Karantina e dytë nga e hëna/ Merkel prezanton masat e ashpra, përballet me britma në Bundestagun gjerman 0 36

Kancelarja Angela Merkel u përball me britma dhe një mori pyetjesh në Bundestagun gjerman këtë mëngjes, teksa njoftoi planet e qeverisë për një bllokim të dytë “më të butë”, raporton “The Guardian”.

Nga e hëna, baret, restorantet, teatrot, pishinat dhe sallat e fitnesit do të mbyllen për një muaj, dhe organizimet publike do të kufizohen deri në dy familje maksimumi ose mbledhje deri në dhjetë persona.

Për udhëtimet që janë të panevojshme thirrja eshte qe te shmangen dhe hotelet këshillohen të mos presin turistë.

Megjithatë, shkollat, çerdhet dhe dyqanet do të qëndrojnë të hapura.

Merkel tha të enjten në mëngjes se Gjermania ishte në një “situatë dramatike” ndërsa vendi po hyn në sezonin e dimrit.

Sipas Kancelares, “populistët që pretendojnë se koronavirusi është i padëmshëm janë të rrezikshëm dhe të papërgjegjshëm”.

“Gënjeshtrat dhe dezinformimi, teoritë e konspiracionit dhe urrejtja dëmtojnë jo vetëm debatin demokratik, por edhe luftën kundër virusit,” tha ajo, duke shtuar se kjo e vë në rrezik jetën e njerëzve.

“Dimri do të jetë i vështirë,” tha ajo. “Katër muaj të gjatë, të vështirë. Por do të marrë fund ”.

Me rritjen e numrit të pacientëve Covid-19 në kujdes intensiv, që u dyfishua në dhjetë ditët e fundit, tha kancelarja, spitalet do të mbingarkohen “brenda disa javësh” nëse nuk ndërmerren hapa të tjerë për të frenuar përhapjen e virusit.

Por vendimi për bllokimin e ri është përballur me kundërshti të forta sidomos nga sektorët e gastronomisë.

Pavarësisht garancive për subvencione të mëtejshme shtetërore, restorantet, baret dhe hotelet do të goditen rëndë nga mbyllja e dytë.

Ka pak të dhëna që sugjerojnë që restorantet dhe baret ku klientët mbajnë maska ??kanë nxitur rritjen e infektimeve së fundmi.

E djathta ekstreme AfD dhe FDP kryesuan kundërshtitë për masat e reja në Bundestag.

“Ne e konsiderojmë paralizimin e sektorit të kulturës dhe gastronomisë, praktikisht të gjithë jetën e lirë të qytetarëve tanë, si të tepërt dhe të papërshtatshme”, tha bashkë-drejtuesi i AfD Alexander Gauland.

As Gauland dhe as udhëheqësi i FDP Christian Lindner nuk ofruan propozime konkrete për një plan alternativ, siç është mbyllja e shkollave.

Agjencia e kontrollit të sëmundjes së Gjermanisë të Enjten regjistroi një rekord të ri me 16,774 infeksione të reja në 24 orët e fundit, megjithëse tani për tani shkalla e infeksionit në Gjermani është ende dukshëm më e ulët se në vendet fqinje si Franca ose Belgjika.

Leave a Reply

Your email address will not be published. Required fields are marked *

“Kolaudimi i makinave një herë në dy vite”, Gonxhe: Ja çfarë ndryshon 0 1

Nga janari kontrolli teknik i makinave do të bëhet nga Drejtoria e Përgjithshme e Transportit Rrugor,  pas përfundimit të kontratës me kompaninë private SGS.

Ka qënë drejtori i Shërbimit të Transportit Rrugor, Blendi Gonxhe, ai që dhënë më shumë detaje për vendimin e ri të qeverisë, gjatë një inteviste në ABC News.

Sipas Gonxhes kolaudimi i makinave do të kryhet një herë në dy vite dhe synohet  të ulen radhët në kolaudim 

“Ky vendim që bëhemi më liberal për kolaudimin njëherë në dy vite, vjen se ka një koshiencë më të madhe, më shumë vetëdije. Ne duam të ecim drejt vetëdeklarimit. Duhet të sillemi si evropiane me këto dy vite pa kolaudim.”- u shpreh ai.

