I ati i merr jetën djalit: Detaje nga vrasja e bujshme e Albert Krasniqit, ish-anëtar i “Babastars” 0 84

Albert Krasniqi është i riu, emri i të cilit po bën prej dy ditësh xhiron e mediave në Kosovë e Shqipëri.

I riu është biznesmeni që u vra nga babai i tij Skënderi. Ai ka qenë në kërkim nga Policia  pasi akuzohej për dhunë fizike ish-bashkëshortes së tij, Besa Gashi.

Siç u bë e ditur paraprakisht nga mediat, vrasja ka ndodhur pasi biznesmeni është përplasur parapraktisht me të atin, i cili i kishte kërkuar që të dorëzohej në Polici pasi ai kishte ushtruar dhunë ndaj ish-gruas së tij.

Policia e Kosovës ishte vënë në kërkim të Krasniqit për veprën penale dhunë fizike, që kishte ushtruar ndaj ish-bashkëshortes, ish-miss Kosovës, Besa Gashi, me të cilën ka dhe një vajzë. Dy ditë më parë u dha lajmi se çifti kishin vendosur t’i jepnin fund martesës së tyre disa-vjeçare. Në kërkim të tij, policia i kishte bastisur edhe shtëpinë.

Sipas mediave, ishte vetë babai i viktimës ai që ka pranuar aktin fatal, duke njoftuar policinë pasi zbrasi karikatorin tek i biri.

“Ejani se kam vrarë djalin!”- mësohet të ketë thënë ai.

Por Albert Krasniqi nuk është emër i panjohur. Pesë vite më parë ai plagosi në mes të Prishtinës pas një sherri reperin e njohur Noizy. Gjithçka ndodhi më datë 13 shtator 2016 ndërsa dy vite më vonë dyshja edhe pse ishin pajtuar, gjykata i dënoi.

Krasniqi ishte pjesë e grupit “Babastars”, ndërsa për vdekjen e tij kanë reaguar të pikëlluar personazhe të njohur të showbiz-it, të cilët kanë publikuar foto me të riun e kanë shprehur ngushëllimet e tyre më të sinqerta.

Sot, Albert Krasniqit i është dhënë lamtumira për në banesën e fundit, teksa u varros në Varrezat e Qytetit në lagjen Dragodan të Prishtinës.\

Skivi, Gold AG, Burak Vehapi, DJ Gamble dhe Nol Abazi janë ndër emrat që i dhanë lamtumirën e fundit mikut të tyre.

Pjesëmarrëse në varrim ishte edhe ish-miss Kosova Besa Gashi, me të cilën thuhet se është ndarë pak muaj më parë. I njëjti ka lënë pas një vajzë nëntë vjeçare të quajtur, Kaia.

Skënder Krasniqi nuk ishte parë në varrimin e të birit, avokati i tij, Ramiz Krasniqi, theksoi se nuk kanë bërë një kërkesë të tillë.

Ndërsa shahaxhi i tij, Ismet Krasniqi ka thënë se vëllai i tij, Skender Krasniqi, e ka vrarë pa dashje djalin e tij, Albertin.

“Së pari i falenderoj të gjithë ata që kanë qenë pjesëmarrës në varrim. Për fat të keq, në familjen tonë ndodhi një fatkeqësi që ndodh shumë shpesh nëpër shumë vende të botës, edhe në Kosovë. Rastësisht djali i vëllait e ka blerë një pistoletë, ia ka tregu babait të tij, plumbi ka qenë brenda dhe ai s s’e ka ditë vëllai tu këqyrë çfarë ka, ka kërsit plumbi…. Ai vëllai ka qenë faktikisht i paralizuar”, tha ai.

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 7

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 4

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.