EMRAT/ Protesta për vrasjen e Klodian Rashës, Policia: Arrestohen 3 organizatorë nga Tirana e Durrësi, ja 6 akuzat që rëndojnë mbi ta 0 28

Policia ka dhënë njoftim zyrtar mbi arrestimet, shpalljet në kërkim dhe procedimet lidhur me protestën e djeshme për vrasjen e Klodian Rashës në Tiranë.

Sipas njoftimit zyrtar, janë arrestuar 3 organizatorë të protestës, një 21-vjeçar dhe 29-vjeçar nga Tirana si dhe një 23-vjeçar nga Durrësi. Gazetarja Doriana Bezat bën me dije se të arrestuarit janë: Robert Poshnjari, Altin Koçi dhe Vilson Kulemani si dhe janë shpallur në kërkim Akimed Lusha, Darvin Zalla, Arbër Koka, Klint Lamaj, Admiral Rama, Din Dogjani, Blerim Hoti dhe i mituri me iniciale F.B.

Mbi ta rëndojnë 6 akuza tashmë nga organizimi një tubimi të paligjshëm deri tek mosbindja ndaj urdhërit të Policisë.

Ndër të tjera janë proceduar edhe 4 persona kurse në kërkim janë shpallur 8 të tjerë, mes tyre Stresi.

 

 

NJOFTIMI NGA POLICIA

Tiranë

Organizuan grumbullim dhe manifestim të paligjshëm, arrestohen në flagrancë 3 shtetas, procedohen në gjendje të lire 4 shtetas, si dhe shpallen në kërkim 8 shtetas të tjerë.

Specialistët për Hetimin e Krimit në Komisariatin e Policisë Nr. 1, në përfundim të veprimeve të kryera në lidhje me protestën e paligjshme të zhvilluar në Bulevardin “Dëshmorët e Kombit,” arrestuan në flagrancë, persona të identifikuar si organizatorë, për veprat penale “Organizim dhe pjesëmarrje në tubime të paligjshme” dhe “Pengimi i qarkullimit të mjeteve të transportit” “Kundershtimi i punonjësit të policisë së rendit publik”, “Prishja e qetesise publike” “ Shkaterrimit të pronës me zjarr” dhe” Mosbindja ndaj urdhërit të punonjësit të policisë së rendit publik” shtetasit :

R.P., 21 vjeç, banues në Tiranë, A.K., 29 vjeç, banues në Durrës dhe V.K., 23 vjeç.

Si dhe u proceduan në gjendje të lire 4 shtetas dhe u shpallën në kërkim 8 shtetas.

Këta shtetas ditën e djeshme, në Bulevardin “Dëshmorët e Kombit”, kanë protestuar në mënyrë të paligjshme, duke kundërshtuar me dhunë dhe goditur me sende të forta punonjësit e policisë si dhe në vende të ndryshme kanë shkatërruar pronën shtetërore dhe atë private.

Gjithashtu kanë qëlluar herë pas herë në drejtim të forcave të Policisë, me sende të forta,lëndë piroteknike  duke lënduar 16 punonjës policie në detyrë. Punonjësit e lënduar janë efektivë të Patrullave të Përgjithshme dhe të forcës së ndërhyrjes së shpejtë.  Si dhe kanë thyer me gurë disa automjete të policisë.

Vijon puna  për identifikimin e shtetasve të tjerë të dyshuar për pjesëmarrjen në këtë tubim dhe për kryerjen e veprimeve te kundraligjshme .

Policia e Shtetit apelon për respektim në maksimum të masave kufizuese, me qëllim parandalimin e përhapjes së COVID-19, si dhe u bën thirrje qytetarëve që problematiken dhe shqetësimin që kanë ta adresojnë pranë institucioneve dhe organeve kompetente, pa krijuar grumbullime, pasi grumbullimet dhe tubimet janë në shkelje të Aktit Normativ për parandalimin e pandemisë COVID -19.

Njëkohësisht Policia u bën thirrje qytetarëve që të mos bëhen pjesë e protestave të paligjshme, pasi do të marrë masa dhe nuk do lejojë të zhvillohen protesta të tilla, ndërsa organizatorët dhe pjesëmarrësit  do të përballen me forcën e ligjit.

 

 

 

 

(BalkanWeb)

Leave a Reply

Your email address will not be published. Required fields are marked *

Nga Kosova për në Rinas dhe më pas drejt Zvicrës, udhëtimi i fundit i familjes që u shua në aksidentin në Rrugën e Kombit, në luftë për jetën fëmija i vogël 0 5

Detaje të reja dalin në dritë nga aksidenti i rëndë që i mori jetën 4 anëtarëve të një familje nga Kosova në rrugën e Kombit.

Ngjarja ndodhi mbrëmë në aksin Milot-Rubik. Viktimë e përplasjes fatale mes makinës dhe një kamioni, kanë qenë burrë e grua dhe 2 fëmijët e tyre, (djali nga martesa e parë e gruas), ndërkohë që fatmirësisht arriti që të shpëtonte vajza e vogël 3 vjeçare, e cila ndodhet në gjendje të rëndë në spitalin e Traumës.

Gazetarja Dorjana Bezat raporton për ‘BalkanWeb’ se familja me mbiemër Avdiaj ishte nisur nga Kosova për në Rinas, ku do të udhëtonin drejt Zvicrës. Ata kishin hyrë pasditen e djeshme nga pika e kalimit kufitar të Morinës, pa ditur se ky do të ishte udhëtimi i fundit për ta. Policia po heton në lidhje me zbardhjen e shkaqeve të aksidentit të rëndë.

 

 

 

 

 

(BalkanWeb)

Ana e zhveshi dhe i bëri masazh, Fatjoni e dënon: ‘Do prekësh me b*thë 10 herë…’ 0 5

Ana ka zhvilluar për të disatën herë takim me Fatjonin dhe sa kalon e më shumë takimet e tyre bëhene dhe më romantik.

Tërheqja fizike mes tyre nuk mungon dhe jo vetëm kaq, por Fationi tha se Ana po i “hy në zemër”. Ndërkohë, në takim ata kanë surprizuar, kur të ulur në një lokal, Ana i ka bërë masazh Fationit.

Fatjoni: Si je me masazhin?

Ana: Nuk jam shumë e kënaqur me atë që më kanë bërë, ty të pëlqen që të masazhojnë.

Fatjoni: Nuk e di ti si je?

Ana: Mua më pëlqen të më masazhojnë.

Ana: Fatjoni është i disponueshëm gjithmonë sidomos për relaks.

Fatjoni: Më pëlqen shumë të ledhatohem

Bora: A ka një tërheqje fizike midis jush?

Ana: Ka, nuk është  vështirë të dallohet

Fatjoni: Ajo po ngre zemrën ti thua tërheqje fizike

Ndërsa teksa po luanin bilardo. Fatjoni i jep dënim Anës 10 squats dhe i thotë disa herë që duhet të ulet aq shumë sa by*ha t’i prekë dyshemenë.