Mjeku largohet nga takimi me ministren? Kolegia shpjegon situaten 0 79

Në një takim të zhvilluar mes mjekëve të Infektivit, ministres së Shëndetësisë, Ogerta Manastirliu dhe kreut të OBSH-së në Europë, Hans Kluge, duket se ka ndodhur një situatë e çuditshme.

Teksa ministrja ka mbajtur fjalën e saj, shfaqet mjeku, Dhimitër Kraja, i cili ka tentuar të largohet nga takimi për t’u futur në ambientet e spitalit.

Ai është ndaluar nga mjekja, Ariana Strakosha, e cila e kap nga krahu për ta kthyer sërish në takim. Mjeku më pas nuk largohet por qëndron në rresht të dytë.

Ndërkohë pas kësaj situate, vetë mjekja ka reaguar në rrjetet sociale duke deklaruar se e ka tërhequr mjekun, Dhimitër Kraja, në shenjë respekti për shkak se ai zgjedh të rrijë në vend të dytë prej modestisë.

“E dimë të gjithë modestinë e të mrekullueshmit profesor Lulit që edhe pse është punëshumë, zgjedh gjithmonë të qëndrojë në rresht të dytë. E unë duke e ditur se ku e meriton të jetë i thashë të dilte në radhë të parë. Kaq ka qenë, shenjë respekti të nderuar zotërinj që sajoni lajme, shenjë respekti”, shkruan ajo./ Opinion.al

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 8

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 5

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.