Konferenca Kombëtare e Gruas Republikane 0 29

Partia Republikane organizoi Konferencën Kombëtare të Gruas Republikane.
Kjo konferencë u përshendet nga Euro Deputete, deputetë nga Kosova, Maqedonia, Auatria dhe Bullgaria si dhe kryetarja e grave demokrate Albana Vokshi. Ato theksuan se: Të gjitha gratë duhet të luftojnë për të liritë dhe të drejtat e tyre
Vokshi vuri në dukje se: Pavarësisht përpjekjeve tona, sakrificave të shumta, ne nuk ja kemi dalë dot që fëmijët tanë të jetojnë një jetë më të mirë, që të rinjtë të mos braktisin vendin, që varfëria të mos rritet dhe që shpresa të mos humbë në Shqipëri”.
Ky aktivitet ku moren pjese qindra gra në sallë dhe online u diskutua për angazhimin real të gruas në politikë dhe vlera që ato sjellin në jetën politike dhe shoqërore të Shqipërisë.
Gratë dhe vajzat që u bënë pjesë e kësaj konference, të gjitha të suksesshme në profilet e tyre profesionale, nëpërmjet fjalës së tyre, ato trajtuan problemet dhe sfidat që hasin, por dhe vendosmërinë për tu përballur me regjimin e korruptuar të Edi Ramës.
Në fund të konferencës, pasi dëgjoi të gjitha fjalimet e grave dhe vajzave, si dhe video-mesazhet nga eurodeputetet, fjalën e mori kreu i Partisë Republikane, Fatmir Mediu.
Duke vlerësuar rëndësinë e rolit të gruas në politikë, ai nxiti gratë që të flasin për veten, për Shqipërinë, por sidomos për politikat që përçajnë dhe përbuzin.
Mediu theksoi se gratë nuk duhet të lejojnë të tjerët të flasin për to dhe të mos pranojnë t’i përdorin thjesht për numra dhe kuota.
“Rama dhe regjimi i tij i korruptuar kërkon që ju të heshtni dhe të mos flisni si sot, të ulni kokën. Kërkon që ju të harroni se kush jeni dhe çfarë doni. Rama dhe sekti që është krijuar sot në politikën shqiptare kanë bindjen se shqiptarët duhet të jenë kokëulur dhe me ta mund të bëjnë çdo gjë. Ata si shqiptarë mund të tallen, mund të dhunohen, mund të rrihen, të shtypen, keqpërdoren, arrestohen, burgosen. Mund t’i lesh papunë, pa arsim dhe pa të ardhme, sepse sipas tyre shqiptarët nuk kanë forcë për t’u ngritur, sepse Rama dhe regjimi i korruptuar që ka ndërtuar, kanë bindjen dhe mendojnë se kanë në dorë jetën, lirinë dhe të ardhmen tonë. Jetën, lirinë dhe ndërtimin e lumturisë, të gjithë ne na i ka falë Zoti. Juve duhet të jeni kudo që flitet; kur flitet për Shqipërinë dhe kur flitet për ju, për të sotmen dhe për të ardhmen. Mbi të gjitha, mos lejoni që të tjerët të flasin për ju, por flisni ju për veten tuaj, duke mos pranuar hipokrizinë dhe keqpërdorimin. Nuk ka vlerë vetëm një femër me pushtet, por ka vlerë pushteti i femrës, duke krijuar së pari pushtet mbi veten tuaj, mbi atë që doni të arrini. Mos pranoni t’ju përdorin për numra, për kuota, që të zbukurojnë shëmtinë e pushtetit dhe të anti-vlerave. Qëndroni më shumë me njëra-tjetrën dhe pranë njëra-tjetrës. Flisni fort dhe hapur kundër politikave që në radhë të parë përçajnë, përbuzin dhe urrejnë e fyejnë. Nga përbuzja, nga përçarja, nga fyerja, nuk ka asnjë gjë të mire”, tha në fjalën e tij Fatmir Mediu.
Më tej ai është shprehur se gratë kanë mundësinë për të bërë ndryshimin në vend, prandaj ato duhet të luftojnë fort.
“Përcillni mesazhin e bashkëpunimit, të qëndresës dhe dashurisë e shpresës. Ju jeni gjenerata që duhet të luftoni fort dhe keni mundësinë të bëni ndryshimin, për t’u bërë të fuqishme dhe të pushtetshme, për t’u bërë game-changer. Duhet të luftoni që gratë të ndryshojnë natyrën e pushtetit dhe jo pushteti të ndryshojë natyrën tuaj”, deklaroi Mediu.

 

Leave a Reply

Your email address will not be published. Required fields are marked *

Mevlani i interesuar për hyrjen e re në “Për’puthen”, Ledjana hedh thumba në rrjete sociale 0 4

Që prej hyrjes së saj në emisionin “Për’puthen”, konkurrentja e re Ledjana Prenga deklaroi hapur pëlqimin e saj për dy konkurrentë, Atdheun dhe Mevlanin.

Me këtë të dytin ajo ka realizuar edhe takime të cilat janë dukur tepër të ngrohta. Madje, Mevlani i ka dedikuar Ledjanës edhe një këngë, e cila bëri xhiron e rrjetit disa ditë më parë.

