Kirurgjia kozmetike në rritje shpërthyese nga bllokimi antiCOVID-19 0 43

Ndërsa shumë persona janë duke bërë edhe pa makijazh dhe duke i lënë pas dore flokët e tyre gjatë bllokimit, të tjerë duket se po shkojnë në ekstremin tjetër, sipas kirurgëve kozmetikë në Gjermani, të cilët kanë vërejtur një rritje në këtë biznes.

“Numri i trajtimeve më pak invazive dhe joinvazive që po kryhen është në rritje, veçanërisht kur bëhet fjalë për botoks dhe acid hialuronik, që përdoret si mbushës i lëkurës”, thonë ata.

“Ngritja e syve të varur po përjeton një shpërthim të paparë për shkak të koronavirusit”, sipas Shoqatës së Kirurgëve gjermanë të Estetikës Plastike (VDAePC).

Kjo varet nga mbajtja e detyrueshme e maskave në hapësirat publike, duke tërhequr kështu më shumë vëmendjen në zonën e syve.

Por kirurgët kozmetikë duhet t’i falenderojnë maskat edhe për diçka tjetër.

Operacioni për korrigjimin e buzëve mund të shkaktojë mavijosje, skuqje ose ënjtje për një periudhë afatshkurtër, efekte që mund të fshihen me efikasitet pas një mbulesë goje-hunde.

Si gratë, ashtu edhe burrat thuhet se po kërkojnë liposunksion, për të eleminuar shtresat kokëforta dhjamore, që edhe sporti ose një ndryshim në dietë nuk mund t’i heqë.

Sidoqoftë, janë akoma gratë ato që tërhiqen kryesisht nga kirurgjia kozmetike, sipas të dhënave nga një numër organesh të industrisë.

Qindra mijëra pacientë po i nënshtrohen thikës ose gjilpërë në emër të bukurisë në Gjermani çdo vit, dhe tendenca është në rritje.

Leave a Reply

Your email address will not be published. Required fields are marked *

Instagram shton opsionin e përzgjedhjes së përemrit: Jemi të hapur për reagime nga komuniteti ynë 0 7

Përdoruesit e “Instagram” tani mund të shfaqin përemrin me të cilin duan të referohen, pavarësisht nga gjinia e tyre e lindjes, një trend që po fiton terren në SHBA midis qarqeve progresive.

“Shtoni përemra në profilin tuaj”, shkroi në Twitter aplikacioni i ndarjes së fotografive dhe videove, i përdorur nga më shumë se një miliard persona në të gjithë botën.

Fusha e re që duhet të plotësohet (pas emrit dhe para pseudonimit dhe biografisë) është fakultative dhe përdoruesi mund të vendosë nëse përemrat personalë të shfaqen në profilin e tij publik ose vetëm për pajtimtarët e tij.

Gjithnjë e më shumë aplikacione po e ofrojnë këtë mundësi, për hir të gjithëpërfshirjes.
“Ndarja e përemrit tuaj është miratuar gjerësisht nga përdoruesit tanë dhe me këtë mjet ne shpresojmë që ta standardizojmë më tej këtë praktikë”, tha një zëdhënës i Facebook, që zotëron platformën popullore.

“Ne kemi një numër përemrash në dispozicion dhe jemi të hapur për reagime nga komuniteti ynë nëse kemi harruar ndonjë që duhet të përfshihet”, shtoi ai. Rrjeti social tregoi, gjithashtu, se opsioni do të shtrihej edhe në vendet e tjera.

“Është në dëm të mjedisit”, Elon Musk bën njoftimin: Makinat e Tesla-s nuk mund të blihen me Bitcoin 0 12

 

Kompania e makinave elektrike Tesla, ka pezulluar blerjen e automjeteve të tyre, përmes parasë elektronike Bitcoin.

Lajmi është bërë i ditur nga themeluesi i kompanisë, Elon Musk. Në një postim në rrjetin social “Tëitter”, ai thotë se mbetet shqetësuese rritja e shpejtë e përdorimit të Bitcoin, e këtë e arsyeton si një dëm për mjedisin.

“Ne jemi të shqetësuar rreth rritjes së shpejtë të përdorimit të lëndës djegëse fosile për rrjetin dhe transaksionet Bitcoin, veçanërisht qymyri i cili ka emetimet më të këqija se çdo lëndë djegëse tjetër.

Kriptomonedhat janë një ide e mirë në shumë nivele dhe në besojmë se ai ka një të ardhme premtuese, por kjo nuk mund të vijë si një kosto e madhe për mjedisin”- shkroi Musk.