Këpucari shqiptar, Zhupa: E bukura është kur e vjedh zanatin. Këpucët me porosi kanë cilësi 0 44

Klientët i janë kthyer sërish artizanit kur bëhet fjalë për këpucët me porosi. E shohin materialin me sytë e tyre, zgjedhin modelin dhe e përshtasin me përmasat. Gjithçka është origjinale dhe bërë sipas dëshirës. Kurizozë se si bëhen një palë këpucë, vizitojmë artizanin Danjel Zhupa. E gjejmë teksa punon një palë këpucë balerina, me porosi.

Me shkathësi thotë se këtë punë e ka nisur në emigracion, jo nga halli, po nga besimi tek vetja se mund ta bënte fare mirë, edhe pse siç thotë ai, mjeshtri grek nuk ia ka dhënë zanatin, po ai ia ka vjedhur duke e parë shpesh teksa ai punonte. “E pyesja pa i rënë në sy që kisha interes dhe ia mora dorën shumë mirë. E bukura është kur e vjedh zanatin.”-tregon Danjeli i cili tani është shumë i njohur në këtë profesion. Sa u përket preferencave të klientëve, ai shprehet për porosi nga më të thjeshtat deri tek më të çuditshmet me lëkurë krokodili a iguanash.

Pa e ndërprerë punën tregon për “Vila 24” se kjo punë nuk ka fitime të mëdha, po arrin të sigurojë të ardhura të kënaqshme./B.W

Leave a Reply

Your email address will not be published. Required fields are marked *

Jetesa në Korenë e Veriut, Kim Jong-un e pranon: Po përjetojmë një situatë të tensionuar 0 16

Si rrallëherë, lideri i Koresë së Veriut, Kim Jong-un, ka pranuar se situata ushqimore në vendin e udhëhequr prej tij është e tensionuar.

Kështu të paktën ka deklaruar mediat shtetërore në Veri, ku thekson, se alarmi është dhënë duke pasur parasysh edhe ‘zinë e urisë’ që kaploi vendin në 1990, e situata ishte vërtetë alarmuese. Koreja e Veriut, vuan nga një mungesë sistematike e ushqimit, e në vitin e fundit, përshirë pandeminë dhe përmbytjet e shumta, situata është bërë akoma dhe më e vështirë.

Duke folur në një takim plenar të Komitetit Qendror të Partisë së Punëtorëve, sipas agjencisë zyrtare KCNA, Kim tha se ekonomia është përmirësuar këtë vit, me prodhimin industrial me 25% krahasim me vitin e kaluar.

“Situata ushqimore e njerëzve po tensionohet pasi sektori bujqësor nuk arriti të përmbushë planin e tij të prodhimit të drithërave për shkak të dëmtimit nga stuhitë e vitit të kaluar”, mësohet të ketë thënë Kim.

Heqja e kufizimeve nga BE, Manastirliu: Lajm i shumëpritur, shenjë që po shkojmë drejt normalitetit që dëshirojmë! 0 18

Ministria e Shëndetësisë dhe Mbrojtjes Sociale, Ogerta Manastirliu, ka përshëndetur vendimin e Bashkimit Evropian, për të hequr kufizimet e udhëtimeve për tre shtete të Ballkanit, përfshirë edhe Shqipërinë.

Me anë të një statusi në rrjete sociale, Manastirliu e cilëson këtë vendim si një lajm të mirë dhe të shumëpritur.

Më tej ajo shton, se ky vendim, është një ogur i mirë që shpejt po shkojmë drejt një normaliteti që të gjithë dëshirojmë.

Ministrja gjithashtu, gjeti rastin të bënte një apel për të gjithë qytetarët, duke i kërkuar të mos ulim vigjilencën në “këto metra të fundit drejt daljes nga tuneli i gjatë i pandemisë”.

“ Lajm i mirë
Dakordësia e vendeve të Bashkimit Europian për të hequr kufizimet e udhëtimit për Shqipërinë është padyshim një lajm i mirë
Një lajm i shumëpritur për të gjithë shqiptarët por edhe një shenjë e mirë se po shkojmë drejt normalitetit që të gjithë dëshirojmë
Por sërish një apel për të gjithë qytetarët: Të mos e ulim vigjilencën, në këto metra të fundit drejt daljes nga tuneli i gjatë i pandemisë”, shkruan Manastirliu.

Postimi i plotë: