Na falni që s’ju lemë më dot Gjyqtar e Prokuror, mund të bëheni AVOKAT ? 0 141

Ndërsa procesi i vetingut ka nisur një sër problemesh kanë dalë në pah. Shumë gjyqtarë e prokurorë kanë mbetur brenda kusisë së çorbës të gatuar ndër vitesh për të mos dalë më kurrë në sheshin e drejtësisë, e për rrjedhojë s’ka kush vendos drejtësi.

Por a mund të vendos drejtësi dikush që e ka vjedhur atë?

Dikush që ka marrë në qafë dikë tjetër dhe kjo vetëm e vetëm sepse ka dashur të hajë si i babëzitur pa menduar një moment të vetëm për drejtësinë nën petkun e së cilës thotë se ka vepruar?
A mund të vendoset drejtësia nga “Të Padrejtët”? Dhe nëse kjo drejtësi nuk vendoset prej këtyre të fundit, ç’do bëhet me drejtësinë e vonuar? Apo mos, ajo (drejtësia), është vonuar deri tani pikërisht nga këta gjyqtarë e prokurorë me lloj soj mënyrash me qëllimin e vetëm për të marrë “pjesën” më të madhe? E pra, sakrifikimi edhe pak kohë për “ditën e madhe” do i jap një shpresë drejtësisë dhe besimit se ajo mund të vendoset, por kurrësesi dyshimi për drejtësinë dhe ndershmërinë e gjyqtarëve dhe prokurorëve të pagjykuar nuk mund të sigurojë dhe garantojë shpejtësinë dhe vendosjen e drejtësisë.

Por nëse ka një fije shprese për drejtësi për çështjet në proces të qytetarëve që janë ende pa një vendim gjyqësor, një tjetër problem lind me vendimet e dhëna nga gjyqtarët e prokurorët që kanë mbetur të mbyllur në kusinë e çorbës, vendime mbi të cilat janë bazuar ose mund të bazohen gjyqtarë e prokurorë “Të Drejtë”, ose ata që ende nuk janë gjykuar. Qarkullojnë thashetheme se situata është përkeqësuar dhe se oreksi për të ngrenë nga çorba e kusisë është rritur për gjyqtarët dhe prokurorët e pagjykuar si e vetmja mundësi për të përfituar atë që ka mbetur.
Kjo padyshim rrit rrezikun se vendimet e padrejta të të gjykuarve si “Të Padrejtë” do përdoren nga një pjesë e të pagjykuarve si mjet për të kërkuar nga të pushtetshëmit (me “fytyrën” joshëse të parasë) më shumë çorbë nëse do të dëshironin një vendim të dytë në favor të tyre. Në këtë mënyrë edhe pse të larguar nga sheshi i drejtësisë, bëmat e të gjykuarve si “Të Padrejtë” do vijojnë të lartësohen nga një pjesë e gjyqtarëve dhe prokurorëve të pagjykuar, në kuriz të të pafatëve dhe si gjithmonë në favor të të pushtetshëmve. Kjo alenacë mund të rritet edhe më shumë për interesa të së ardhëmes, pasi aty ku mendohet që këta gjyqtarë e prokurorë do mbeten jashtë sheshit të drejtësisë të paktën për 15 vjet, disa skuta të errëta kanë filluar të shfaqin krye.

Një shpikje e re mund t’i quaj “ profesionist të lirë ” dhe ku tjetër veçëse “në drejtësi” !? Nuk mund të mendohet të lesh pa punë e profesion këta njerëz, por meqenëse s’ju lemë dot gjyqtar e prokuror, të paktën a mund të bëheni AVOKAT?

Në mejdan do të lulëzojnë kështu zyrat ligjore më me emër me ish gjyqtarë e prokurorë, që për më tepër, të mbarojnë punë shpejt e shpejt dhe në mënyrë profesionale. E meqenëse kanë gatuar e kanë ngrenë çorbë tërë kohës këtë do synojnë të bëjnë përsëri, në veçanti, vendimet që kanë dhënë vetë do përdoren si mburojë dhe precedent gjyqësor” për të mbrojtur dhe fituar çështjet e së ardhëmes. Mund të thotë dikush se kështu “kontaminohet” prap sistemi, por kjo sërisht s’do jetë problem sepse Shqipëria tashmë do jetë vend i “eksperiencave dhe mundësive të mëdha” për vetingje dhe profesione.

Një opinion nga Av. Emiljano Gjoza.

Leave a Reply

Your email address will not be published. Required fields are marked *

Fotoja prekëse që bën xhiron e rrjeteve, mjeku përqafon pacientin e moshuar me Covid 0 5

Ka bërë xhiron e rrjeteve fotoja ku shihet një mjek nga Teksasi, i ndodhur prej kohësh në vijën e parë të frontit kundër pandemisë, teksa përqafon në ditën e Falënderimeve një pacient të moshuar me Covid 19.

Dr. Joseph Varon, shefi  i United Memorial Medical Center në Houston, i tha CNN se kishte punuar 256 ditë pa ndalim deri tani dhe është i frustruar nga numri i lartë i njerëzve të shtruar në spital.

Ai ka shpjeguar edhe foton prekëse ku shihet duke përqafuar një të moshuar, teksa tha se pacientët po vuajn edhe nga virusi dhe nga izolimi.

“Ndërsa po hyj brenda njësisë time, unë pash që një pacient i moshuar po përpiqej të dalë nga dhoma dhe po qante. Kështu që, i afrohem dhe i them ‘pse po qan’ dhe burri thotë, ‘Unë dua të jem me gruan time’.  Kështu që, unë vetëm e kapa, e mbaj, e përqafova dhe nuk e dija se po fotografohesha në atë kohë,” ka shpejguar mjeku.

Ndër të tjera mjeku i ka bërë thirrje të gjithë qytetarëve që të ndihmojnë në parandalimin e përhahapjes së koronavirusit, duke respektuar rregullat anti-Covid.

0 4

Komisioni i Jashtëm i Parlamentit Europian ka publikuar një draft raport mbi zhvillimet në Shqipëri.Në këtë draft raport nxiten liderët politikë në Shqipëri të krijojnë një klimë besimi.

“Theksohet nevoja për përmirësim të klimës të funksionimit të shoqërisë civile dhe nxit autoritetet të garantojnë konsultim të duhur dhe gjithëpërfshirës dhe të rrisë qëndrueshmërimë financiare të sektorit jo qeveritar”.

Në të theksohet se zgjedhjet e 25 prillit 2021 do të jenë thelbësore. “Me rëndësi mbetet zbatimi i masave të reformës zgjedhore”,- theksohet në draft raport.

Drafti do t’i nënshtrohet debatit në Komisioinin e Jashtëm dhe në mars 2021 parashikohet të votohet në plenare.

A. Shqipëria ka vazhduar të bëjë përpjekje të vazhdueshme në rrugën e saj drejt BE-së, duke përmbushur kushtet për mbajtjen e konferencës së parë ndërqeveritare;
B. Duhet pasur parasysh se vendi duhet të vazhdojë të bëjë përparim në konsolidimin e institucioneve dhe procedurave demokratike, në sigurimin e funksionimit të duhur të institucioneve të tij gjyqësore dhe në mbrojtjen e lirisë së medias dhe të drejtave të pakicave;
C. Duhet pasur parasysh se përpjekjet e vazhdueshme për reformat kryesore kërkojnë angazhimin e përbashkët të të gjithë aktorëve;
D. ndërsa Komisioni paraqiti një draft kornizë negociuese në 1 Korrik 2020;
1. Mirëpresim orientimin dhe angazhimin e qartë strategjik të Shqipërisë për integrimin evropian, që manifestohen në marrëdhëniet e fqinjësisë së mirë dhe zbatimin e vazhdueshëm të reformave të lidhura me anëtarësimin;
2. Mbështesim thirrjen e konferencës së parë ndërqeveritare pa vonesa të mëtejshme, pas miratimit të kornizës negociuese nga Këshilli;
3. Kujtojmë se progresi në anëtarësim sipas metodologjisë së rishikuar të zgjerimit varet nga reforma të qëndrueshme, të thella dhe të pakthyeshme në të gjitha fushat themelore, në veçanti nga sundimi i ligjit dhe lufta kundër korrupsionit;
4. Nxisim autoritetet të shtojnë përpjekjet e tyre për të forcuar dialogun politik dhe funksionimin e institucioneve demokratike të vendit, duke përmirësuar klimën për pluralizmin e mediave dhe shoqërinë civile/BW