Dendias: Turqia rrezikon paqen në Mesdhe, Greqia mbron të drejtat e saj! BE të sillet si familje 0 72

Ministri i Jashtëm ka deklaruar se Greqia promovon dialogun dhe marrëdhëniet e fqinjësisë së mirë, por ana ana tjetër mbetet e gatshme për të promovuar sovranitetin dhe të drejtat e saj në çfarëdolloj rrethane, duke iu referuar këtu konflikteve me Turqinë. “Ne kërkojmë të promovojmë paqen, stabilitetin, zhvillimin dhe prosperitetin për të gjithë popujt. Ne përpiqemi të promovojmë një axhendë pozitive, e cila do të çonte në bashkëpunim, zhvillim dhe prosperitet për të gjithë. Ne duam të ndërtojmë atje ku të tjerët përpiqen të shkatërrojnë”, tha Dendias.

Ai vuri në dukje se Greqia ka treguar se dëshiron të ketë marrëdhënie të mira fqinjësore dhe kohët e fundit arriti tre marrëveshje me fqinjët e saj. Ndërkohë theksoi se në të kaluarën Turqia kishte një qëndrim agresiv ndaj Greqisë. “Turqia po kërcënon një anëtar të BE me luftë. Ne nuk kemi parë një luftë në Evropë për 70 vjet.  Turqia është përjashtim dhe kërcënon një anëtar të BE me luftë”, tha ai.

I pyetur rreth qëndrimit të BE, ai u shpreh se Turqia po shkel në mënyrë të njëanshme bashkimin doganor me BE dhe Shtetet anëtare nuk po bëjnë asgjë për këtë. “Ne duhet të provojmë se BE është një familje dhe jo një formalitet. Nëse vazhdojmë të mos marrim masa, është si t’i thuash popullit turk se ne e duartrokasim qeverinë e tij dhe kështu t’i largojmë më tej nga vlerat evropiane”, u shpreh Dendias. /abcnews.al

Leave a Reply

Your email address will not be published. Required fields are marked *

Basha uron besimtarët myslimanë për Fiter Bajramin: Agjërim të pranuar e shpresë të përtëritur, Zoti e bekoftë Shqipërinë 0 13

Kryedemokrati Lulzim Basha, me rastin e festës së Fiter Bajramit, ka shkuar për vizitë në selinë e Komitetit Mysliman të Shqipërisë.

Nga atje, në një prononcim për mediat, Basha, i ka uruar të gjithë besimtarëve myslimanë Fiter Bajramin dhe agjërim të pranuar e shpresë të përtëritur.

“Gëzuar Fiter Bajramin, agjërim të pranuar, shpresë të përtëritur, Zoti ju bekoftë ju dhe familjet tuaja, Zoti e bekoftë Shqipërinë”, tha Basha.

 

Presidentja Vjosa Osmani uron Fiter Bajramin: Ta demonstrojmë harmoninë dhe bashkëjetesën në një shoqëri solidare 0 11

Presidentja e Republikës së Kosovës, Vjosa Osmani, i ka uruar besimtarëve myslimanë festën e Ftier Bajramit.

Në një postim në rrjete sociale, ajo shkruan se esenca e kësaj feste është solidariteti, ndaj bën thirrje që të gjithë të bëjnë të pamundurën për ta mbajtur gjallë traditën e këtij virtyti.

“Festa e Fitër Bajramit shënon fundin e agjërimit një muajsh, në të cilin besimtarët demonstruan sakrificën dhe shpirtin solidar duke dhuruar diçka nga vetja për më të varfrit, apo për nevojtarët. Uroj që Zoti t’i ketë pranuar lutjet tuaja për shëndet të mirë, paqe e harmoni.
Esenca e kësaj feste është solidariteti, ndaj të gjithë së bashku duhet ta bëjmë të pamundurën që ta mbajmë gjallë traditën tonë të këtij virtyti.

Pandemia do të jetë një barrierë në kremten e kësaj feste, porse duhet të gjejmë forcë që edhe në këto rrethana ta urojmë njëri-tjetrin me zemrën plot e me shpresën se së shpejti do ta tejkalojmë pandeminë.

Ta kemi besimin e fuqishëm se në Bajramin tjetër do të kemi mundësinë t`i japim kuptim kremtes me prezencë fizike te të afërmit e miqtë. Ta demonstrojmë harmoninë dhe bashkëjetesën në një shoqëri solidare!”, shkruan Vjosa Osmani.

Postimi i plotë: