Fruti me ‘shumë kokrra’ që shëron tre sëmundje/ Kjo moshë duhet ta konsumojë patjetër… 0 57

Vjeshta konsiderohet si “stina e virozëve”, por fati ynë është se në këtë periudhë të artë të vitit, kemi edhe një mori frutash mjaftë të dobishme, vitaminat e të cilave janë ilaçe natyrore.

Ndaj nuk është e nevojshme që të vrapojmë drejt banaqeve të farmacive për të mbushur qeset me ilaçe, sepse mjafton të hedhim pak sytë rreth e rrotull dhe do të shikojmë se mjekimet dhe barnat na i ofron me bujari natyra.

Mjafton të mos nxitohemi kur jemi pak pa qejf dhe të lexojmë, pasi frutat janë aty.

E tillë është edhe shega, ose “fruti i bollëkut” ose fruti me “shumë kokrra”, e cila sjell përfitime të mëdha për shëndetin tonë.

Një studim i fundit zviceran ka vërtetuar se antioksidanti tanina, që gjenden tek shega me shumicë konvertohet në sistemin e tretjes në një kompleks që duket se ngadalëson plakjen mitokondriale, një proces natyral që dobëson qelizat dhe shkakton humbjen e masës dhe fuqisë së muskujve me kalimin e viteve.

Nisur nga kjo, gjatë viteve janë bërë shumë kërkime shëndetësore për shegët dhe shumë prej tyre janë kundërshtuar.

Në vitin 2016, “Komisioni Federal i Tregtisë” dhe një gjykatë federale amerikane ndaluan kompaninë “POM Wonderful” që prodhonte lëng shege, që të bënte reklama të cilat thonin se produktet e saj mund të zvogëlonin rrezikun e sëmundjeve të zemrës, kancerit të prostatës dhe mosfunksionimit erektil.

Tani, megjithatë, të paktën një kërkesë shëndetësore është verifikuar. Ellagitanina, substanca që gjendet në një varietet të frutave dhe arrave, por veçanërisht të përqendruar tek shegët, konvertohet në një përbërje të quajtur urolithin A (UA) në zorrën e njeriut.

Muskujt fillojnë të dobësohen dhe humbasin forcën dhe masën tek njerëzit mbi moshën 50 vjeç, por një studim i ri ka gjetur se “UA” mund të stimulojë biogjenezën mitokondriale, duke përmbysur kështu efektet e pashmangshme të plakjes në qeliza. /Iconstyle

Leave a Reply

Your email address will not be published. Required fields are marked *

Meta uron Fiter Bajramin nga KMSH: Sakrifica e besimtarëve myslimanë të na frymëzojë për një shoqëri më të drejtë e njerëzore! 0 8

Presidenti Ilir Meta ka zhvilluar sot një vizitë në Komunitetin Mysliman të Shqipërisë, prej ku ka uruar festën e Fiter Bajramit për të gjithë besimtarët, por edhe për të gjithë qytetarët shqiptarë.

Meta është shprehur, në një prononcim për media pas vizitës në KMSH, se sakrificat e besimtarëve myslimanë duhet të frymëzojnë të gjithë qytetarët për një shoqëri më solidare, më të drejtë e më të bashkuar.

“Ishte kënaqësi për të uruar sot vëllezërit e komitetit tonë mysliman me rastin e festës së Fiter Bajramit, duke uruar të gjithë besimtarët, por edhe qytetarët shqiptarë, për të vlerësuar sakrificat e tyre, sidomos gjatë kësaj periudhe të vështirë, edhe për shkak të pandemisë. Shprehim mirënjohje edhe për ndihmat që ata kanë dhënë për të sëmurët, të varfrit. Urojmë që këto sakrifica të na frymëzojnë të gjithëve për një shoqëri më solidare, më të drejtë, më njerëzore, më të bashkuar dhe më në paqe”, tha Meta.

I pyetur nga gazetarët nëse do të paraqitet në seancën dëgjimore në Komisionin Hetimor për shkarkimin e tij, Meta u përgjigj shkurtër: “Vazhdojmë festën dhe mbarësi e gëzim të gjithëve”.

Kryeministri Kurti uron Fiter Bajramin: Reflektimet nga ky muaj të na shoqërojnë përgjatë vitit, të shumëfishojmë lumturinë! 0 5

Kryeministri i Kosovës, Albin Kurti, ka uruar Fitër Bajrami, duke thënë se mbarësia e kësaj dite le të vulos besimin se çdoherë mund të japim më shumë sesa që marrim.

“Në mesin e begative të festës së Bajramit le t’i kujtojmë kufizimet e përjetuara gjatë Ramazanit, ashtu që reflektimet nga ky muaj të na shoqërojnë përgjatë gjithë vitit. Në këtë ditë feste, le të shumëfishojmë lumturinë duke e ndarë me të tjerët, duke uruar më të mirat për njëri-tjetrin dhe duke u kujdesur për shëndetin e njëri-tjetrit”, ka shkruar Kurti.

Kurti ka shtuar se kjo festë qoftë gëzim për të gjithë.

“Qofshin zemrat tuaja gjithmonë burim shprese! Qoftë kjo festë gëzim për të gjithë”, ka shkruar Kurti.