“Gruaja jote nuk të respekton”, aktori i famshëm tregon mesazhet ofenduese nga ylli i basketbollit 0 13

Aktori Michael Rapaport ka publikuar në rrjetet sociale disa mesazhe fyese dhe kërcënuese që ka marrë nga ylli i basketbollit amerikan, Kevin Durant.

“Marr kërcënime dhe mesazhe të neveritshme çdo ditë, por as në ëndrrat më të çmendura nuk pretendoja që njëri prej dërguesve të këtyre mesazheve të ishte Kevin Durant. Ai po më kërcënon, po merret me gruan time dhe do të ndeshet me mua”, tha Rapaport.

11 herë i përzgjedhuri për “All Star Game” përdori një fjalor homofob në mesazhet e tij: “Do të të pështyj në surrat po të pashë në rrugë. Më thuaj adresën e shtëpisë dhe i rregullojmë gjërat nesër. Ti je një bushtër e bardhë, merr pak diell se do t’i bëjë mirë trurit”.

Pas publikimit të këtyre mesazheve, basketbollisti u kritikua shumë dhe u detyrua që të kërkojë falje: “E vërtetë, unë i dërgova ato mesazhe. Kërkoj ndjesë. Ju siguroj që kurrë nuk do takohesha me dikë për t’u rrahur rrugëve”.

Leave a Reply

Your email address will not be published. Required fields are marked *

Prokuroria e Kukësit shpall në kërkim ndërkombëtar Fjolla Morinën 0 1

Prokuroria pranë Gjykatës së Shkallës së Parë në Kukës ka bërë kërkesë për shpalljen në kërkim ndërkombëtar për këngëtaren nga Kosova Fjolla Morina, e dënuar me 25 mars nga Gjykata e Shkallës së Parë në Kukës me 6 vjet burgim për “trafik të armëve dhe municionit”.

Morina, e cila u largua në fillim të këtij viti nga banesa në Kukës ku qëndronte në arrest shtëpie, ka qenë në kërkim vetëm në Shqipëri. Kërkesa bashkë me materialin përkatës është nisur të martën në drejtim të Prokurorisë Përgjithshme dhe është firmosur nga prokurori Edmond Karriqi. Prokuroria e Përgjithshme është ajo që vendos nëse kërkesa do të miratohet.

Nuk është e qartë nëse Morina do të shpallet në kërkim ndërkombëtar pa mbaruar gjykimi i saj në Apel. Morina u dënua në 25 mars nga Gjykata e Kukësit me 9 vite burgim, që pas zbritjes së 1/3 prej gjykimit të shkurtuar u bënë 6 vjet. Prokuroria kishte kërkuar vetëm 7 vjet për Morinën, por gjykata u tregua më e ashpër. Gjykata më herët ndryshoi edhe klasifikimin e veprës penale nga armëmbajtje pa leje në trafikim të armëve që e rëndoi pozitën e këngëtares.

E pyetur nga BIRN mbi shpalljen në kërkim avokatja e këngëtares Aurora Guska i tha BIRN se kërkesa e prokurorisë nuk mund të kundërshtohej dhe se ishte e drejtë e atij institucioni ta bënte. Ajo tha se kërkesa duhej të ishte sekrete. Por Guska pretendon se klientja e saj është e pafajshme për akuzën për të cilën është dënuar dhe kërkon në Apel që dënimi ndaj saj të zbutet.

Super League mund të dështojë pa nisur 0 1

Po sikur Super League të dështojë ende pa nisur? Ky skenar i bujshëm vjen në faqet e prestigjozes “Times”, që minon siguritë e ideatorëve dhe themeluesëve kryesorë të turneut, që ka tronditur nga themelet futbollin europian. Duke qëndruar në atë që rsporton e përditëshmja angleze, një prej gjashtë klubeve të Premier League po mendon seriozisht të tërhiqet nga projekti.

Pa përmendur emrin, “Times” bën të ditur se prej ditësh së djeshme po zhvillohen bledhje të vazhdueshme për të vendosur hapat që do të merren më pas. Gazeta citon burime të saj të mirë informuara. Sipas tyre, drejtuesit e klubit janë të shqetësuar nga reagimet e ashpra që pasuan njoftimin për krijimin e Super League. Shqetësimi më i madh vjen pas kundërshtimeve të tifozëve që nuk e kanë pritur aspak mirë këtë vendim. Në këtë mënyrë, sipas “Times” ky projekt mund të dështojë që në fillim.