Leave a Reply

Your email address will not be published. Required fields are marked *

Policia në kërkim të modeles ruse që filmoi porno në malin e shenjtë Batur 0 18

Policia indoneziane në Bali ka shpallur në kërkim një modele 22-vjeçare ruse që është bërë e famshme pasi filmoi një video ‘për të rritur’ në Malin Batur, vullkani i shenjtë në ishullin indonezian të zotave.

Autoritetet u zemëruan pasi pamjet “imorale” ishin shikuar më shumë se 1.2 milionë herë para se të hiqeshin nga rrjeti.

Ndërsa modelja që njihet në rrjete të ndryshme me emrin Veronika Troshina, kishte zgjedhur enkas malin e shenjtë për videon pornografike, të cilën e kishte xhiruar me një partner mashkull. Zhvillimi ka shkaktuar zemërim të gjerë në ishullin e Bali, që është një destinacion i njohur për turistët rusë.

Klipi ishte postuar në rrjetin PornHub, por është hequr tashmë pas ankesës së autoriteteve. Nëse Troshina dhe partneri i saj ndodhen ende në ishull, ata përballen deri me dy vjet burgim për sjellje imorale në publik.

Tashmë dhe llogaria e Troshina në Instagram është bllokuar. Por ajo ka rreth 259,500 ndjekës në rrjetin TikTok dhe 552,000 të abonuar në rrjetin PornHub.

Shkelje nga turistë të pakujdesshëm ndodhin shpesh në Bali. Në fillim të vitit, një tjetër influencues në rrjetet sociale ruse, Sergey Kosenko, u dënua nga ishulli për shkelje të rregullave anti-covid.

“Në pritje të dy mandateve të tjera”, PS apel komisionerëve të saj: Mos tjetërsoni votat për kandidatët, në rast shkelje do të konsiderohet krim zgjedhor! 0 12

Partia Socialiste nëpërmjet kandidates së saj për deputete, Bora Muzhaqit, foli mbi rezultatin aktual të dalë nga procesi i numërimit në vend. Muzhaqi theksoi se procesi është ende i pambyllur në Qarkun e Durrësit dhe të Tiranës dhe pritet sipas saj, që Partia Socialiste të sigurojë edhe dy mandate të tjera, krahas këtyre të siguruara.

Në emër të Partisë Socialiste dhe kryetarit të saj Edi Rama, Muzhaqi i bëri thirrje numëruesve që të tregohen të kujdesshëm dhe të mos tjetërsojnë asnjë votë brenda Partisë Politike, sa i përket numërimit që do të vijojë për kandiadtët preferencialë.

Fitorja e PS është historike, për familjen tonë të madhe politike për të cilën jemi krenarë të gjithë. Kjo fitore e qartë dhe e thellë duhet të shkëlqejë plotësisht edhe në procesin e numërimit, që është thuajse i mbyllur. Presim rezultatin përfundimtar në Durrës dhe Tiranë, ku besojmë që do të kemi mundësi reale për dy madate të tjera. Përtej numërimit përfundimtar të mandateve është koha për t’u angazhuar, në numërimin e votave për kandidatët. Vullneti i shqiptarëve i fshehur përmes votës, duhet respektuar deri në fund me të gjithë shenjtësinë e vet.

Asnjë votë e asnjë kandidati, qoftë socialist dhe demokrat, nuk do të lejohet të tjetërsohet. Në emër të PS dhe kryetarit Edi Rama duhet të bëjë të qartë:

Faleminderit me respekt për të gjithë numëruesit e këtij procesi për demokracinë dhe angtazhimin e deritanishëm. Së dyti falenderim për numëruesit socialiste, që pa u lodhur kanë punuar me respekt të qytetarëve deri më tani. Pa vënë në dyshim integritetin e përkushtimin e numëruesve, çdo çedim, që shkakton tjetërsimin e votës ose kalimin e saj nga një kandidat në tjetrin brenda listës së një partie, është krim zgjedhor.

Nuk do të tolerohen grupe numëruesish që me gjasa do të shkelin ligjin dhe do të bëhen bashkëpunëtorë në një krim të tillë. Ky proces është i Shqipërisë, i shqiptarëve. Ne kemi besim se numëruesit janë në lartësinë e kësaj prove me një proces që i ka zbardhur faqen Shqipërisë. Forca, durim, korrektesë deri në fund”, tha Muzhaqi.