Edhe unë kam arsye të mos e dua Edi Ramën, por…”! Robert Ndrenika flet për protestën kundër vrasjes së 25-vjeçarit 0 29

Artisti i madh, Robert Ndrenika, reagon për protestën e zhvilluar prej dy ditësh në Tiranë kundër vrasjes së 25-vjeçarit Klodian Rasha nga policia.

Aktori i mirënjohur është shprehur se “Ndoshta edhe unë kam arsye të mos e dua Edi Ramën por anarshinë e URREJ!!!”

Vrasja e Klodian Rashës nga efektivi i “Shqiponjave”, pas mesnatës së të hënës, ngjalli revoltë masive te qytetarët, të cilët kanë protestuar prej dy netësh, duke sulmuar institucionet, por edhe policinë, që nga ana e saj ka përdorur disa herë gaz lotsjellës për të shpërndarë turmën./balkanweb

Leave a Reply

Your email address will not be published. Required fields are marked *

Realizohet takimi i Keshillit politik te PR me Ish Ministrin e Jashtem z Besnik Mustafaj 0 14

Keshillt politik I Partise Republikan zhvilloj takim me Ish Ministria e Jashtem Besnik Mustafaj dhe Ambasadorin Arben Cejku per te diskutuar per bllokimin e integrimit Europian te Shqiperise per 7 vite rresht nga regjimi I korruptuar i Edi Rames:
Ne fillim te fjales kryetari I PR Mediu I beri me dije Keshillit Politik situaten me kualicionin opozitar.
“Ne mund tii referohemi cdo lloj rezultati elektoral, si të Partisë Demokratike dhe të Partisë Republikane dhe partive të tjera, për të përcaktuar se ku është pesha elektorale e Partisë Republikane, ku është pesha elektorale e Partisë Demokratike, si është shtrirja gjeografike e votave të Partisë Republikane, dhe në të gjitha qarqet, se ku e ka vendin Partia Republikane, në renditjen e kandidatëve.

Ne mundësisht të gjykojmë bashkë me Partinë Demokratike se kush janë kandidaturat fituese. Për mua është shumë i rëndësishëm cdo republikan, por kur ai është fitues, ashtu sic është i rëndësishëm dhe cdo demokrat kur është fitues. Ne nuk mund ti presim rrugën një demokrati fitues, madje do ta mbështesim atë, ashtu sic besoj edhe Partia Demokratike nuk mund t`i presë rrugën një republikani kontribues dhe fitues, sepse i shërben fitores së datës 25 prill.

Marrëdhëniet e Partisë Republikane me Partinë Demokratike janë shumë më specifike se marrëdhëniet e partive të tjera. Kemi një historik 30 vjecar, e thamë dhe në aktivin që bëmë, një marrëdhënie të jashtëzakonshme që kemi krijuar me zotin Berisha, zotin Mustafaj dhe të tjerë ndër vite, por sot jemi në një përgjegjësi akoma më të madhe dhe unë jam i prirur deri në fund, si drejtues i Partisë Republikane, që ne të kemi një koalicion të përbashkët, sepse besoj që kjo është rruga e vetme për të arritur që të fitojmë zgjedhjet, por njëkohësisht duke shprehur dhe përgjegjësinë tonë, përballë cdo republikani të thjeshtë dhe demokrati që na kanë besuar ndër vitë dhe që duan që të ndryshojë kjo situatë.

Ne do të vazhdojmë aktivet nëpër rrethe dhe deklarimin e kandidatëve të Partisë Republikane dhe e them edhe njëherë, jo në dëm të koalicionit, jo në dëm të marrëdhënieve, por në shërbim të marrëdhënieve, por edhe për të qënë të përgatitur në rast të fundit, në qoftë se ne do të na duhet të dalim vetëm si Parti Republikane, gjë të cilën nuk e uroj asnjëherë.
Me tej Mediu theksoj se:
Ka 7 vjet që Rama refuzohet, se unë nuk mendoj se refuzohen shqiptarët. Ka 7 vjet që i bëhet karshillik Bashkimit Europian. Janë shtuar shumë pyetje dhe pikëpyetje, në raportet ndërmjet Shqipërisë dhe Bashkimit Europian.
Besnik Mustafaj: duke vleresuar punen e qeverise Berisha per antaresimin ne Institucionet nderkombetare Euro-Atlantike vleresoj procesin e heqjes se vizave si nje moment I rendesishem me rrugetimin Europian dhe jeten e cdo qyteyari“Ne arritëm heqjen e vizave që ishte ëndrra më e ankthshme. Ishte makthi i shqiptarëve, marrja e një vize, orët që kalonin shqiptarët para ambasadave, poshtërimin që pësonin ata para ambasadave. U arritën ato kritere që kërkoheshin, që ishin sigurimi i kufijve. Ne arritëm të hiqnim vizat, arritëm që të krijonim bindjen tek partnerët e Shqipërisë në Bashkimin Europian. Nëpër asnjë aspekt integrues nuk është bërë pengesë Hollanda. Solla shembullin e Hollandës meqë është shumë flagrant këto kohë, dhe që kryeministri e quan se është për problemet e saj të brendshme, të cilat i transpozon në platformat e zgjerimit të Bashkimit Europian”.

