“Drejtësia për 21 Janarin e papërfunduar”, Rama para familjarëve të viktimave: Po pastrohet llumi në drejtësi, sfida jonë… 0 27

Në 10-vjetorin e vrasjes së katër protestuesve para Kryeministrisë gjatë protestës së opozitës së asaj kohe, Partisë Socialiste dhe aleatëve të saj, në Kryeministri janë ftuar familjarët e viktimave, të cilët qeveria i ka shpallur dëshmorë dhe kanë përfituar nga ndryshimi i ligjit për dëshmorët e atdheut të ndryshuar në vitin 2018.

Kryeministri Rama tha se pas 10 vitesh është koha për reflektim, se pse nuk është përmbushur ende drejtësia për 4 të pafajshëm: Ziver Veizi, Faik Myrtaj, Hekuran Deda dhe Aleks Nika, që u vranë gjatë protestës së opozitës më 21 janar 2011.


I pari i qeverisë shtoi se sistemi po fillon të pastrohet nga llumi i gjyqtarëve që e sakatuan drejtësisë për 21 Janarin, pasi sipas tij kryeministri s’mund të japë drejtësi në një sistem demokratik, por është gjykata ajo që e bën.

 

Nga ana tjetër Rama u shpreh se pas 21 Janarit ka ndryshuar qasja që qeveria ka për protestat.

“Sot kemi të gjithë arsyet për t’u përulur me mirënjohje të madhe përpara kujtimit të këtyre 4 dëshmorëve, humbja e jetës së të cilëve vuri një vijë të kuqe dhe të lexueshme për të gjithë duke e bërë të pakapërcyeshme forcën e shtetit në raport me lirinë dhe të drejtën për të protestuar.

 

 

Unë jam sinqerisht krenar që ne si pjesë e asaj përpjekje në një kohë tjetër dhe tejet të vështirë dhe të ngatërruar me marrjen e përgjegjësisë së madhe, të përgjegjësisë së vendit kemi qenë mishërimi i një vullneti të palëkundur për të garantuar për të gjithë lirinë dhe të drejtën për të protestuar dhe në situata shumë.

Ne kemi garantuar një reagim proporcional duke mos lejuar që në radhë të parë jeta e protestuesit të mos vihet asesi në pikëpyetje dhe dinjiteti i protestës që është dinjiteti i shoqërisë të mos shkelet në emër të mbrojtjes së gardhit apo hapësirës përtej gardhit pavarësisht ekseseve të përsëritura me të cilat e gjithë shoqëria është përballur drejtpërdrejt duke ndjekur zhvillimin e protestave.

Është kthyer në normë që protesta të jetë nevojë e së drejtës për tu dëgjuar dhe si asnjëherë më parë qeveria, jo vetëm ka pasur vullnetin për të dëgjuar, por edhe karakterin për të reaguar e kërkuar ndjesë kur protesta ka shpalosur përmes së drejtës së vetë arsye që kanë treguar se ka qenë qeveria në pozitën e palës që duhet të tërhiqet dhe protestuesit në pozitën e palës që duhet të dëgjohen e vlerësohen duke iu dhënë të drejtë për argumentin.

21 janari është shembulli i degradimit të pushtit tek shembulli i forcës, jo tek forca e shembullit. Sa herë flitet për të e sa herë vjen, unë jam i vetëdijshëm se shumë zemra të tërbuar ngrenë shqetësimin, pikëpyetjen dhe akuzën ndaj nesh duke thënë një të vërtetë: Që drejtësia për 21 janarin është e papërfunduar, larg së qenit e përfunduar, por duke ngatërruar nga ana tjetër kohën që kemi sot, se kryeministri e qeveria nuk mund të bëjë atë që bën drejtësia. Qeveria nuk bën rolin e prokurorisë dhe as kryeministri apo ministri s’mund të ngrenë akuza penale për t’ja çuar gjykatës së partisë. Është pushteti gjyqësor ai që i bën të tëra këto, një pushtet i pavarur në demokraci.

