Dy persona kërcënojnë rojen në një firme uji, grabisin paratë 0 8

Një firmë uji në qytetin e Lushnjës ka rënë pre e  grabitësve mbrëmjen e djeshme.

Policia bën me dije se dy persona ende të paidentifikuar kanë kërcënuar rojen e firmës së ujit dhe kanë marrë një sasi parash.

Ende nuk ka asnjë informacion në lidhje me identitetin e autorëve.

Leave a Reply

Your email address will not be published. Required fields are marked *

Miliarderi Bill Gates zbulon pesë gjërat që duhet t’i dini për variantet e reja e koronavirusit 0 8

Variantet e ndryshme të virusit janë të pashmangshme, thotë Bill Gates i cili shpreson që herën e ardhshme njerëzimi do të jetë i gatshëm që në kohën e duhur t’i luftojë.

Miliarderi dhe filantropi amerikan në blogun e tij ka trajtuar çështjen e varianteve të reja të coronavirusit, dhe ka prezantuar pesë gjëra që njerëzit duhet t’i dinë për ta kuptuar se si këto variante komplikojnë rrjedhën e pandemisë, transmeton Telegrafi.

Gates përveç shënimeve të tij në blog, ka publikuar videon në të cilën pretendon se si njerëzit kanë përparuar mjaft në luftimin e pandemisë së coronavirusit, por që variantet e reja mund të rrezikojnë gjithçka që deri më tani është arritur.

Nëse ndonjëherë keni marrë vaksinë kundër gripit, tashmë jeni ballafaquar me variantin e virusit

Siç shkruan Zimo, Gates përsërit diçka që komuniteti akademik prej kohësh e thotë, bëhet fjalë për viruset që vazhdimisht evoluojnë dhe se variantet e tyre nuk janë një shfaqje e pazakontë – edhe pse janë shumë të dëmshëm.

Aftësia e një virusi që shkakton gripin shpejtë pëson mutacion, dhe është arsyeja kryesore pse ne tani kemi vaksinën kundër gripit çdo vit. Vaksina duhet të ndryshojë nga viti në vit, me qëllim që vazhdimisht të jetë në hap me ndryshimet e varianteve të reja të virusit.

Gates thekson se virusi ka vetëm një qëllim – të ndryshojë dhe sa herë që futet në qelizë ai e mashtron në mënyrë që të përcjell qeliza instruksionet e ARN-në së tij, për të prodhuar sa më shumë “kopje” të këtij virusi.

“Kur stacionet i replikojnë virusit, ai duhet të “kopjon” ato instruksione. Nëse ndonjëherë keni pasur orë me lëvizje të shpejta të akrepave nëpër shkolla, e dini se sa vështirë është të përcillni diçka pa bërë ndonjë gabim. Kodi për virusin që shkakton sëmundjen e COVID-19 është i gjatë se afro 30 mijë shkronja. Kjo paraqet shumë mundësi për gabime, gjë që shpesh i ndodh coronavirusit”, thotë miliarderi amerikan.

Megjithatë, ai thekson se çdo herë e më rrallë po ndodh ndryshimi, që i mundëson virusit të infektoj më lehtë njerëzit apo të shmang sistemin imunitar, kështu kur ndryshimet e virusit përhapen në popullatë, atëherë shfaqet edhe varianti i tij i ri.

Shohim se mutacionet e njëjta vazhdimisht po shfaqen, ndoshta është lajm i mirë

Derisa virusi i gripit shpejt pëson mutacione, viruset e tjerë këtë e bëjnë më ngadalë – e SARS-CoV-2 i përket pikërisht kampit të ngadalshmëve. Por, themeluesi i kompanisë Microsoft, thotë se coronavirusi është dy herë më ngadaltë sesa virusi i gripit.

Edhe pse duket se mutacionet e reja shpesh shfaqen, Gates thotë se është si rezultat i qarkullimit të lartë të virusit në botë. E posa të bien numrat, sipas Bill më rrallë do t’i shohim variantet e reja.

