Horoskopi për ditën e sotme, 4 nëntor 2020 0 61

DASHI
Keni nevojë për më shumë nxitje në aspektin profesional. Duket se ju mungon dëshira për të çuar përpara projektet e nisura. Mos e fajësoni shumë veten sepse kjo është një gjendje kalimtare. Jepini jetës suaj më shumë ngjyra në dashuri.


DEMI
Nuk do ju mungojnë idetë e reja dhe energjia e duhur për t’i zbatuar projektet tuaja. Do të keni mbështetjen e një miku të ngushtë në çështjen e parave. Sa i përket dashurisë, mund të nisni një lidhje të re.


BINJAKET
Lajme të mira mund të merrni sot në punë. Një rritje në detyrë do t’ju bëjë shumë të gëzuar. Energjia pozitive do të pasqyrohet edhe në marrëdhënien tuaj me miqtë. Me paratë mund ta gjeni veten pak ngushtë sot.


GAFORRJA
Do të jeni mjaft të angazhuar në punë, duke lënë disi pas dore familjen. Shihni vetëm anët pozitive të gjërave sot, duke i lënë mënjanë keqkuptimet. Paratë nuk do ju mungojnë, por edhe shpenzimet do të jenë të shumta.


LUANI
Do të merrni lajme të mira nga një investim që keni kryer pak kohë më parë. Edhe pse i kishit humbur shpresat, aspekti planetar do jetë pozitiv për ju. Në dashuri gjërat nuk do ecin shumë mirë sot.


VIRGJERESHA
Përgjithësisht keni dëshirë të bëni shaka, por nuk i prisni mirë ato kur bëhen nga të tjerët. Tregohuni më tolerantë ndaj njerëzve që ju rrethojnë. Sa i përket dashurisë, gjërat ende nuk po ecin siç duhet.


PESHORJA
Marrëdhënia juaj me partnerin do të ketë ulje-ngritje sot. Në momentin kur do të mendoni se jeni e plotësuar, mund të shkrepin debatet. Gjithsesi, çdo diskutim ju ndihmon për të sqaruar mosmarrëveshjet.


AKREPI
nullDo të ndjeni se gjërat nuk po shkojnë sipas planit. Kjo periudhë do të jetë kalimtare, sepse shumë shpejt suksesi do të jetë në anën tuaj. Ditë jo shumë e konsoliduar sa u përket financave.


SHIGJETARI
Një raport i ri sentimental duket në sfond për të lindurit në shenjën tuaj. Është me rëndësi që të lini një përshtypje të mirë te partneri. Në punë dikush mund të përpiqet t’ju nxjerrë pengesa.


BRICJAPI
Nëse keni nevojë që të ndryshoni ambient, bëjeni. Do ta shihni se do të ndiheni më mirë. Lajme të mira parashikohen në aspektin profesional. Eprorët mund të kenë opinione pozitive për punën tuaj.


UJORI
Aktualisht ndiheni të pakënaqur me rezultatet në punë. Mos hiqni dorë, sepse sot yjet ju favorizojnë. Në aspektin e dashurisë gjithashtu gjërat mund të ecin mjaft mirë për ju. Një njohje e re mund t’ju gëzojë maksimalisht.


PESHQIT
Një fillim i ri duket shumë pranë. Ky fillim i ri mund të jetë në punë, në biznes apo në dashuri. Një propozim për punë duhet ta vlerësoni me shumë kujdes sepse mund të rezultojë një dështim.

Leave a Reply

Your email address will not be published. Required fields are marked *

“Është në dëm të mjedisit”, Elon Musk bën njoftimin: Makinat e Tesla-s nuk mund të blihen me Bitcoin 0 12

 

Kompania e makinave elektrike Tesla, ka pezulluar blerjen e automjeteve të tyre, përmes parasë elektronike Bitcoin.

Lajmi është bërë i ditur nga themeluesi i kompanisë, Elon Musk. Në një postim në rrjetin social “Tëitter”, ai thotë se mbetet shqetësuese rritja e shpejtë e përdorimit të Bitcoin, e këtë e arsyeton si një dëm për mjedisin.

“Ne jemi të shqetësuar rreth rritjes së shpejtë të përdorimit të lëndës djegëse fosile për rrjetin dhe transaksionet Bitcoin, veçanërisht qymyri i cili ka emetimet më të këqija se çdo lëndë djegëse tjetër.

Kriptomonedhat janë një ide e mirë në shumë nivele dhe në besojmë se ai ka një të ardhme premtuese, por kjo nuk mund të vijë si një kosto e madhe për mjedisin”- shkroi Musk.

“Pas errësirës gjithmonë vjen drita”, Kryemadhi urim për besimtarët: Sot është dita e krijimit të një fryme të re për të cilën qytetarët kanë nevojë 0 12

Kryetarja e Lëvizjes Socialiste për Integrim, Monika Kryemadhi ka uruar besimtarët myslimanë për festën e Fiter Bajramit.

Në një prononcim për mediat, ajo ka thënë se pas errësirës vjen drita dhe uroi që për shqiptarët të vijë frymë e ndryshim i ri, për të cilën sipas saj, qytetarët kanë nevojë.

“Sot kemi një ditë pak gri, por gjithmonë pas errësirës vjen drita dhe ajo që dua të theksoj sot në këtë ditë Fiter Bajrami, dua t’ju uroj gjithë shqiptarëve pas një muaji stërmundimesh dhe agjerimesh për të shlyer të gjitha mëkatet e jetës.

Sot është dita e madhe e krijimit të një jete të re, e krijimit të një fryme të re, e një begatie dhe një solidariteti, për të cilën sot shqiptarët kanë nevojë më shumë se kurrë. 

Do doja që tju uroja gjithë shqiptarëve këtë Fiter Bajram, jo vetëm shqiptarëve myslimanë, por të gjithë shqiptarëve kudo që janë. Sepse në këto ditë të rëndësishme të bashkimit, që janë ditët më të rëndësishme për familjen shqiptare, për atë institucion që është shumë më i rëndësishëm se çdo gjë tjetër.

Besimi në Zot është ajo që u jep kurajon dhe forcën. Na jep forcën për tu ngritur, na jep forcën për të përballuar sfidat dhe na jep forcën për të gjetur sfida të reja, jetë të re, angazhime të reja, të cilat janë të domosdoshme për të gjithë ne. Faleminderit, gëzuar dhe për shumë vjet tē gjithëve.”, u shpreh Kryemadhi.