Dështimi i Super League po jetohet si një revansh personal nga presidenti i UEFA-s, Alexander Ceferin. Pas deklaratave të para, të gjithë në një linjë institucinale, numri një qeverisë europiane të futbollit është kthyer në sulm kundër klubeve “rebelë”. “Sipas meje, nuk ka pasur kurrë një Super League. Ishte një tentativë për të krijuar një Ligë për të pasurit që nuk do të ndiqte asnjë sistem, që nuk do të llogariste piramidën e futbollit në Europë, traditën dhe kulturën e tij” ka thënë Ceferin, që më pas ka ironizuar ideatorët e tentativës së dështuar për krijimin e një kompeticioni të ri.
Sot një klub më dërgoi programin e ndeshjeve të Super League. Ishte shumë I këndshëm, sepse luanin çdo ditë vetëm Real Madrid dhe Juventus”, vijoi presidenti i UEFA në intervistën e tij për një televizion slloven. Ceferin ka folur edhe për mundësinë e penalizimeve për 12 klubet themelues të Super League. “Trupa jonë legale po punon për këtë çështje. Ka një mundësi shumë të vogël që Real Madrid të përjashtohet nga Champions. Rrezikojmë që televizionet të kërkojnë dëmshpërblim nëse nuk luhen gjysmëfinalet. Por në të ardhmen do të jetë ndryshe. Personalisht nuk do të kem kurrë më raporte me disa persona”, është shprehur Ceferin.
Atletico Madrid dhe Milan largohen përfundimisht nga ‘’Super League’’. Ato kanë ndjekur shembullin e 6 klubeve të tjera angleze dhe të Interit pak më parë.
Ndërkohë pjesë e projektit kanë ngelur ende Real Madrid, Juventus dhe Barcelona. Ndërkohë Presidenti i Juventusit, Andrea Angelli ka deklaruar se ky projekt nuk mund të vijojë më.
Këmbëngulës mbetet vetëm presidenti i madrilenëve, Florentino Perez i cili theksoi se marrëveshja e klubeve nuk mund të thyhej lehtë, ndërsa Barcelona ende nuk e ka thënë fjalën e saj.