Londër, Mbyllen kufijtë për udhëtarët që vijnë nga Danimarka për shkak të COVID-19 0 56

Udhëtarët që mbërrijnë nga Danimarka, me përjashtim të britanikëve, apo rezidentët e përhershëm, do të ndalohen të hyjnë në Britaninë e Madhe, njoftoi sot Ministria e Transporteve, pas zbulimit në këtë vend të një mutacioni problematik që vjen nga kastorët.

“Të gjithë udhëtarët jo britanikë apo rezidentë të përhershëm që kanë qenë në Danimarkë apo kanë kaluar tranzit gjatë 14 ditëve të fundit do t’u refuzohet hyrja nga forcat kufitare pas mbërritjes së tyre duke nisur nga sot në roën 04:00 GMT”, theksoi ministria në një komunikatë.

Ky vendim, i marrë me urgjencë, u mor pas publikimit të informacioneve nga autoritetet shëndetësore daneze duke sinjalizuar një shpërthim të përgjithësuar të rasteve të koronavirusit në fermat e kastorëve, bazuar në zbulimin e një mutacioni nga virusi që po përhapet në disa komunitetet lokale.

Danimarka ngjalli shqetësim duke njoftuar vrasjen masive të të gjithë kastorëve në mbretëri, 15 deri në 17 milionë krerë, pas zbulimit të një mutacioni të transmetueshëm te njerëzit, tashmë zbuluar në dymbëdhjetë persona.//ATSH /B.W

Leave a Reply

Your email address will not be published. Required fields are marked *

Instagram shton opsionin e përzgjedhjes së përemrit: Jemi të hapur për reagime nga komuniteti ynë 0 7

Përdoruesit e “Instagram” tani mund të shfaqin përemrin me të cilin duan të referohen, pavarësisht nga gjinia e tyre e lindjes, një trend që po fiton terren në SHBA midis qarqeve progresive.

“Shtoni përemra në profilin tuaj”, shkroi në Twitter aplikacioni i ndarjes së fotografive dhe videove, i përdorur nga më shumë se një miliard persona në të gjithë botën.

Fusha e re që duhet të plotësohet (pas emrit dhe para pseudonimit dhe biografisë) është fakultative dhe përdoruesi mund të vendosë nëse përemrat personalë të shfaqen në profilin e tij publik ose vetëm për pajtimtarët e tij.

Gjithnjë e më shumë aplikacione po e ofrojnë këtë mundësi, për hir të gjithëpërfshirjes.
“Ndarja e përemrit tuaj është miratuar gjerësisht nga përdoruesit tanë dhe me këtë mjet ne shpresojmë që ta standardizojmë më tej këtë praktikë”, tha një zëdhënës i Facebook, që zotëron platformën popullore.

“Ne kemi një numër përemrash në dispozicion dhe jemi të hapur për reagime nga komuniteti ynë nëse kemi harruar ndonjë që duhet të përfshihet”, shtoi ai. Rrjeti social tregoi, gjithashtu, se opsioni do të shtrihej edhe në vendet e tjera.

“Është në dëm të mjedisit”, Elon Musk bën njoftimin: Makinat e Tesla-s nuk mund të blihen me Bitcoin 0 12

 

Kompania e makinave elektrike Tesla, ka pezulluar blerjen e automjeteve të tyre, përmes parasë elektronike Bitcoin.

Lajmi është bërë i ditur nga themeluesi i kompanisë, Elon Musk. Në një postim në rrjetin social “Tëitter”, ai thotë se mbetet shqetësuese rritja e shpejtë e përdorimit të Bitcoin, e këtë e arsyeton si një dëm për mjedisin.

“Ne jemi të shqetësuar rreth rritjes së shpejtë të përdorimit të lëndës djegëse fosile për rrjetin dhe transaksionet Bitcoin, veçanërisht qymyri i cili ka emetimet më të këqija se çdo lëndë djegëse tjetër.

Kriptomonedhat janë një ide e mirë në shumë nivele dhe në besojmë se ai ka një të ardhme premtuese, por kjo nuk mund të vijë si një kosto e madhe për mjedisin”- shkroi Musk.