“Mutacionet më të theksuara të coronavirusit kanë ndodhur në vendin e njëjtë të proteinës pikante, që është çelës për bartjen e tij. E nëse kjo proteinë ndryshon paksa, ndoshta më me efikasitet do të lidhet me qelizën ose sistemin imunitar, dhe do ta ketë më të vështirë për ta sulmuar – por nëse ndryshon tepër – atëherë nuk do të mund të futet në qelizë dhe të arrijë qëllimin e tij të vetëm”, ka shtuar ai.

Kapaciteti i tij kufizues për ndryshime ndoshta shpjegon pse po shohim të njëjtat mutacione në pjesë të ndryshme të botës. Edhe varianti britanik dhe i Afrikës së Jugut, janë zhvilluar ndaras – por ndajnë një pjesë të mutacioneve të njëjta.

Disa ekspertë besojnë se tashmë kemi parë mutacionet më brengosëse për të cilat është i aftë ky virus. Por, COVID-19 deri më tani na ka befasuar – dhe këtë mund ta bëjë sërish, paralajmëron amerikani që konsiderohet si njëri prej njerëzve më të pasur në botë.

Virusi po ndryshon por rruga deri për t’i dhënë fund pandemisë mbetet e njëjtë

Gatesin e gëzon fakti dhe e konsideron si lajm tepër të mirë që vaksinat që aktualisht janë të qasshme për qytetarët – parandalojnë zhvillimin e simptomave të rënda të kësaj sëmundje – madje edhe tek variantet e reja.

Sipas tij, çështja kryesore mbetet nëse është e nevojshme të perfeksionohet vaksina që ka për qëllim eliminimin e varianteve të reja. Kompanitë tashmë janë duke punuar në modifikimin e vaksinave dhe do të mund të shfaqeshin në treg për disa muaj – kuptohet nëse paraqitet nevoja për to.

Ai konsideron se atëherë do të duhej të vazhdohej me praktikën e masave më të mira epidemiologjike – e mënyra më e mirë për parandalimin e varianteve të reja është të ndalet bartja e virusit në përgjithësi.

Qytetarët anembanë botës duhet të jenë të përgjegjshëm për respektimin e distancës fizike sociale, bartjen e maskës dhe të vaksinohen sa më shumë njerëz – duke i dhënë në këtë formë fund pandemisë edhe më herët sesa që ishte paraparë.

Variantet e reja theksojnë vetëm rëndësinë e disponueshmërisë së vaksinës kudo në botë.

COVID-19 përbën kërcënim kudo nëpër botë. Kjo vlenë edhe për virusin “origjinal” dhe për variantet e tij, thotë Gates, duke shtuar se sa më gjatë që qarkullon virusi – gjasat janë më të mëdha për evoluimin dhe zhvillimin e mënyrave të reja në luftën kundër kësaj sëmundje.

“Nëse nuk e dërgojmë vaksinën në çdo vend të botës, duhet të jetojmë me mundësinë se do të mund të shfaqej një variant tjetër dukshëm më i rrezikshëm, e madje edhe një varianti i ri do të ishte plotësisht imun kundër vaksinave aktuale që janë në treg.

Në blogun e tij, Gates ka theksuar edhe programin COVAX në të cilin merr pjesë edhe fondacioni i tij, që ka për qëllim që vendeve më të varfra t’ju dërgohen vaksinat – duke i bërë thirrje vendeve të pasura që të kyçen në këtë iniciativë me qëllim që bota sa më shpejtë ta fitojë betejën kundër coronavirusit.

Herën tjetër mund të jemi të përgatitur

Variantet e virusit janë të pashmangshme, ka bërë të ditur Gates duke theksuar se herën tjetër për dallim nga herët e kaluara, do të ketë gatishmëri më të madhe të njerëzimit që në kohë t’i luftojë.

E rëndësishme do të jetë sekuencimi gjenetik për një mbikëqyrje më të mirë të sëmundjes… Shkencëtarët duhet të bëjnë një qasje sistematike për të parë variantet në kohën e duhur. Disa ekspertë besojnë se është e nevojshme renditja e të paktën pesë për qind e të gjitha mostrave te testuara, në mënyrë që të ketë një pasqyrë të saktë se si ka pësuar mutacion patogjeni, edhe pse kjo në vetvete nuk është diçka që mjafton.