Intervista e plotë e Blendi Gonxhes:

Si e vlerësoi kalimin e kolaudimit nga privati në shtet?
Ne e marrim si besim, si institucion. Kemi investuar dhe mendojmë se kjo është një rrjedhojë e ecurisë së këtij enti, nëse nuk do të kishim këto rezultate. Është një shoqëri publike e shtetit. Ka një besim më të madh, reputacion më të madh, kjo ka bërë që të kemi një vetësiguri më të madhe për ta bërë këtë shërbim vetë.

Unë që do të vij të bëj kontrollin, çfarë do të përfitoj drejtpërdrejt nga ky ndryshim?
Ky vendim që bëhemi më liberal për kolaudimin njëherë në dy vite, vjen se ka një koshiencë më të madhe, më shumë vetëdije. Ne duam të ecim drejt vetëdeklarimit. Duhet të sillemi si evropiane me këto dy vite pa kolaudim.

Ekspertët ishin dashamirës, por kundërshtojnë ndryshimin e afatit nga 6 muaj në 1 vit të kontrollit të mjeteve të transportit publik, taksive apo autoshkollave…
Hezitoj, nuk e ndaj mendimin e tyre, këto janë nga mjetet që kanë shkaktuar me pak aksidente, janë nga më të kontrolluarat, kanë përgjegjësi më të lartë. Janë të licencuara, mjaft më të kontrolluara dhe me statistika, është e realizueshme, sidomos në një vit pandemie që jemi, dhe duam të ulim radhët në kolaudim dhe të shtojmë cilësojnë.

Duke ulur kohën dhe për të rritur cilësinë e kontrollit. Sa stres është që çdo 6 muaj të zësh radhën dhe të paguash përsëri. Kjo pasohet edhe më një masë mbrojtëse, siguresë, do të fuqizojmë rolin e mbikëqyrjes në terren, mjetet mbi 3.5 ton do të kenë një kontroll më të madh në terren. Po të kapëm një muaj pas kolaudimit, nëse e ke lënë mjetin pa rihapur, shkelja do të jetë e dënuar më e rëndë.

Do të jetë përfundimtar kalimi te shteti, apo do të jetë fazë tranzicioni për ta kaluar sërish me koncesion?
Unë e përjashtoj variantin e koncesionit, nuk ka nevojë.

Është folur se do të jepet më vonë?
Kanë qenë parashikime, nuk ka asnjë draft. Kolaudimi nuk ka asnjë tarifë të rritur, do të paguajnë po aq. Do të investojmë në qendra moderne. Do të investojmë në Elbasan.

Janë të gjitha pikat në hartën e Shqipërisë?
Me gjysmën e fluksit që parashikojmë, me formulën e re mendojmë se do të jetë e përballueshme dhe nuk do të ketë motiv për të shtuar pika kot.

Do t’i mbani ata të punësuar që ishin te koncesionari?
Po, do ta përthithim atë strukturë. Do të vijnë dhe do të gjejnë rroga jo të këqija. Pikat e kontrollit do të vijojnë të jenë në të njëjta pika.//Opinion

Donald Veshaj dhe Bora Zemani nuk ndalin së shprehuri dashurinë edhe në rrjetet sociale 0 2

TIRANEu

Donaldi di si ta bëjë të lumtur partneren e tij Bora Zemanin. Së fundmi aktori dhe prezantuesi shqiptar ka realizuar një portret shumë të bukur të moderatores. 

Aktori ka postuar një video ku shfaq procesin e realizimit të këtij projekti duke i bërë edhe një dedikim partneres. “Për ty Bora”-shkruan Donaldi, krah surprizës që çdo vajzë do ta donte.

foto galeri

Përpos deklaratave të dashurisë që i bëjnë njëri-tjetrit në jetën e përditshme, për Borën e Donaldin ka vend edhe për ta shprehur dashurinë në rrjet. E në këtë rast ra në sy komenti i Borës: “Të duaaaa”. Dhe Donaldi që ia kthen: “Unë më shuuuumë”.

Kujtojmë që çifti janë bashkë prej më shumë se një viti dhe ndonëse në fillim preferuan ta ruanin larg publikut lidhjen e tyre, tanimë nuk i kursejnë deklaratat e dashurisë.//B.W