Gjërat mes çiftit dukeshin perfekte, deri në momentin që në “Për’puthen” erdhi një hyrje e re.

Vajza nga Shkodra e quajtur Antonela trazoi ujërat në emision dhe deklaroi që në hyrjen e saj se kishte gjithashtu pëlqim për Mevlanin.

Madje, mes tyre ndodhi edhe një debat, kur Mevlani deklaroi se për Antonelën do të shkruante një album me këngë.

Mbrëmjen e kaluar në emision, Antolena nxehu sërish gjakërat teksa i tha vajzave se ka ardhur t’i rrëmbejë djemtë, sepse ato “s’dinë t’i kapin”.

Për më tepër, ajo tregoi se Mevlani i kishte dhënë fjalën se nëse s’do të ishte zgjedhja e saj, ai do të dilte nga “Për’puthen”.

Pas këtyre ngjarjeve, Ledjana ka shprehur zhgënjimin e saj për Mevlanin, duke thënë gjithashtu se “Mevlani ashtu i thotë të gjitha vajzave”.

Së fundmi, në llogarinë e saj në Instagram, ajo ka publikuar një story si një mesazh për gjithçka që ka ndodhur.

Konkurrentja ka publikuar foton e një zemre të vizatuar, duke shkruar “Vendin tem askush s’un ma zëvendëson“, mesazh ky për Mevlanin dhe Antonelën sigurisht!

Përgjimet e antimafias italiane, nuk përmbahet Rama: Dalin nga ata që ja kanë bërë nënën këtij vendi! Mënyra më e ulët për të kërkuar avantazhe politike 0 1

Kryeministri i vendit Edi Rama reagoi për herë të parë publikisht pas publikimit të përgjimeve të antimafias italiane, ku sipërmarrës, eurodeputetë por jo vetëm që kanë lidhje me mafiozët e Ndrangehta tentojnë të gjejnë lidhje në Shqipëri, të cilët ne quajnë tokë të virgjër për të investuar e pastruar paratë e tyre.

I pyetur për përmendjen e disa zyrtarëve të PS, Rama shpërtheu ndaj atyre që i etiketoi me togëfjalëshin “persona që ia kanë bërë nënën këtij vendi”, duke shtuar se është mënyra më e ulët për të përfituar avantazhe politike dhe të tjera.

“Çfarë pret të them unë? Që se di kush janë këta njerëz dhe nuk janë takuar ndonjëherë më mua. Është një turp që ta mbajnë ata që e kanë nxjerrë. Është një mënyrë më e ulët sa s’ka për të kërkuar avantazhe nga politike tek influence duke ja bërë nënën këtij vendi përsëri, si gjithmonë. Në vend që të bëhet informacion bëhet dizinformacion. Bëhet luftë se kush e shtrembëron më shumë të vërtetën”,- tha Rama.

Ai shkoi më tej kur tha se, kjo është provë spektakolare e katandisë së opozitës dhe mediave.

 

 

FJALA E PLOTE

Në këtë rast ka folur qartësisht duke dhënë konkluzion grupi hetimor italian. Po jua lexoj për t’ju thënë pse është turp i pashembullt për të gjithë ju që keni për detyrë të informoni publikun dhe ushqeni tymnajën me llafe e muhabete, dëngla njerëzish që sipas prokurorisë italiane, jo pas meje se këta pas më shumë se 1 viti në Tiranë dhe bisedime me njeri-tjetrin ato dështuan totalisht.

I vetmi investim i bërë është një dyqan i vogël për shitje rroba pune dhe ai me konflikte mes ortakëve.

Marrja e këtij llumi dhe servirja e këtij llumi si ushqim për shqiptarët netëve të gjata të mejhaneve televizive dhe ditëve të gjata të kërkesës për klikime dhe spektakël është turp që i mëshiron më së miri ata që e ushqejnë këtë lloj qasje ata që prirjen për t’ja bërë nënën këtij vendi e kanë prioritet. Kjo është një marrëzi e pashoqe me asgjë tjetër, flasin ca italianë, përmendin njerëz, imagjinojën invesitime, përfytyrojnë investime në tokën e premtuar, por s’ka fakte, s’ka prova, asgjë dhe këtu ngrihet një tymnajë e neveritshme. S’kam asgjë për të thënë por pijani lëngun mijëra faqeve, villeni në ekrane e portale për t’i bërë shqiptarët t’ju vijë për të vjellë se ky është edhe qëllimi. Kjo është provë spektakolare e katandisë së opozitës dhe mediave. Nuk e imagjinoj dot që në një vend normal një njeri që ka një mikrofon merr kohë nga koha e njerëzve dhe ju hedh në fytyrë gjellë kutërbuese dhe të poshtër.

Çfarë pret të them unë? Që se di kush janë këta njerëz dhe nuk janë takuar ndonjëherë më mua. Është një turp që ta mbajnë ata që e kanë nxjerrë. Është një mënyrë më e ulët sa s’ka për të kërkuar avantazhe nga politike tek influence duke ja bërë nënën këtij vendi përsëri, si gjithmonë. Në vend që të bëhet informacion bëhet dizinformacion. Bëhet luftë se kush e shtrembëron më shumë të vërtetën.

 

 

 

 

 

 

(BalkanWeb)