Kombëtarja dorëzohet ndaj “Tre Luanëve”, Shqipëri-Angli 0-2 në “Air Albania” 0 25

Kombëtarja shqiptare nuk ka mundur të lërë gjurmë në ndeshjen eliminatore për Botërorin Katar 2022 ndaj Anglisë të zhvilluar në “Air Albania”.

Kombëtarja e “Tre Luanëve” arriti të triumfojë 0-2, me gola të shënuar nga Harry Kane dhe Mason Mount.

Skuadra e drejtuar nga italiani Reja e nisi ndeshjen mjaft mirë, kur në minutën e 13 Uzuni kishte të gjitha mundësitë për të kaluar kuqezinjtë në avantazh.

Pas një kundërsulmi të shpejtë, sulmuesi shqiptar u gjend i vetëm në hyrje të zonës së Anglisë, por goditi keq dhe topi përfundoi mbi traversë.

Më tej, Shqipëria u mbrojt mirë, me Gjimshitin që po fitonte të gjitha duelet me Kane.

Por sulmuesi i Tottenham përfitoi në minutën e 39 kur markohej nga Veseli. Ai i vodhi kohën mbrojtësin tonë dhe arriti ta dërgojë topin në rrjetë, duke kaluar Anglinë në avantazh.

Edhe pjesa e dytë nisi me të njëjtën histori. Anglia vijonte me topin nën kontroll duke tentuar me raste sporadike në drejtim të portës së Berishës.

Në minutën e 63, Mount shënoi golin e dytë për “Tre Luanët”, pas një gabimi në pasim nga Gjimshiti.

Në minutat në vijim, Shqipëria tentoi të reagonte, por e pafuqishme për të gjetur të paktën një gol në këtë ndeshje të dytë eliminatore, pas fitores 0-1 ndaj Andorrës.

Më 31 mars, pas 3 ditësh, Shqipëria do të ndeshet në transfertë me San Marinon.

SHQIPËRIA (3-5-2): Berisha; Ismajli, Gjimshiti, Veseli; Hysaj, Laçi, Bare, Uzuni, Memolla; Cikalleshi, Broja. Trajner: Edy Reja.

ANGLIA (4-3-3): Pope; Shaw, Maguire, Stones, Walker; Phillips, Rice, Foden; Mount, Kane, Sterling. Trajner: Gareth Southgate.

Leave a Reply

Your email address will not be published. Required fields are marked *

Formacionet zyrtare: Reali në kërkim të tri pikëve ndaj Cadizit 0 1

Real Madridi është mysafir i Cadizit në ndeshjen e xhiros së 32-të në La Liga që zhvillohet në Estadio Ramon de Carranza.

Los Blancos e humbën mundësinë për t’iu afruar më shumë Atletico Madridit pas barazimit ndaj Getafes dhe tash qëndrojnë tri pikë prapa.

Cadizi mban vendin e 13-të në tabelë me 36 pikë, nëntë pikë larg zonës së rrezikut.

Beatrixit i ngel hatri shumë”, Anxhelina sqaron një herë e mirë arsyen e sherrit të bujshëm mes kushërirave 0 2

Kohë më parë, mes dy kushërirave Beatrix Ramosaj dhe Anxhelina Hadërgjonaj nisën konfliket dhe rrjetet sociale i nxorrën zbuluar.

Dikur ato kalonin shumë kohë bashkë dhe postonin vazhdimisht foto me njëra-tjetrën, mirëpo jo vetëm foto që nuk publikuan, por as nuk ndiqeshin më në Instagram.

U tha se arsyeja e sherrit ishte miku i ngushtë i Anxhelinës, grimieri i famshëm Ariel.

Sipas këtyre zërave, Beatrix i kishte kërkuar Ariel-it ta ndihmonte për karrierën e saj në Amerikë, mirëpo kjo nuk i kishte pëlqyer Anxhelinës, e cila ishte bërë xheloze.

Vajzat preferuan të mos e komentojnë këtë ngjarje në media, por një vit pas sherrit të bujshëm gjërat mes tyre u rregulluan.