Aktuale, Kryesoret

Hapen auditoret për provime, Ministria e Arsimit jep udhëzime për universitetet 0 53

Ministria e Arsimit ka bërë të ditur kushtet për mbajtjen e provimeve në salla pas dritës jeshile që dha sot Komitetit Teknik i Ekspertëve.

Ministrja, Evis Kushi bëri të ditur se disa nga kushtet kryesore janë që në sallë të mos ketë më shumë se 15 studentë, kohëzgjatja e provimit të mos jetë më shumë se sa 1 orë dhe të mbahen maska.

“Çdo universitet sa më shpejt të jetë e mundur duhet të përgatisë një rregullore më të detajuar për studentët dhe pedagogët”, deklaroi znj. Kushi.

Provimi mund të zhvillohet në auditor në kushtet specifike kur provimi nuk mund të zhvillohet online.

Nga ana tjetër ministrja tha se studentët që nuk duan apo që nuk kanë mundësi të marrin pjesë në këtë sezon provimesh, nuk duhet të paralizohen.

Znj. Kushi u kërkoi universiteteve që të shohin edhe mundësinë e një sezoni shtesë për ata studentë që nuk do kenë mundësi të marrin pjesë në provimet e këtij sezoni.

Pak ditë më parë, Rektori i Universitetit të Tiranës Artan Hoxha i drejtoi një kërkesë Ministrisë së Arsimit dhe Komitetit Teknik të Ekspertëve që të lejohej zhvillimi i provimeve në autoritare për disa lëndë specifike.

Nisur nga situata e pandemisë, mësimi në universitete gjatë këtij viti shkollor është mbajtur vetëm online./euronews

Leave a Reply

Your email address will not be published. Required fields are marked *

“Është në dëm të mjedisit”, Elon Musk bën njoftimin: Makinat e Tesla-s nuk mund të blihen me Bitcoin 0 12

 

Kompania e makinave elektrike Tesla, ka pezulluar blerjen e automjeteve të tyre, përmes parasë elektronike Bitcoin.

Lajmi është bërë i ditur nga themeluesi i kompanisë, Elon Musk. Në një postim në rrjetin social “Tëitter”, ai thotë se mbetet shqetësuese rritja e shpejtë e përdorimit të Bitcoin, e këtë e arsyeton si një dëm për mjedisin.

“Ne jemi të shqetësuar rreth rritjes së shpejtë të përdorimit të lëndës djegëse fosile për rrjetin dhe transaksionet Bitcoin, veçanërisht qymyri i cili ka emetimet më të këqija se çdo lëndë djegëse tjetër.

Kriptomonedhat janë një ide e mirë në shumë nivele dhe në besojmë se ai ka një të ardhme premtuese, por kjo nuk mund të vijë si një kosto e madhe për mjedisin”- shkroi Musk.

“Pas errësirës gjithmonë vjen drita”, Kryemadhi urim për besimtarët: Sot është dita e krijimit të një fryme të re për të cilën qytetarët kanë nevojë 0 12

Kryetarja e Lëvizjes Socialiste për Integrim, Monika Kryemadhi ka uruar besimtarët myslimanë për festën e Fiter Bajramit.

Në një prononcim për mediat, ajo ka thënë se pas errësirës vjen drita dhe uroi që për shqiptarët të vijë frymë e ndryshim i ri, për të cilën sipas saj, qytetarët kanë nevojë.

“Sot kemi një ditë pak gri, por gjithmonë pas errësirës vjen drita dhe ajo që dua të theksoj sot në këtë ditë Fiter Bajrami, dua t’ju uroj gjithë shqiptarëve pas një muaji stërmundimesh dhe agjerimesh për të shlyer të gjitha mëkatet e jetës.

Sot është dita e madhe e krijimit të një jete të re, e krijimit të një fryme të re, e një begatie dhe një solidariteti, për të cilën sot shqiptarët kanë nevojë më shumë se kurrë. 

Do doja që tju uroja gjithë shqiptarëve këtë Fiter Bajram, jo vetëm shqiptarëve myslimanë, por të gjithë shqiptarëve kudo që janë. Sepse në këto ditë të rëndësishme të bashkimit, që janë ditët më të rëndësishme për familjen shqiptare, për atë institucion që është shumë më i rëndësishëm se çdo gjë tjetër.

Besimi në Zot është ajo që u jep kurajon dhe forcën. Na jep forcën për tu ngritur, na jep forcën për të përballuar sfidat dhe na jep forcën për të gjetur sfida të reja, jetë të re, angazhime të reja, të cilat janë të domosdoshme për të gjithë ne. Faleminderit, gëzuar dhe për shumë vjet tē gjithëve.”, u shpreh Kryemadhi.