Keni fryrje barku? JO, nëse konsumoni këto 4 ushqime 0 27

Ndjenja e “të fryrit” të stomakut është një problem që prek shumë njerëz.
Kjo mund të vijë si pasojë e ushqimeve me shumë kalori qëkonsumoni, për shkak të problemeve me tretjen, reduktimit të baktereve të mira në zorrë, kapsllëkut, gazrave etj.

Nëse vuani nga fryrja e barkut dhe problemet me tretjen atëherë ju duhet të ndaloni konsumimin e pijeve me gaz, bishtajoreve, produktet e djathit, ushqimet e kripura dhe pikante, brokolin dhe lakrën, mishin e kuq etj.

Ja disa nga ushqimet që do t’ju ndihmojnë të përmirësoni tretjen:

Ananasi: ka veti të fuqishme anti-inflamatore dhe ndihmon në tretjene ushqimit.

Uthulla e mollës: kur ndiheni shumë të fryrë pini një gotë ujë të vakët me një lugë uthull molle. Ajo është një përbërës shumë i mirë në eleminimin e gazrave dhe fryrjes.

Çaj kamomili: ka veti anti-inflamatore, qetësuese dhe do t’ju qetësonte shumë në këto raste.

Limoni: është i pasur me vitaminë C dhe ndihmon në tretje. Pini një gotë ujë të përzier me lëng të freskët limoni çdo mëngjes esëll.

 

Leave a Reply

Your email address will not be published. Required fields are marked *

Nga lodhja te humbja e shijes, simptomat e gjata të COVID-19 vazhdojnë deri në gjashtë javë pas diagnostifikimit 0 22

Koronavirusi ka qenë një armik i frikshëm këtë vit dhe burimi më efektiv në artilerinë e tij ishte paparashikueshmëria.

COVID-19, sëmundja virale që lind nga koronavirusi i fundit – nuk është sjellë në mënyrë tipike si sëmundje e frymëmarrjes. Një fushë që ka hutuar studiuesit është këmbëngulja e simptomave, e cila është quajtur, jo zyrtarisht “COVID i gjatë”.

Termi ka ardhur për të përshkruar simptoma që vazhdojnë për disa javë pas infeksionit. Për të siguruar më shumë prova për të mbështetur pretendimet, një ekip mjekësh dhe epidemiologësh nga Universiteti i Gjenevës (UNIGE), Spitalet Universitare të Gjenevës (HUG) dhe Drejtoria e Përgjithshme e Shëndetit të Shtetit të Gjenevës, ndoqën gati 700 njerëz që rezultuan pozitivë për SARS -COV2 por nuk kërkuan shtrim në spital.

Gjashtë javë pas diagnozës, 33 për qind e tyre ende raportuan se vuanin nga lodhja, humbja e nuhatjes ose shijes, gulçim ose kollë, rezultate këto të botuara në “Annals of Internal Medicine”, shkruan Express.co.uk.

“Sapo mbërriti pandemia në vendin tonë, u ballafaquam me këto pyetje”, raportoi profesori Idris Guessous, mjek epidemiolog në Departamentin e Shëndetit dhe Mjekësisë në Komunitet të Fakultetit të Mjekësisë të UNIGE dhe Kryemjek i Divizionit të Kujdesit Parësor në HUG, i cili drejtoi këtë punë. Në mars, programi “COVICARE” u krijua për të ofruar monitorim në distancë për pacientët të cilët mund të ndiqen në bazë ambulatore, kur kjo ndjekje nuk mund të kryhej nga mjeku i kujdesit parësor”.

Profesori Guessous shtoi: “Kjo na ka mundësuar që të kuptojmë më mirë evolucionin e sëmundjes te njerëzit që përgjithësisht nuk vuajnë as nga faktorë specifik të rrezikut dhe as nga një formë serioze e sëmundjes.

Si i mblodhën studiuesit gjetjet e tyre dhe çfarë zbuluan ata?
Një total prej 669 njerëz u ndoqën (mosha mesatare 43 vjeç, 60 për qind femra, 25 për qind e profesionistëve të kujdesit shëndetësor dhe 69 për qind pa faktorë të rrezikut themelor që mund të lidhen me ndërlikimet nga COVID-19).

Në gjashtë javë nga diagnoza, gati një e treta e pjesëmarrësve kishin akoma një ose më shumë simptoma në lidhje me COVID-19, kryesisht lodhje (14 për qind), gulçim (nëntë për qind) dhe humbje të shijes ose erës (12 për qind).

Përveç kësaj, gjashtë për qind raportuan një kollë të vazhdueshme dhe tre për qind raportuan dhimbje koke. Dr. Mayssam Nehme, rezident i Lartë në ekipin e profesor Guessous dhe autori i parë i kësaj pune, shpjegoi gjithashtu se si ndiheshin këta pacientë: “Përveç shqetësimit fizik të simptomave të tyre, shumë ishin të shqetësuar se për sa kohë do të zgjaste? A ishin disa efekte pas infektimit të pakthyeshme?”. Edhe pa një përgjigje të qartë mjekësore mbi pyetjet e tyre, në gjendjen aktuale të njohurive, është e rëndësishme të shoqëroni pacientët në fjalë dhe t’i dëgjoni ata.

 

 

 

(BallkanWeb)

Zbulohet përbërja bimore që kthen nuhatjen e shijen pas infektimit me koronavirus 0 35

Humbja e nuhatjes dhe shijes është një nga shenjat e infektimit me koronavirus. Personat e sëmurë me Covid-19 shpesh ankohen, ndërsa specialisti i bimëve mjekësore Ylli Merja thotë se kjo ndodh pasi dëmtohen receptorët.

I ftuar në “Vila 24” moderuar nga Androniki Kolka, Merja thotë se duhen pak ditë për t’u kthyer në gjendjen e mëparshme, edhe pasi pacientët janë shëruar nga Covid-19. Ai sugjeroi avuj me kanellë vetëm 1 herë në darkë ndërsa gjatë ditës mund të zihet një sasi kanelle dhe të përdoret me kujdes.

Referuar qelizave trunore, Merja sqaron se për të qetësuar sistemin nervor, ai këshillohet përdorimi i një çaji me bar blete, apo borzilok, livando e rozmarinë që na kthen në jetën aktive edhe më energjikë. Gjatë emisionit Merja u ka dhënë përgjigje edhe shumë telefonatave nga shikuesit e TV “News24”.

 

(BalkanWeb)