“Do jem aty si fantazëm!” Stresi nuk ndalet, nga arratia lajmëron se do marrë sërish pjesë në protestë por kërkon ndihmën e qytetarëve! 0 17

Sikundër na tregoi mbrëmjen e djeshme pasi u shpall në kërkim nga policia, Stresi kishte lëvizur drejt Kosovës. Në një rrëfim për Prive, ai ka zbuluar se ka marrë një shok që punon me funeralet dhe kanë shkuar në Laç e nga Laçi në Kosovë.

“Mora një shok të timin që punon me makinat e varrimeve, vetëm për të dalë nga protesta. Kemi shkuar deri në Laç me të. Aty pastaj drejt Kosovës”, ka treguar reperi duke falenderuar gjithë miqtë që e ndihmuan të shkonte drejt Kosovës.

Ai u shpreh sërish se kjo protestë është organizaur 100% prej tij në çdo detaj. Reperi ka thënë se në protestë nuk ishin personalisht për ministrin Lleshaj që dha dorëheqjen, por për institucionet dhe kabinetin e Rilindjes.

Stresi u shpreh se në protestë nuk ka lejuar asnjë parti politike, madje as përkrahës të Partisë Demokratike, për të cilën ka shprehur dhe vetë mbështetjen publikisht.

Ndërkohë, reperi vijon me postimet e tij në rrjetet sociale, ku publikon foto e video nga protesta. Së fundmi, nga shtëpia ku ndodhet në Kosovë ai ka ndarë një status ku thotë se do marrë sërishpjesë në protestë ditën e sotme.

Më tej, betohet se nuk ka asnjë synim politik, duke shtuar se nuk i intereson askush veç drejtësisë.

Tu mendu për nesër. Në orën 18:00 unë jam me ju nesër. Sapo të mblidhemi në shumicë do jem aty si fantazëm. Ju betohem në Zot se nuk kam asnjë lloj synimi politik, s’më intereson askush në këto momente, përveç drejtësisë. Më dërgoni të gjitha infot, videot, postoblloqet, që të jem pjesë pjesë e protestës dhe të bëhem me ju.

Prej tre ditësh tashmë, qytetarët e Tiranës po organizojnë një protestë në nder të Klodian Rashës i cili u vra pabesisht nga efektivi duke gdhirë e hëna. Revoltën e tyre qytetarët e kanë shprehur në djegie e shkatërrime objektesh, siç janë pema e Krishtlindjeve, apo koshat e mbeturinave.

Protesta ka patur edhe në qytetet e tjera, por ndryshe nga kryeqyteti, vihet re se kanë qenë më paqësore.

Kreu i qeverisë Edi Rama hoqi përgjegjësinë nga struktura e Policisë së Shtetit dhe e drejtoi atë vetëm te një individ, por në fakt qytetarët e dinë se kjo strukturë është e kalbëzuar, që nga hyrja në këtë strukturë, shmangia e përgjegjësisë, mostrajtimi i duhur në Akademinë e Policisë, etj.

E gjithë struktura nga Drejtoria e Policisë, te Shërbimi i Çështjeve të Brendshme dhe Ankesave deri tek Forcat Shqiponja, të gjithë drejtuesit duhet të largohen. Konkretisht, “iconstyle.al”, duke iu bashkuar nismës së protestuesve dhe kërkesës së tyre, kërkon largimin e :

-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit./iconstyle

Leave a Reply

Your email address will not be published. Required fields are marked *

Deklarata shokuese: Vaksina e koronavirusit mund t’i kthejë njerëzit në homoseksualë! 0 11

Në një kohë kur vaksina e koronavirusit po kërkohet në doza të larta nga shumë shtete për ti dhënë fund pandemisë, një rabin ortodoks ka deklaruar se mund të ndikojë në prirjet seksuale të njerëzve.

Rabini Daniel Asor, i cili ka një numër të lartë ndjekësish në rrjete sociale ka deklaruar se: “Vaksina e Covid mund t’i kthejë njerëzit në homoseksualë”.

Një media izraelite raportoi se Daniel Asor gjithashtu deklaroi se përpjekjet për të vaksinuar sa më shumë njerëz ishin pjesë e një ‘qeverie dashakeqe’, e cila po përpiqet të ndryshojë botën. Në fakt, nuk ka asnjë provë që vaksina e koronavirusit lidhet me homoseksualitetin dhe bie në kundërshtim me thirrjet e tjera të Daniel Asor, i cili i kërkonte njerëzve që të vaksinoheshin.

Sipas Independent, Asor përdori një predikim të kohëve të fundit për të thënë: “Çdo vaksinë është bërë duke përdorur një substrat embrional dhe ne kemi prova se shkakton prirje të kundërta. Vaksinat merren nga një substrat embrional, dhe ata e bënë këtë edhe këtu, kështu që kjo mund të shkaktojë prirje të kundërta”, për të cilën i referohej homoseksualitetit.

‘’Së shpejti’’, eksperti i OBSH parashikon: Do të ketë mbi 100 mijë vdekje në javë nga COVID-19 në rang global 0 7

OBSH ka parashikuar se numri i viktimave nga COVID-19 në rang global do të rritet.

Së shpejti vdekjet javore pritet t’i kalojnë 100 mijë, teksa rreth 47% të tyre deri më tani i ka Amerika.

Nga ana tjetër në Europë ka një stabilizim të shifrave, por përsëri mbeten në nivele të larta.

Ky parashikim është bërë pikërisht nga një ekspert kryesor për emergjencat, Mike Ryan.

 

 

 

 

 

 

 

 

(BalkanWeb)