Formula 1, shpërthen në flakë makina e pilotit francez 0 50

Ka qenë një nisje shokuese ajo e garës së Formula 1 për Gran Premio në Bahrein. Pas hapjes së semaforit të gjelbër, makina e Romain Grosjean shkon në krye të rreshtit e më pas përplaset pas mbrojtëseve duke shpërthyer në flakë. Piloti francez ka dalë nga mjeti dhe është dërguar me ambulancë në qendrën mjekësore.

Ndërkohë menjëherë u ngrit flamuri i kuq dhe të gjitha makinat janë kthyer në bosket e tyre.

Gjithçka ka ndodhur në xhirot e para, menjëherë pas nisjes. Makina Haas e Romain Grosjean duke mos gjetur hapësirë në të majtë është devijuar befas në të djathtë. Por pikërisht në atë moment është prekur nga pjesa e pasme e Alpha Tauri të drejtuar nga Daniil Kvyat, që e ndiqte. Makina e pilotit rus është gjetur befasisht në mes dhe ka maonovruar duke e spostuar Haas-in në mënyrë tangente. Mjeti i Grosjean është përplasur me murin mbrojtës që është ndarë në dy pjesë, ndërkohë që makina ka marr flakë. Fatmirësisht francezi ka arritur të dalë edhe falë ndërhyrjes së shpejtë të sigurisë.

Përmes një njoftimi në tuiter skuadra bën me dije se Romain ka disa dëmtime të lehta në duar dhe kavilje, por është mirë. Ai do të çohet në spital për parë nëse ka fraktura./Opinion.al

Leave a Reply

Your email address will not be published. Required fields are marked *

Ardian Bujupi përfundon në spital dhe ka një mesazh për të gjithë 0 6

Gjatë muajve të parë të këtij viti, Ardian Bujupi ka qenë një nga këngëtarët më aktivë. Ai ka publikuar deri më tani 3 projekte dhe ka paralajmëruar se për pak ditë do të lançojë këngën e re “Baila Morena” në bashkëpunim me Ivi Cruz. Mirëpo ndërkohë që të gjithë fansat po presin me padurim këtë projekt të ri, Ardiani ka kaluar një situatë të sikletshme.

Së fundmi këngëtari ka zbuluar se ka përfunduar në spital. Ai ka publikuar një foto duke marrë një serum dhe në njërën prej tyre ka shkruar: “Overdozë”. Pasi gjendja e tij është përmirësuar, këngëtari ka publikuar një foto të tij, në të cilën duket paksa i lodhur në fytyrë. Megjithatë, ai ka dhënë mesazhin se nuk ka gjë që e ndal, madje as problemet shëndetësore.

I urrej spitalet. Nuk mund të më mundni. Askush nuk mund të më ndalë, madje as trupi im. Ju uroj të gjithëve një ditë të shëndetshme”, ka shkruar Ardiani përkrah fotove nga spitali.

Vritet një tjetër person me ngjyrë në SHBA, shpërthejnë protesta në Mineapolis 0 9

Në periferi të qytetit Mineapolisit të SHBA-së gjatë natës shpërthyen protesta pasi një oficer policie qëlloi për vdekje një 20-vjeçar me ngjyrë. Më 11 prill, policia hodhi gazlotsjellës ndaj qindra njerëzve të mbledhur jashtë stacionit të policisë në qytetin e Brooklyn Center, në veriperëndim të Minneapolis.

Protestuesit qëlluan me gurë dy automjete të policisë. Departamenti i Policisë tha se oficerët ndaluan një burrë për shkelje të rregullave të trafikut, para se të zbulonin se ndaj tij kishte një urdhër arresti.

Sipas njoftimit, kur policia u përpoq ta arrestonte, ai hyri përsëri në automjet dhe u largua. Një oficer më pas qëlloi shoferin, i cili udhëtoi disa blloqe para se të përplaset me një automjet tjetër. Ai u shpall i vdekur në vendin e ngjarjes.

Burri është identifikuar nga të afërmit si 20-vjeçari, Daunte Uright. Guvernatori i Minesotës, Tim Walz, tha se ai ishte “duke vëzhguar nga afër situatën” dhe po lutej për familjen Ëright.

Në këtë vend gjithashtu po mbahet gjykimi ndaj një ish-oficeri, Derek Chauvin, i cili po gjykohet për vrasjen e një njeriu me ngjyrë, George Floyd. Oficeri është arrestuar gati një vit më parë.

Floyd, 46 vjeç, u vra gjatë një arrestimi në Minneapolis në muajin maj 2020, duke shkaktuar protesta në të gjithë Shtetet e Bashkuara kundër brutalitetit të policisë.

Polici u pa në një video duke bërë presion me gju në qafën e Floyd për më shumë se nëntë minuta, ndërsa afrikano-amerikani gulçonte dhe ankohej vazhdimisht se “nuk mund të marrë frymë”.