Liverpool luan ‘tenis’ në Londër, fiton 7-0 ndaj Crystal Palace 0 24

Liverpool ka prodhuar një rezultat tenistik këtë të shtunë në Londër pasi ka mposhtur 7-0 Crystal Palace.

Të besuarit e Klopp duket se kanë marrë zemër pas mesjavës kur arritën të rimarrin kreun e renditjes në Premier League dhe viktimë e tyre ka rënë ekipi modest londinez.

Në festivalin e golave morën pjesë Salah, Firmino, Henderson, Minamino apo Mane. Përkohësisht me këtë fitore Liverpool lundron në ujëra të qeta me 31 pikë dhe në vend të parë në Premier League, teksa duket sikur kjo fitore tenistike shlyen humbjen turpëruese të dy muajve më parë 7-2 ndaj Aston Villa./balkanweb

Leave a Reply

Your email address will not be published. Required fields are marked *

VIDEO/ Ronaldo futbollisti i shekullit, Lewandowski sulmuesi i vitit, vlerësohet edhe Pep Guardiola 0 22

Në Dubai, në një ceremoni madhështore, u vlerësuan personazhet më të mirë të vitit por për herë të parë u vlerësuan me një trofe të veçantë edhe futbollisti dhe trajneri më i mirë i shekullit të fundit. Nëse për më të mirët e vitit kishte pak dilema, interesimi ishte i madh për të kuptuar se kush do të triumfonte në kategorinë e më të mirëve të shekullit.

Cristiano Ronaldo u shpall me i miri i shekullit duke lënë pas rivalin e tij të përjetshëm, Leo Messi. Në të njëjtën kategori, atë të trajnerit më të mirë të shekullit, fitues nga “Globe Soccer Awards” u shpall Pep Guardiola. Me çmimin e karrierës u vlerësuan Pique dhe Casillas. Lojtari më i mirë i vit u shpallet Robert Lewandowski ndërsa trajneri më i mirë i viti Hansi Flick. Në një vit ku Bayern Munich fitoi gjithçka klubi gjerman u shpall si klubi më i mirë i vitit. Me një trofe u vlerësuar dhe Jorge Mendes si agjenti më i mirë i vitit.

 

 

(BalkanWeb)

Messi parakalon Pele, “pleshti” i “uritur”: Do provojmë të fitojmë gjithçka 0 26

Si rrallë herë këtë sezon në La Liga, Barcelona zhvilloi një ndeshje perfekte përballë Valladolid, një fitore e pastër 0-3 në transfertë që rikthen blaugranët në garë, pavarësisht se kreu mbetet ende larg, minus tetë pikë. Ekipi i Ronald Koeman kaloi në avantazh në minutën e 21-të me Lenglet, që brenda në zonë me kokë dërgoi topin në rrjetë. Në të 35-tën ishte Braithwaite që zgjati këmbën duke devijuar topin për të dyfishuar shifrat. Nuk mund të mungonte në apel as Leo Messi i cili në minutën e 65-të realizoi golin e tretë, ky ishte goli i tij i 644 me fanellën e Barçës duke kaluar në këtë mënyrë legjendën Pele.

Në një intervistë për të përditshmes spanjolle “Marca”, Messi shprehet i bindur se Barcelona është rikthyer dhe i ka të gjitha mundësitë të luftojnë për gjithçka këtë sezon: “Sot mund të them se ndihem mirë, kam dëshirë për të luftuar dhe për të arritur të gjithë objektivat, por me të vërtetë kalova një verë shumë të keqe. Barcelona po kalon një moment të vështirë, gjithçka ndodh rreth klubit është e komplikuar. Do të provojmë të fitojmë gjithçka, po rritemi dhe nga tani e tutje është e rëndësishme të arrijmë një seri me rezultate pozitive për tu rikthyer në majën e La Liga”, u shpreh Messi.

(BalkanWeb)