Paloka me banorët e përmbytur në Shijak: Rilindasit mendojnë për xhepat e tyre e jo për qytetarët 0 28

Nënkryetari i PD-së Edi Paloka, zhvilloi sot një takim me banorët e përmbytur në Shijak. Paloka bëri përgjegjës për këtë situatë Qeverinë dhe Bashkinë në Shijak, ndërsa u shpreh se rilindasit mendojnë për xhepat e tyre e jo për qytetarët.

“Nje situate e veshtire si pasoje e permbytjeve edhe ne Shijak! Si per ironi pikerisht perballe godines se bashkise dhe rrotull saj jane dhjetra banesa qe ju ka vajtur uji edhe mbi nje meter ne shtepia e biznese. Edhe ketu banoret e drejtojne gishtin nga pushtetaret qe jo vetem jane direkt pergjegjes per kete situate qe ka filluar vitet e fundit, po as nuk pranojne te ndihmojne e demshperblejne bizneset dhe familjet qe kane pesuar deme te medha.

Vete bashkia eshte pergjegjese direkt per permbytjet ne kete zone, pasi sic thone banoret, ka mbushur me inerte lumin Erzen pikerisht tek kembet e ures ne hyrje te qytetit, per te ndertuar parkim per makinat e zyrtareve te bashkise…!

Si kudo “rilindasit” kujdesen vetem cfare do fusin ne xhepat e tyre, po nuk ju hyn fare ne xhep ne se qytetaret kane probleme apo jo.” -tha Paloka.

 

 

 

 

 

 

 

 

 

(BalkanWeb)

 

 

 

 

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 7

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 4

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.