FOTO/ Kapiteni i Napolit nderon Maradonën, e bën tatuazh në këmbën e majtë 0 29

Kapiteni i Napolit, Lorenzo Insigne ka nderuar legjendën e ekipit, Diego Armando Maradona duke e bërë tatuazh në këmbën e majtë.

Insigne sot mban në fanellë numrin 10-të që dikur e mbante Maradona në fanellën e kaltër. Napoli vetë e nderoi legjendën duke i ndërruar emrin stadiumit ”San Paolo” në ”Diego Armando Maradona”.

Maradona ndërroi jetë në nëntor nga një atak kardiak pasi kishte kryer një operacion në tru. Ai vdiq në moshën 60-vjeçare duke tronditur gjithë botën e futbollit për shkak të reputacionit, famës dhe talentit të jashtëzakonshëm që ai kishte në fushën e lojës.

foto galeri

foto galeri

 

 

 

(BalkanWeb)

Leave a Reply

Your email address will not be published. Required fields are marked *

Merret vendimi: Ky është fakulteti i parë ku studentët do ti bëjnë provimet online 0 3

Fakulteti i Gjuhëve të Huaja është i pari që ka vendosur zyrtarisht të mbajë provimet e sezonit online, pavarësisht se studentët kanë kërkuar të kundërtën.

Pas një takimi disa ditë më parë me drejtuesen e Komitetit Teknik, Mira Rakacolli, studentët deklaruan se kanë kërkuar rikthimin në auditore, të paktën për provime dhe praktika mësimore.

“Takimi shkoi mirë, i thamë që kërkojmë mësimin nëpër auditore, për seminare për praktika dhe laboratore. Kërkesat janë dorëzuar që ditën e hënë, dhe siç na është thënë dhe që në fillim brenda 10 ditësh presim një përgjigje. Sot është dita e katërt, kështu që brenda javës tjetër do të kemi një përgjigje zyrtare. Profesoreshë Mira Rakacolli iu drejtohet studentëve që nëse auditoret do të rihapen, duhet të kemi një bashkëpunim që studentët të mos jenë burim infeksioni” u shprehën studentët.

Pavarësisht shqetësimit të studentëve, Fakulteti i Gjuhëve të Huaja ka vendosur që provimet të bëhen online./fastness

Moti i keq pushton vendin/ Rrëshqitje dherash dhe gurësh, izolohen 20 fshatra. Prej 24 orësh pa drita 0 3

Një nga zonat ku krijohen më shumë probleme për shkak të motit të keq në vendin tonë është dhe qarku i Dibrës.

Si pasojë e reshjeve të dendura të shiut, aksi Peshkopi-Kukës është bllokuar nga rrëshqitja e gurëve.

Konkretisht në vendin e quajtur Shumak ka rrëshqitur dheu e gurët si dhe janë të izoluar 20 fshatra, njësia Sllove dhe Kalaja e Dodës.

Të gjitha këto zona, kanë mbetur dhe pa energji elektrike që nga mbrëmja e ditës së kaluar, 25 janar. Kjo zonë ka edhe reshje dëbore gjithashtu si dhe prurje të mëdha. Konkretisht në hidrocentralin e Ulzës e në Shkopet shkarkohen 500 m3 ujë në sekondë.

Sot, moti parashikohet të jetë me reshje shiu, por me pauza të herëpashershme duke sjellë dhe kthjellime. Përmbytje të shumta ka pasur në Durrës, Fushë Krujë e Shkodër./fastnews