Greqia shtyn masat kufizuese me Shqipërinë deri më 30 nëntor 0 35

Qeveria greke ka ri shtyrë deri në datën 30 nëntor masat kufizuese me Shqipërinë,Maqedoninë e Veriut,Turqinë dhe Kosovën.

Sipas njoftimit të qeverisë greke,deri në datën 30 mbetet në fuqi memorandumi që lejon kalimin në kufi vetëm personat me leje qëndrimi në Greqi,ata që janë shtetas grekë,shoferët e  kamionëve të transportit,diplomatët,ambulancat,mjetet e EULEX,si dhe punonjësit sezonalë që hyjnë në vend për të punësuar në sektorin e bujqësisë.

Ndalohet hyrja në Greqi për qëllime turistike.

Të gjithë qytetarët që hyjnë në Greqi duhet të kenë një test negativ Covid-19, të bërë jo më shpejtë se 72 orë nga hyrja në vend,të kenë të plotësuar formularin pfl jo më vonë se 24 orë nga hyrja në vend.

Të gjithë udhëtarët nga këto vende do të duhet të qëndrojnë në karantinë për 7 ditë në banesat e tyre.

Tashmë edhe për të udhëtuar drejt këtyre vendeve,do të duhet plotësuar formulari pfl.

Po ashtu,masa kufizuese janë vendos edhe për furgonat në të cilat nuk mund të udhëtojnë më shumë se 2 persona veç shoferit dhe me detyrimin e mbajtjes se maskës,si dhe autoveturat,në të cilat nuk mund të udhëtojnë më shumë se 1 person veç shoferit.

Përjashtim bëjnë rastet që udhëtarët janë të afërm të brezit të parë(familjarë)

Çdo rast i shkeljes së këtyre rregullave,do të gjobitet me 300 euro për çdo person,ndërsa bizneset  me 500 euro.

Sipas qarkores së dërguar në pikat kufitare të vendit,shoferët e kamionëve duhet të udhëtojnë të vetëm në kabinën kamionit./T.Ch

Leave a Reply

Your email address will not be published. Required fields are marked *

‘Fëmijët po infektohen në masë nga Covid-19’, mjekja shqiptare PARALAJMËRON prindërit, ja çfarë doli nga testi i 9-vjeçares 0 12

Kohët e fundit ka pasur një rritje të numrit të moshave të reja, të infektuar me koronavirus.

Po ashtu, është ngritur alarmi për shtimin e numrit të fëmijëve të shtruar te Pediatria në QSUT, të cilat janë infektuar me Covid-19.

Mjekja Lida Shosha ka bërë thirrje që të tregohet mjaft kujdes edhe ndaj fëmijëve, pasi janë po aq të rrezikuar nga virusi sa të rriturit.

Përmes një postimi në rrjetet sociale, ajo ka publikuar rezultatin e testit serologjik të një 9-vjeçareje, e cila edhe pse ka pasur mjaft anti-trupa për shkak të infektimit të parë, është riifektuar me koronavirus.

Postimi i plotë

Femijet po infektohen ne masë. Kujdes!!! Femijet infektohen dhe transmetojne covidin. Mbroni jeten e femijeve tuaj. Ndonese mund te kene antikorpe te bollshme, pasi mund ta kene kaluar pa u ndjere mund te ri-infektohen perseri.

Merni ne konsiderate Covidin vec gripit stinor. Bejini tampon femijeve. Ne te njejten dite, serologjia 178.4 {numer shume i larte antikorpesh, qe normalisht duhet te mbronin nga nje ri- infektim) të fëmijës.

Tamponi +++ , ne te njejten dite, konfirmon kliniken e #riinfektimit nga Covid, me temperature te larte, kolle, lodhje te femijes dhe alterim te ndjeshem te PCR, sedimentit, leukociteve, D-Dimerit.

//NewsBomb

70-vite nga pushkatimi pa gjyq të 22 intelektualëve, Meta me mesazh të fortë: Më 25 prill triumfi i demokracisë dhe votës së lirë 0 12

Presidenti Ilir Meta ka reaguar përmes një postimi në facebook lidhur me 70-vjetorin e pushkatimit pa gjyq të 22 intelektualëve, të ekzekutuar me akuzën e stisur të hedhjes së një bombe në ish-Legatën Sovjetike në Tiranë. Ndërsa e konsideron ngjarjen një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Meta ndër të tjera Meta se “një popull që fle në demokraci, rrezikon që një ditë të zgjohet në diktaturë”.

“Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës.”- shkruan Meta, në postimin e tij.

Postimi i plotë:
Me akuzën e stisur të hedhjes së një bombe në ish-Legatën Sovjetike në Tiranë, sot mbushen 70 vjet nga dita kur 22 intelektualë të shquar, qytetarë të pafajshëm, të ndershëm dhe atdhetarë, të lidhur tok me tela me gjëmba, u ekzekutuan barbarisht me pushkatim, pa gjyq.

Kjo masakër e llahtarshme, e kryer brenda një nate, simbol i terrorit ndaj mendimit ndryshe, është një nga krimet më të rënda shtetërore të atij sistemi, që kurrë nuk duhet të harrohen, për të mos lejuar më të tilla tragjedi të përsëriten në të ardhmen.

Duke nderuar kujtimin e viktimave të pafajshme Sabiha Kasimati, Tefik Shehu, Pjetër Guraziu, Jonuz Kaceli, Anton Delhysa, Haki Kodra, Gafur Jegeni, Myftar Jegeni, Manush Peshkëpia, Reiz Selfo, Qemal Kasaruho, Zyhdi Herri, Gjon Temali, Petro Konomi, Niko Lezo, Pandeli Nova, Thoma Katundi, Mehmet Shkupi, Ali Qorralliu, Fadil Dizdari, Hekuran Troka dhe Lluka Rashkoviç, masakra e 26 shkurtit 1951, na kujton sot se demokracia duhet të mbrohet çdo ditë dhe me çdo sakrificë.

Sepse “një popull që fle në demokraci, rrezikon që një ditë të zgjohet në diktaturë”.
Ndaj 25 prilli do të jetë Dita e Triumfit të Demokracisë dhe Fuqisë së Votës të çdo qytetari të Republikës. 🇦🇱