“Vij me prioritete reale, do rihapim filialin universitar të Dibrës”, Basha: Do të minimizojmë fluksin e largimit të të rinjve dhe do u mundësojmë punë me paga të mirëpaguara! 0 9

Kryedemokrati Lulzim Basha, në një takim me intelektualë të qytetit të Dibrës, i bëri një tablo të përgjithshme të problematikave që ka Peshkopia në veçanti dhe i gjithë qarku në përgjithësi.

Ai tha se mbyllja e filialit universitar, ishte një akt kriminal, e premtoi se pas 25 prillit ajo do të rihapet.

Basha tha gjithashtu se do të kujdeset për të parandaluar dhe minimizuar emigracionin e të rinjve dhe do u krijojë mundësi atyre që të punësohen me rroga të mirëpaguara dhe kushte mjaft të mira në vendin e qytetin e tyre.

“Ёshtё kënaqësi e jashtëzakonshme tё ndodhem prapë nё mesin tuaj, Dibrës sё mençurisë, punës, dijes, dhe tё qëndresës. Sigurisht qё ёshtё njё kohë e vështirë pёr tё gjithё Shqipërinë dhe pёr Dibran, por ёshtё dhe njё kohë vendimesh tё mëdha. Dibra dhe dibranët kanё ditur tё marrin përsipër pёrgjegjsitё mbi shpatullat e tyre jo vetёm pёr kёtё trevë por pёr tё gjithё Shqipërinë nё momente tё këtilla tё vështira dhe nё momente vendimtare siç ёshtё 25 prilli. Kanё ditur tё bashkohen pёr tё bёrё zgjedhjet e duhura, zgjedhjet e mençura pёr veten e tyre, pёr familjet e tyre, pёr Dibrën dhe pёr mbarё kombin. 25 prilli po afron dhe ku mё shumë se nё Dibër ka dhembur plaga e këtyre 8 viteve ku njerëzit e kanё ndjerë deri nё palcë dështimin 8 vjeçar rënien dramatike tё ekonomisë, diskriminimin, ndarjen e njerëzve nё tё nёnёs dhe nё tё njerkёs, ku nё fakt shumica dërrmuese janë varfëruar, janë sh punësuar, janë nёpёrkёmbur.

Çlirim nga një stres, nga një akth, nga një makth i pushtimit të gjithë hapësirës institucionale, vendore, qendrore, publike, ekonomike nga një bandë që nuk e lidh asgjë me vlerat, virtyte, ëndrrat, ambiciet e familjeve dibrane për fëmijët e tyre dhe nga ana tjetër bashkimi për një program me një ekip i cili synim kryesorë ka që këto pasuri magjepsëse të Dibrës dhe virtytet për të cilat Dibra njohët në të gjithë vendin, ato të punës, të mençurisë, të mirë administrimit të kthehen në mirëqenie për Dibrën dhe dibranët. Që kjo të ndodhë, duhet që ne të respektojmë një nga institucionet më kryesore për të ardhmen e rinis dibrane dhe të ardhmen e rinis shqiptare që është arsimi. Drama e mbylljes së filialit të Peshkopisë është një dramë që ndihet në çdo familje të kësaj treve. Kostoja e arsimit të fëmijëve dibranë është shtuar, ndërkohë që është shkulur padrejtësisht ajo që duhet të ishte një vatër jo vetëm për trevën e Dibrës por për të gjithë Shqipërinë verilindore dhe jo më kot në programin tonë ne kemi vendosur arsimin e lartë si një prioritet absolutë dhe hapjen dhe rihapjen e institucioneve të arsimit të lartë me fokus të veçantë tek trajnimi profesionalë i rinis. Javët e fundit duke përfshirë edhe ditët e fundit unë kam qenë në kontakt me institucionet europiane dhe me universitetet europiane të cilat do të na ndihmojnë ta bëjmë këtë realitet, do ta ndihmojnë së pari duke ju përgjigjur financimeve të qeverisë së re pas 25 prillit me financime europiane, duke na vënë në dispozicion trajnues të cilët do të përgatisin jo vetëm studentët por edhe pedagogët e ardhshëm në degë të veçanta me interes të madh për ekonominë dhe për investimet e huaja dhënë këtë kuadër synimi është që në veçanti në zona të lëna krejtësisht jashtë vëmendjes, të braktisura në mënyrë, do të thoja kriminale, siç është veriu dhe verilindja, ku si rezultat emigracioni ka marrë përmasat më të rënda në gjithë vendin, nga Gjirokastra në Shkodër, nga Korça në Durrës emigracioni i të rinjve është kthyer në plagën më të madhe të vendit, po në këto zona edhe më shumë.

Pra synimi është që ne të krijojmë kushte të përshtatshme, për t’i dhënë të rinjve të kësaj zone jo thjeshtë një diplomë, por një arsimim, një kualifikim profesionalë të nivelit të lartë për t’i përgatitur ata për një vend pune me pagë të mirë dhe për mundësinë për të themeluar jetën e tyre pranë familjeve të tyre, pranë komunitetit të tyre. Trajnimi i rinisë, sjellja e investimeve të huaja, rihapja e filialit i profilizuar për të prodhuar kuadro të përgatitur, profesione të përgatitura për këto investime dhe pa diskutim vëmendja e shtuar për disa nga investime strategjike për të cilat kanë interes parterët tanë strategjik, Shtetet e Bashkuara të Amerikës, do të sjellë këtu vëmendjen edhe të investitorëve të tjerë në fusha të ndryshme ku fokusi do të jetë teknologjia e informacionit, pra teknologjia kompjuterike e informacionit, e komunikimit, do të jetë industria auto-motive, do të jetë industria semikonduktorëve dhe pa diskutim do të jetë mbështetja e veçantë për bujqësinë dhe për turizmin, të cilat përbëjnë ndoshta mbi 50% të potencialit zhvillues ekonomik të zonës së Dibrës, krejtësisht të pa prekur.

Padiskutim përfundimi i rrugës së Arbrit do ta bëjë Dibrën një nga qendrat më të afërta me kryeqytetin dhe do të nxisë kësisoj jo thjesht trafikun, por dhe shkëmbimin ekonomik me qendër më të madhe ekonomike të Shqipërisë, do ta sjellë shumë më afër edhe infrastrukturës turistike të turistëve të cilët janë dhe duhet të jenë në të ardhme një nga prioritetet tona për ti njohur jo thjesht me bregdetin por me gjithë bukuritë e mahnitshme të Shqipërisë. Dhe nga ana tjetër kjo do të sjellë një ndihmë të madhe për bujqësinë Dibrane, për pemëtarinë Dibrane, për blegtorinë Dibrane, produktet e të cilës janë me nam për nga cilësia, për nga natyra e tyre unike, por të cilave iu ka munguar si kudo në Shqipëri subvencionet, iu ka munguar mbështetja me investime në infrastrukturë, iu ka munguar vëmendja dhe mbështetja e gjithanshme e shtetit duke përfshirë investimin e personave të specializuar, agronomëve, veterinerëve, të cilët do të bëjnë të mundur që fermeri Dibran të sjellë produktin e tij unik, produktin e tij bio dhe cilësor, me një çmim të përshtatshëm në treg, jo për të mbajtur frymën gjallë por për të krijuar mirëqenie dhe për të rikrijuar traditën e jetës me tokën dhe ajo pjesë e rinisë që do të jetojë në tokën e stërgjyshërve të vet, mos ta bëjë kështu prej hallit por ta bëjë sepse sjell një leverdi të madhe.null

Këtu lidhen pra, të gjitha dimensionet e ekonomisë së Dibrës, duke përfshirë këtu, edhe lehtësimin e komunikimit me pjesën tjetër të kësaj treve, që ndodhet në Republikën e Maqedonisë së Veriut, në mënyrë që ekonomia të funksionojë si një e tërë. Unë e di që edhe pa këto shanse, madje edhe duke e pasur qeverinë kundër, shqiptarët në përgjithësi e dibranët në veçanti kanë qëndruar fort.

Tetë vite premtime të pambajtura, tetë vite pa asnjë zgjidhje për Dibrën, po marrin fund! Kështu që mençuria dibrane, besoj do t’i prijë ndryshimit, ndryshimit që do sot gjithë Shqipëria! Do t’ia mbyll derën të keqes! Nuk do t’ia hapë për një herë të tretë, e do të bashkohet me ekipin tonë, që janë përfaqësues të vlerave më të mira të Dibrës, njerëz të sprovuar të suksesit, kur iu është besuar administrimi i punëve publike” u shpreh Basha.