Gjykata e Posaçme i kthen makinën e blinduar Lulzim Berishës 0 18

Gjykata kundër Korrupsionit dhe Krimit të Organizuar i ka kthyer makinën e blinduar ish të dënuarit Lulzim Berisha, e cila i ishte bllokuar nga OFL gjatë aksionit për verifikim të pasurisë.

Sipas informacioneve, makina i është kthyer Berishës, pasi ajo rezulton të jetë me dokumenta të rregullta.

Lajmi është konfirmuar nga avokati i Lulzim Berishës, Detar Hysi, i cili thekson se nuk është gjetur asgjë e cila është në kundërshtim me ligjin./ Opinion.al

Leave a Reply

Your email address will not be published. Required fields are marked *

“Shqiponjat” neutralizojnë shkodranin me precedent kriminal, qarkullonte me armë zjarri të mbushur gati për qitje 0 7

Policia e Shkodrës ka finalizuar operacionin “KOMANI”, duke arrestuar një 50-vjeçar me precedent kriminal dhe sekuestruar jë armë zjarri pistoletë me një karikator me fishekë luftarak.

Operacioni është kryer nga forcat “Shqiponja” dhe Policia e Shkodrës, të cilat kanë parë se 50-vjeçari qarkullonte me armë zjarri me fishek në fole gati për qitje.

Njoftimi i policisë:

Operacioni nga strukturat hetimore të DVP Shkodër, në bashkëpunim me Patrullat e Përgjithshme në Komisariatin e Policisë Shkodër dhe “Shqiponjat”.

Qarkullonte me armë zjarri me fishek në fole gati për qitje, kapet dhe arrestohet në flagrancë 50-vjeçari.

50-vjecari me precedent kriminal në fushën e krimeve ndaj personit dhe të armëmbajtjes pa leje. Sekuestrohen një armë zjarri pistoletë me një karikator me fishekë luftarak.

Strukturat Hetimore të DVP Shkodër, në bazë të informacioneve të marra në rrugë operative për një person me precedent kriminal që po qarkullonte me armë zjarri me vete, kanë organizuar punën dhe në bashkëpunim të ngushtë me Komisariatin e Policisë Shkodër dhe “Shqiponjat” organizuan dhe finalizuan operacionin policor të koduar “KOMANI”, në kuadër të të cilit u kap dhe u arrestua shtetasi:

L. M., 50 vjeç, banues në Dobrac, Shkodër, i dënuar në vitin 2004 për plagosje dhe në vitin 2012 për armëmbajtje pa leje. Ky shtetas u kap gjatë operacionit, në lagjen “Guerrile”, në rrugën “Komani”, Shkodër, duke qarkulluar me një armë zjarri pistolete me fishke në fole gati për qitje. Materialet iu referuan Prokurorisë së Rrethit Gjyqësor Shkodër, për veprën penale “Armëmbajtja pa leje”.

(BalkanWeb)

Foto e 27-vjecarit të vrarë me tetë plumba në Vlorë, policia nis hetimet 0 23

Benjamin Boshani është i riu i ekzekutuar mbrëmjen e sotme në Vlorë. Ngjarja ka ndodhur në Fushë Dukat, në afërsi të Orikumit.

Viktima mësohet se është qëlluar me 8 plumba. Ai ka qenë në makinën e tij kur i është bërë atentati.

Dyshohet se i riu ka pikasur atentatorët dhe ka tentuar të largohet me makinën e tij por pa ia arritur qëllimit, pasi e kanë qëlluar me breshëri

Në kohën që makina ka dalë jashtë rruge dhe kanë qenë qytetarët më pas që kanë telefonuar policinë e Vlorës për mjetin dhe se brenda tij gjendej një person i pajetë.

Policia ka kryer veprimet paraprake hetimore në vendin e ngjarjes, teksa janë ngritur postblloqe në aksin Vlorë-Orikum për identifikimin dhe kapjen e autorëve.