Hulumtimi i “Top Story”, Shqipëria teknologji të njëjtë për trajtimin e mbetjeve me BE, kostot disa herë më lirë 0 20

Mpleksja e interesave të ngushta të politikanëve në biznesin e mbetjeve e ka përqendruar së fundi diskursin publik tek konçesionet e inceneratorëve. Në emisionin e së martës, “Top Story” solli një pasqyrë të plotë rreth këtyre impianteve.

Nga projektet konkrete në Sharrë, Elbasan e Fier, e deri tek kostot e ndërtimit, tarifat e trajtimit, teknologjia e përdorur si dhe krahasimi me vendet e tjera rreth këtyre parametrave.

Faktet e sjella nga Top Story, sollën një pasqyrë më të qartë për publikun për të kuptuar më shumë rreth akuzave të politikës dhe të vërtetave.

“Është bërë si gogol, nuk është kështu”, deklaroi mes të tjerash profesori i mjedisit Seit Shallari.

“Inceneratori është një furrë modern djegjeje e mbetjeve në temperaturë të lartë, proces nga i cili prodhohet energji elektrike. Kjo është djegie e sigurtë e mbetjeve, pra emetimet e gazrave janë të kontrolluar”, tha profesori Shallari i cili ka sjellë në emision edhe eksperiencat e tij personale në vizitat e kryera në inceneratorët në vende të zhvilluara si Zvicra apo Austria.

Në këto vende, nuk kishte asnjë diferencë teknologjike me inceneratorin e Elbasanit që është plotësisht funksional, dhe ato të Fierit e Tiranës që janë në proces.

“Top Story” zbuloi se një incenerator si ai i Tiranës, me të njëjtat kapacitete dhe parametra teknologjikë, në vendet e rajonit e më gjerë ksuhton disa herë më shumë. “Për një impiant të ngjashëm me këtë të cilin po ngrihet në rrethinat e Tiranës, niveli i investimit shkon diku te 200-250 mln euro, pra duke pasur të njëjtat kushte dhe duke qenë të kujdesshëm për të ruajtur karakteristikat e ligjshëmrisë mjedisore”, tha profesori i ekonomisë Fatmir Guri.

Në Serbi, një projekt i ngjashëm me këtë të Tiranës do të kushtojë plot 350 milionë euro. Në Danimarkë, një incinerator i ngjashëm ka kushtuar plot 600 milionë euro, ndërkohë, në Tiranë projekti ka parashikuar 128 milionë euro kosto ndërtimi për veprën, e cila mbulohet me paratë e privatit.

Pra, ndryshe nga sa akuzohet, paratë e paguara konçesionarit nga shteti lidhen vetëm me koston e trajtimit të mbetjeve, që është 29 euro për ton.

Top Story, zhvilloi një rrugëtim edhe në Itali për të kuptuar më shumë lidhur me kostot e trajtimit të mbetjeve.

Në Foxhia dhe Ancona, administratorë impiantesh për trajtimin e mbetjeve bënë një krahasim të qartë rreth kostove të trajtimit.

“Itali teknikisht jemi në vlerat 65-70 Euro vetëm për mbulim kostosh por duhen konsideruar dhe të gjitha kostot e menaxhimit e të tjera. Pra, sinqerisht 29 Euro, e përsëris, qoftë kur e paguan privati qoftë kur e paguan qytetari, më duket me të vërtetë një çmim shumë i ulët”, tha Mateo Bruno, president “Cooperativa Nuova San Michele” srl, kompani që ka në menaxhim disa landfille.

“29 euro, është një çmim që në Itali nuk ekziston, nuk mund të ekzistojë sepse investimet që janë të nevojshme, kostot për menaxhimin, për kontrollin dhe për të lënë mënjanë shumat e nevojshme për fazën e post menaxhimit janë të tilla që këto vlera në Itali nuk ekzistojnë tashmë prej shumë -shumë vitesh”, tha Mario Ragaini, drejtor i Sogenus SPA, një tjetër kompani me eksperiencë mbi 30 vjeçare në menaxhimin e mbetjeve.

Edhe në vende të tjera kostot janë më shumë se dyfishi krahasuar me Sharrën.

“Në Gjermani kosto për një ton të përpunuar shkon diku të 100 euro, në Belgjikë diku 70 euro”, tha profesori Fatmir Guri. Në Greqi kostoja ishte 53 euro, ndërsa në Serbi, në icneneratorin e projektuar kostoja është parashikuar plot 70 euro. /Newsbomb #albaniareport_al

Leave a Reply

Your email address will not be published. Required fields are marked *

Malësore 24 karat, vajza e Emina Cunmulajt u jep mësime valleje shokëve të klasës 0 3

TIRANE

Një familje aq e pasur sa e Eminës dhe bashkëshortit të saj Sam, të jep përshtypjen se e kanë shumë të thjeshtë të shohin jetën e tyre komode, pushimet, rrobat e shtrenjta, udhëtimet e largëta.

Por jo! Emina i bën të gjitha këto, por e kthen përherë kokën pas duke mos harruar asnjëherë origjinën e saj. Por modelja shqiptare  tashmë po u mëson edhe vajzave ta kthejnë. I sjell çdo herë në vendin e saj, u flet shqip dhe tani po na tregon edhe që u mëson vallet tona, traditat.

Këtë herë Emina e ka veshur vajzën me kostum popullor malësoreje. Sepse Ella ka një mision të veçantë. Do t’u mësojë shokëve të klasës të kërcejnë shqip.

“Malësorja e mamit! Duke iu mësuar miqve të saj në shkollë për kërcimet popullore shqiptare”-shkruan Emina.

Shokët e Ellës nuk e njohin muzikën tonë, ama një gjë është e sigurt, e njohin-se njohin do kërcejnë të gjithë. Ritmeve të valleve tona nuk u reziston kush!

foto galeri
foto galeri
foto galeri
foto galeri

//B.W

Horoskopi për ditën e sotme, 4 dhjetor 2020 0 4

Dashi

Tregohuni të duruar, pasi përpjekjet tuaja të vazhdueshme në aspektin profesional do të sjellin rezultate të mira. Mund të prezantoheni me një skemë të re financiare, por shihni me kujdes avantazhet dhe disavantazhet e saj. Në aspektin personal do të kalohet një ditë ndryshe.

Demi

Mund të keni energji të re në jetën tuaj të dashurisë. Martesa është një bekim, dhe sot do ta përjetoni këtë. Aftësia juaj për të reaguar shpejt ndaj problemeve do t’ju sjellë njohje të reja.

Binjakët

Do të keni dëshirë të përfshiheni në aktivitete në natyrë, për shembull meditim ose joga. Kaloni më shumë kohë me familjen, në mënyrë që të shmangni kritikat. Sa i përket marrëdhënies në çift, do kaloni një ditë emocionuese.

Gaforrja

Ka gjasa të impresiononi njerëzit rreth jush me sjelljen tuaj pozitive. Sipërmarrjet e reja do të jenë premtuese. Tregohuni origjinalë në bisedat tuaja, pasi tepricat nuk do t’ju çojnë askund.

Luani

Ka gjasa të përballeni me kritika për shkak të paragjykimeve. Fitimet monetare nga burime të paplanifikuara do t’ju zbukurojnë ditën. Shmangni humbjen e durimit për çështje të vogla, pasi kjo do të dëmtojë vetëm interesat tuaja.

Virgjëresha

Nëse jeni ndjerë të frustruar kohët e fundit, një qasje pozitive sot, do të sjellë një ndryshim mjaft të mirë. Do të merrni kohë të konsiderueshme për të kaluar me miqtë dhe familjen. Mos e zhgënjeni të dashurin tuaj sot, pasi mund t’ju hapen probleme.

Peshorja

Do të jetë një ditë e mbushur me të qeshura dhe shumica e gjërave do të vijojnë ashtu siç dëshironi. Disa persona të kësaj shenje, rekomandohen të investojnë në pasuri të paluajtshme. Sot do të jeni plot me ide të mira, madje mund të tejkaloni pritshmëritë tuaja.

Akrepi

Motivojeni veten për të qenë më optimistë. Dikush me plane dhe ide të mëdha do t’ju tërheqë vëmendjen. Sa i përket marrëdhënies në çift, dita do të jetë e mbushur me dashuri, puthje, përqafime dhe argëtim.

Shigjetari

Mos shpenzoni shumë për argëtim ose për të ndryshuar pamjen tuaj. Ndërhyrja juaj në kohë do të ndihmojë shumë një mikun/miken tuaj. Veprimet tuaja do të jenë frymëzim për të tjerët. Partneri/ja juaj ka gjasa të mos i vlerësojë gjestet tuaja për dashurinë.

Bricjapi

Mos lejoni që shqetësimet të prishin qetësinë tuaj shpirtërore. Bëni më të mirën tuaj për ta shmangur këtë, pasi shumë ankth dhe shqetësim mund të ndikojë në shëndetin tuaj mendor dhe fizik. Bëni kujdes me kolegët në punë.

Ujori

Miqtë do t’ju zbukurojnë ditën, pasi mund të planifikojnë diçka emocionuese për mbrëmjen. Përpjekjet për të përmirësuar pamjen do të kthehen në kënaqësinë tuaj. Do të ndjeni ngrohtësinë e dashurisë së partnerit/es suaj në një moment dobësie gjatë ditës.

Peshqit

Shmangni përballjet e panevojshme, pasi kjo vetëm do t’ju shkaktojë stres të padëshiruar. Do të merrni përgjegjësi shtesë profesionale, që do të çojnë në pagë më të lartë dhe një pozitë më të mirë.//B.W