Secili nga pjesëmarrësit në atë tragjedi për të vënë në vend të drejtën e padiskutueshme të të gjithë të afërmve, prindërve, nipërve, motrave e vëllezërve, për të vënë në vend, ashtu si të gjithë familjarët, miq e të afërm sa herë ajo plagë dhëmb nuk kanë se si marrin frymë të lehtësuar, prej faktit se nuk është bërë drejtësi.
Jemi në mes të rrugës në cdo drejtim, sic janë sot kantieret e rindërtimit pas tërmetit.

Ku janë sot ata që sakatuan të drejtën e të gjithë familjarëve, që sakatuan të drejtën e tyre për të parë drejtësi? Një pjesë e tyre nuk janë më, janë larguar nga drejtësia si pjesë e llumit që vazhdon të pastrohet. Një pjesë tjetër janë larguar duke dhënë dorëheqjen si pjesë e llumit që s’mund ta kalonin filtrin, një pjesë tjetër janë ende në punë se nuk ju ka ardhur radha të kalojnë në filtrin e vettingut. Kjo është pasqyra krejt e ngjashme si në sektorin e rindërtimit. Shumëkush mendon se me vettingun dhe pastrimin e llumit mbaron llogaridhënia e këtyre njerëzve. Mbase shumëkush ka menduar se vettingu është një shkallë ndëshkimore për sistemin, jo, vettingu është filtri që pastron prurjet në sistem, pjesë e të gjithë një infrastrukture të vjetër, për të ngritur themele të reja, për të garantuar që organizmi i drejtësisë së re është pastruar nga metastazat e kancerit që degradoi sistemin, organizmin e shtetit. Do të jetë pikërisht faza tjetër, ajo e sistemit të pastruar nga kanceri që do të realizojë atë që njerëzit presin me padurim, goditjen e gjithë atyre që e morën peng drejtësinë për vite të tëra dhe e bënë vendin një vend ku e drejta u kthye në një mall që shitet e blihet. Sfidë e madhe mbetet zëvendësim i i gjakut të prishur me gjak të ri”,- tha Rama.

 

 

 

 

 

 

 

(BalkanWeb)

Leave a Reply

Your email address will not be published. Required fields are marked *

Balla ftoi PD t’i bashkohet nismës për shkarkimin e Presidentit, reagon Bardhi: Gjëja e vetme me të cilën duhet të merremi është… 0 13

Sekretari i Përgjithshëm të PD, Gazment Bardhi i është përgjigjur deklaratave të kreut të grupit parlamentar të PS Taulant Balla, i cili i kërkoi sot nga parlamenti PD t’i bashkohet nismës për shkarkimin e Presidentit të Republikës.

Bardhi deklaron se vjedhja më e madhe e votave në historinë e Shqipërisë është gjëja e e vetme me të cilën duhet të merremi dhe se çdo çështje tjetër, synon që të shmang vëmendjen nga masakra elektorale.

“Gjëja e vetme me të cilën duhet të merremi dhe sigurisht Taulant Balla nuk pranon të bëjë, është vjedhja më e madhe e votave në historinë e Shqipërisë. Rama-Doshi-Rakipi e çoi vendin tonë në një masakër masive elektorale dhe viktimë janë qytetarët shqiptarë.

Detyra jonë është të qëndrojmë të vendosur dhe të luftojmë fort për kthimin e demokracisë në vend. Çdo çështje tjetër, synon që të shmang vëmendjen nga masakra elektorale Rama-Doshi-Rakipi, që është turpi i vetëm i Shqipërisë”, deklaron Bardhi.

 

 

Më herët Balla i bëri thirrje në parlament kreu të PD Lulzim Basha t’i bashkohet kësaj nisme për më të mirën e vendit.

“Prandaj thirrja ime për anën e djathtë të kësaj salle është një thirrje në emër të nevojës që Shqipëria ka për tu shkarkuar nga një turp qe nuk e meriton.

Thirrja ime për ta mbështetur këtë procedurë shkarkimi shkon edhe për Partinë Demokratike dhe personalisht për Lulzim Bashën. Tashmë PD ka në këtë sallë deputetë që garuan në emër të saj edhe më 25 Prill dhe Do të ishte dinjitoze që edhe opozita e Lulzim Bashës po ashtu t’i bashkohej kësaj iniciative moralisht”, deklaroi Balla.

Gjermania jep 50 milionë euro për transport të gjelbër në Tiranë 0 15

Transporti urban publik shihet si shkaktar kryesor i ndotjes së ajrit në Tiranë. Tani me ndihmën gjermane i hapet rruga një projekti për transportin ekologjik.

Burime zyrtare nga Ambasada Gjermane në Tiranë, bëjnë të ditur se i është hapur rruga zbatimit të fazës fillestare të projektit “Transporti Ekologjik në Tiranë”. “Ky projekt ka si objektiv kryesor promovimin e një shërbimi transporti urban publik sa miqësor me mjedisin dhe klimën, aq edhe të besueshëm dhe të përballueshëm për qytetarët në Tiranë,” theksohet në njoftimin e ambasadës gjermane në Tiranë të mërkurën, (5.05).

Faza fillestare e projektit “Transporti Ekologjik në Tiranë” u bë e mundur në sajë të një marrëveshjeje mes qeverisë së Republikës Federale të Gjermanisë, (RFGJ) dhe asaj të Shqipërisë, të nënshkruar në fund  të muajit të kaluar, për financimin nga qeveria gjermane me një kredi prej 50 milionë euro, përmes Bankës Gjermane për Zhvillim (KfW).  Zbatimi i tij vjen pas një studimi të thelluar fizibiliteti për një sistem të shpejtë autobusash në Tiranë, të përqendruar në problematikat teknike, financiare, sociale e mjedisore që hasen në tre korridorët  kryesorë të kryeqytetit: Kinostudio-Kombinat, Unazën e tretë dhe Tiranën e Re. Studimi u krye me një grant të qeverisë gjermane prej 1,7 milionë eurosh, përmes KfW, të lëvruar në vitin 2019, thekson njoftimi i ambasadës gjermane në Tiranë.

Transporti urban publik – shkaktar i ndotjes së mjedisit

Sipas të dhënave zyrtare të Open Data – Tirana, transportit publik urban në kryeqytet që nga viti 2013 kryhet vetëm nga 11 operatorë privatë në 16 linja të ndryshme të autobusësh. Çdo ditë 311 autobusë kalojnë nga periferia në qendrën e kryeqytetit dhe anasjelltas. Vetëm  271 prej tyre janë me platformë për persona me aftësi të kufizuar dhe vetëm 62 të pajisur me kamera sigurie.

Rreth 200,000 persona udhëtojnë gjatë ditës në linjat e transportit publik urban në Tiranë. Në një studim të këtij viti nga specialistët e Institutit të Shëndetit  Publik, (ISHP) transporti urban publik në Tiranë cilësohet si një nga shkaktarët kryesorë të ndotjes së ajrit në kryeqytet. “Tirana është një nga qytetet më të ndotura të Shqipërisë me 100 mikro gramë për metër kub me grimca të ngurta, blozë dhe benzene, shifër që është disa herë më e lartë se normat e lejuara nga Bashkimi Evropian”, thekson studimi i në fjalë.

Një ndotje e tillë e mjedisit, konsiderohet nga specialistët e ISHP si një nga shkaktarët kryesore për sëmundjet e mushkërive dhe shtimin e rasteve me kancer të mushkërive. Projekti “Transporti Ekologjik në Tiranë”, i financuar nga qeveria gjermane me 50 milionë euro përmes bankës KfW, synon të fillojë kthesën pozitive të qëndrueshme të kësaj situate. KfW në Shqipëri, në zbatim të bashkëpunimit  financiar mes Gjermanisë dhe Shqipërisë siguron grante dhe kredi të buta për investime kyçe në infrastrukturë dhe shërbime konsulence që lidhen me projekte të ndryshme, thekson njoftim i ambadsadës gjermane në Tiranë.

Bashkëpunimi Gjermano-Shqiptar filloi në vitin 1988. Që nga ai vit Qeveria Gjermane, përmes KfW ka angazhuar një shumë totale prej 1.3 miliardë eurosh për sektorët kyç të furnizimit me ujë, menaxhimit të mbetjeve, energjisë dhe zhvillimit të qëndrueshëm ekonomik, duke u bërë kështu donatori kryesor bilateral me Shqipërinë.