Pse Shqipëria është këtu ku është sot me integrimin Europian tha Mediu sepse:
Bindja ime është për shkak sepse është shkatërruar cdo lloj organizimi dhe funksionimi të shtetit. Edi Rama në mënyrë të qëllimshme ka shkatërruar institucionet. Besoj që nuk i shërben asnjë interesi të shqiptarëve, përvec interesit të pushtetit. Krimi dhe korrupsioni janë dominant dhe janë të dukshëm sot dhe me efekte jo vetëm në Shqipëri por edhe në perëndim, që ndihen nga qeveritë dhe nga qytetarët e këtyre vendeve dhe që reflektojnë pastaj dhe në marrëdhëniet me Shqipërinë. Janë detyrime të cilat janë mbivendosur qeverive socilaiste që për fatin e keq asnjëherë nuk janë marrë seriozisht, analizuar në mënyrë të përbashkët politike për të arritur në përfundime se si mund të kapërcehen këto situata.

Besnik Mustafaj: “Pra, nuk ka një perceptim të drejtë të perspektivës diplomatike nga ana e këtij kryeministri, i cili, e them me gjakftohtësinë më të madhe, realisht nuk kupton marrëdhëniet ndërkombëtare, nuk kupton cfarë është diplomacia, dhe mendon se mund ta përdorë këtë gjë për protagonizmin e tij personal, për t`u perceptuar nga publiku shqiptar me adhurim”.

Ambasadori Arben Cejku vleresoj se: “ Edi Rama me politikën e vet dhe politika e tij e jashtme ka qenë një diplomaci kryeministrore, e cila ka injoruar Ministrinë e Jashtme, pastaj ka injoruar të gjitha tezat që janë mbartur nga një ministër tek një ministër tjetër, dhe ka patur një dalje jashtë konteksti të rolit që duhet të luajë Shqipëria, si një vend anëtar i NATO-s”./albaniareport.al

Zgjedhjet e 25 Prillit/ Mediu nuk pret Bashën, prezanton kandidatët për Tiranën 0 16

Kreu i Partisë Republikane, Fatmir Mediu duket se nuk ka pritur Partinë Demokratike, por ka nxituar që të prezantojë 36 kandidatët për deputetët në Qarkun e Tiranës për zgjedhjet e 25 prillit.

Prezantimi i tyre është bërë në mbledhjen e aktivit të Tiranës. Nga ana tjetër dy forcat më të mëdha të opozitës PD dhe LSI nuk kanë vendosur ende se çdo të bëjë me aleancat.

Mbasi një pjesë e madhe e kandidatëve për deputet folën në këtë aktivitet për angazhimin e tyre në çdo zonë zgjedhore në qarkun e Tiranës fjalën e mori Kryetari I PR z Mediu i cili vlerësoi historikun dhe rolin e Partisë Republikane në këto 30 vite pluralizëm dhe më tej theksoj se:

Historia e të djathtës është histori njerëzish që e kanë krijuar atë. Nuk mund të ketë sukses një parti politike, një opozitë, në qoftë se nuk do të dijë të vlerësojë, jo vetëm historinë e vet si vlerë e shkruar e historisë , e arritjeve, por sidomos si vlerë e kapitaleve njerëzore që kanë krijuar këtë histori. Prandaj është shumë e rëndësishme që në rrugëtimin tonë për të bashkuar shqiptarët më 25 prill, të bashkojmë në radhë të parë atë që është identiteti politik i të djathtës, të përndjekurit politikë, ata që u persekutuan, pronarët, themeluesit, krijuesit, ideatorët e lëvizjeve demokratike, ata që kanë kontribuar në këto 30 vite, ata që kanë realizuar arritje, ata të cilët janë një potencial i jashtëzakonshëm intelektual, por dhe politik dhe elektoral, jo vetëm për Partinë Republikane, por për Partinë Demokratike dhe gjithë opozitën. Të bashkojmë të gjithë politikën e djathtë, sepse kam bindjen që e djathta, në mënyrë të padiskutueshme, mbart më shumë vlera, në respekt të njerëzve, në respekt të vendit, në respekt të kombit, për t`a bërë Shqipërinë Europiane.

Rama po e shkatërron çdo gjë të ndërtuar në këto 30 vite sepse e ka nisur çdo gjë me zero. E kam thënë dhe po e përsëris, zeroja prodhon vetëm zero, dhe kjo është ajo që ka prodhuar Edi Rama, mohimi, përbuzja, fyerja, shkatërrimi, e ka sjellë Shqipërinë në momentet më të vështira në historinë e saj politike.

Në ka një oligark të vetëm ky vend, që ka prodhuar vetëm korrupsion dhe klientelizëm ekonomik, ky është Edi Rama dhe përgjegjësia është e tij, për zhvillimin dhe problemet që ka biznesi sot. Pa biznes nuk ka ekonomi dhe nuk ka të ardhme. Në ka njerëz që krijojnë, janë biznesi. Në ka njerëz që punësojnë, janë biznesi. Në ka gjë që duhet t`a dëshirojmë, është t`a zhvillojmë biznesin. Në ka gjë që duhet t`a mbështesë Partia Republikane, është të mbështesë biznesin, sepse biznesi është mundësia për punësim dhe zhvillim ekonomik të këtij vendi.

E djathta duhet të bashkohet, por jo për të shërbyer si aneks apo qoshe rehatie për këdo politikan apo parti politike. E djathta duhet të bashkohet në radhë të parë në çdo qendër votimi, për të garantuar zgjedhje të lira dhe të ndershme. E djathta e ka të domosdoshme të ndërtojë në radhë të dytë një koalicion vlerash, ku idetë tona krijojnë shpresë dhe besim. Nuk është e mjaftueshme që të tregojmë vetëm se sa i keq është Edi Rama. Është e domosdoshme të tregojmë që ne kemi forcën për të bashkuar shqiptarët kudo që janë, për t`a bërë Shqipërinë Europiane, për të krijuar shanse dhe mundësi të reja.

Ne duam të fitojmë me Partinë Demokratike dhe i takon Partisë Demokratike që të paracaktojë dhe të tregojë se cilat janë rrugët e fitores, dhe e vetmja rrugë është rruga e ndershmërisë, për të pranuar se kush je dhe për të pranuar se me kë punon, për të ndërtuar një koalicion vlerash. E vetmja mënyrë për të ndërtuar një koalicion vlerash, elektorale dhe politike, është kur respekton dhe vlerëson peshën e çdo partie politike, dhe në mënyrë të padiskutueshme, kur arrin dhe gjykon së bashku, kush janë kandidatët që përfaqësojnë këto vlera, për t`a çuar jo thjesht opozitën përpara, por shoqërinë përpara, në mënyrë që në Parlament nesër, të jenë zëri i qytetarëve dhe i mundësisë për një realitet ndryshe, për të ndërtuar shtetin dhe jo vetëm thjesht të jenë në Parlament për t`i shërbyer pushtetit.

Po kërkojmë reciprocitet, respekt, vlerësim të njerëzve të Partisë Republikane, të historisë së Partisë Republikane, të peshës së Partisë Republikane dhe njëkohësisht të ideve të Partisë Republikane, sepse besojmë tek këto ide dhe këto vlera.

Kjo është trupa elektorale e Partisë Republikane. Këta do të jenë kandidatët, ju do të jeni kandidatët, në çdo qendër votimi, për të punuar të gjithë së bashku.

Unë ju kërkoj ju të gjithëve, besoni në veten tuaj, besoni në të ardhmen tuaj, sepse keni një të ardhme përpara, si njerëz, si komb, dhe kjo kërkon angazhimin dhe përkushtimin tonë.//T.Ch