Dieta e Shenjtë për Muajin e Ramazanit/ Këshilla nga mjekët që nuk duhen humbur 0 17

Janë plot 30 ditë ushqim i programuar, ndaj të gjithë myslimanët janë gati për të bërë një sakrificë tjetër në këtë muaj agjërimi. Mjekët këshillojë që duhet të keni kujdes me dietën gjatë Ramazanit.

Drejtori i Shëndetit Publik në Samsun, Turqi, Dr. Mustafa KasapoÄŸlu, paralajmëroi se konsumi pa kujdes i ushqimit gjatë Ramazanit mund të çojë në shumë probleme shëndetësore që lidhen me stomakun dhe zorrët.

“Gjatë Ramazanit, njerëzit ulin sasinë e ushqimit që i japin trupit dhe ngadalësojnë në këtë mënyrë metabolizmin. Gjëja e parë që duhet të bëni është të ndihmoni që metabolizmi të kthehet dalëngadalë në normalitet”,- thotë Dr. KasapoÄŸlu.

Po cilat janë ushqimet më të mira gjatë muajit të sa krificës? Sipas dietologëve, nëse vërtet dëshironi që të humbni peshë gjatë kësaj periudhe të vitit, këshilla më e mirë është të keni kujdes sidomos me ushqimet me shumë yndyrë dhe të skuqurat.

Ushqimet më të mira janë: Frutat dhe perimet, Buka, çerealet dhe patatet, Mish pule dhe peshk, Produktet e qumështit, qumësht dhe djathë, Ushqimet pa yndyrë dhe pa sheqer, Ushqimet që duhen shmangur

Ushqimet e pjekura shumë – patate të skuqura, mish i pjekur, si edhe produkte brumi. Ushqimet me yndyrë dhe nivel të lartë sheqeri – ëmbëlsirat me sherbet. Ushqime të gatuara me yndyrë të lartë – salcat me shumë vaj dhe pasta të yndyrshme

Alternativa të tjera të shëndetshme: Kryesisht ushqimet e pjekura në furrë janë një alternativë e mirë. Ushqimet gjysmë të bëra, si perimet që tiganisen për disa minuta. Mish pule i pjekur në furrë, peshku është gjithashtu një alternativë e suksesshme, sepse ruan edhe aromën dhe shijen e ushqimit.

Leave a Reply

Your email address will not be published. Required fields are marked *

Ky është aplikacioni që pengon hakerat të përgjojnë iPhone 0 23

Është shumë e vështirë për të hakuar dhe për të ndërhyrë në një celular iPhone, për shkak të elementeve të mbrojtjes që ka. Por, hakerat mund të gjejnë mënyra të ndryshme për të përgjuar celularin tuaj.

Një nga mënyra është përmes një pajisje fizike, të quajtur ‘Cellebrite Physical Analyzer’. Kjo pajisje përdoret nga agjencitë e zbatimit të ligjit, por edhe nga hakerat, raporton “The Sun”.

Për të hyrë në iPhone, duhet që kjo pajisje të lidhet fizikisht me telefonin, e skanon dhe krijon një kopje. Megjithatë, për të parandaluar vjedhjen e të dhënave apo përgjimin edhe në këtë mënyrë, ka një metodë tjetër që e parandalon. Është aplikacioni i mesazheve Signal, i cili është rivali i WhatsApp. Ky aplikacion është i ndërtuar në mënyrë të tillë që ka një mbrojtje shumë të lartë të sigurisë së mesazheve.

Përpos kësaj, zhvilluesit e Signal kanë përdorur një kod për ndërtimin e këtij aplikacioni që shkatërron edhe sistemin e pajisjes ‘Cellebrite Physical Analyzer’, duke e bllokuar këtë që të ndërhyjë në të dhënat personale të iPhone. Për të rritur sigurinë në celularin tuaj iPhone, mjafton që të shkarkoni aplikacionin Signal.

Madje nuk është e nevojshme as që ta përdorni si aplikacionin kryesor të mesazheve, pasi mbrojtja e telefonit tuaj përmes këtij aplikacioni funksionon. Hakerat mund të gjejnë edhe mënyra të tjera për të ndërhyrë në celularin tuaj, kështu që jini të kujdesshëm ndaj mesazheve apo emaileve të dyshimta që ju vijnë.

Pija shëruese e tokës – Hithra, mollë Dhe spinaq 0 20

Hithra është një nga barishtet më të pasura me vlera në botë.

Konsumi i saj rekomandohet për pastrimin e organizmit, kundër alergjive, për shëndetin e kockave dhe rikthimin e energjisë në organizëm.

Sipas të dhënave të AgroWeb.org, hithra është një burim i shkëlqyer i kalçiumit, manganit, magnezit, vitaminës K dhe proteinës.

Falë këtyre përbërësve, hithra rekomandohet për forcimin e kockave, thonjve, flokëve dhe dhëmbëve.

Si Ta Përdorni Hithrën
Hithra është një barishte e cila nuk të lë kurrë në baltë.

Atë mund ta përdorni në receta të larmishme.

Ju mund të gatuani lazanjë me hithra, salcë për makarona, byrek apo ta kavërdisni njësoj si spinaqi.

Me hithrën ju mund të përgatisni edhe një lëng shumë të pasur që njihet si Pija e Tokës, sugjeruar nga AgroWeb.org.

Kjo pije është e ëmbël dhe freskuese.

Ajo është shumë e pasur me vitamina dhe minerale dhe i jep trupit energjinë e nevojshme për t’ia dalë mbanë gjatë gjithë ditës.

Përbërësit:
Një filxhan çaji me hithra të freskëta

Një filxhan çaji me spinaq

Një banane

Një mollë mundësisht jeshile

2 gota me lëng molle

Gjysëm avokado

Çerek filxhani çaji me gjethe mente ose nenexhiku

Përgatitja:
Lajeni hithrën me ujë të bollshëm dhe më pas futeni në tenxhere që të marrë një valë për 2 minuta.

Kullojeni dhe lëngun ruajeni për çaj, supë apo për të fertilizuar bimët që keni rritur në shtëpi.

Më pas, futini hithrat e valuara në një mikser bashkë me të gjithë përbërësit e tjerë të përmendur më lart.

Përziejini deri sa lëngu të arrijë trashësinë e duhur.

Servireni duke e shoqëruar me një gjethe menteje.

Lëngu i Hithrës
Lëngu i hithrës së valuar është shumë i mirë për të ulur kolesterolin dhe mbrojtur shëndetin e zemrës.

Ai është i pasur me shumë antioksidantë.

Ky lëng rekomandohet të pihet edhe nga diabetikët sepse ndihmon të ulë nivelin e sheqerit në gjak.

Me lëngun e hithrës ju mund të bëni edhe gargarë për të hequr erën e keqe të gojës.

Një gotë në ditë është e mjaftueshme./AgroWeb.org